Abel Azcona artista iruindarrak ez du epailearen aurrean deklaratuko eta Portugalen dago erbesteratua
'Amen' izeneko performance baten bidez Elizaren baitan izandako abusuak salatu ditu artista iruindarrak. Abokatu Kristauen Elkarteak salatu zuen "birao" eta "sentimendu erlijiosoen" kontra egiteagatik. Bigarrenez deitu dute deklaratzea baina oraingoan ere joateko asmorik ez duela esan du.
Portugalen erbesteratu da Abel Azcona artista iruindarra. Sare sozialetan iragarri zuen joan den astean epaileak berriz ere deklaratzera deituko balu dagoeneko bazuela eskaintza eginda Portugaldik, eurenean gelditzeko babesean. Eta halaxe egin du. Gaur deitu du epaileak deklaratzera eta asmorik ez du Azconak bertaratzeko. Portugalen da dagoeneko. Amen izeneko performancean pederastia hitza idazteak "birao" egitea eta "sentimendu erlijiosoen" kontra egitea dela iritzita Abokatu Kristauen Elkarteak salaketa jarria dio artista iruindarrari. Aurretik ere deitua zuen epaileak deklaratzera (otsailean) baina hartan ere ez zen azaldu. Oraingoan ere asmorik ez duela adierazi du sare sozialetan.
242 hostia kontsagraturekin egindako lana da Abokatu Kristauen Elkarteak salatu duena. Horrez gain beste talde ultraeskuindarrek ere jo dute Azconaren kontra: Hazte Oir edota Franco Fundazioa. Askatasun artistikoaren defentsa egiten ari da Azcona deklaratzeari uko eginda, berak sare sozialetan adierazitakoaren arabera.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra.
1971n hainbat euskal abadek Zamorako espetxe hartatik ihes egiteko plana bertan behera geratu zen, poliziek tunela deskubritu ondoren. Nicanor Acosta abade-ohi komunistak Apaiz Kartzela dokumentaleko egileei elkarrizketa batean esan zien Santiago Carrillo izan zela salatzailea:... [+]
Espainiako Eliza Katolikoak onartu du adingabeei egindako 1.057 sexu-gehiegikeria gertatu direla Elizan. Urteetan abusuak gertatu izana ukatu du edo kasuei garrantzia kendu die. Duela gutxira arte, Espainian salaketa gutxi zeudela edo salaketarik ez zegoela defendatu du Elizak... [+]
Espainiako Gobernuaren eta ETAren arteko negoziazioetan parte hartu izan zuen hainbat urtez Donostiako gotzain izandako Juan Maria Uriartek. Larunbatean zendu zen Basaurin.
Jose Mari Esparza idazle, editore eta ekintzaile menderaezinak bere lanerako txokoan hartu gaitu, Altaffaylla Kultur Elkartea eta Txalaparta argitaletxearen sorlekuan, liburuz inguraturik. Gaztetan 20 urtez aritu zen Luzuriagaren Tafallako fabrikan lanean eta orain berriki... [+]