ARGIA.eus

2021eko apirilaren 22a

AEK-k 80 ekitaldi baino gehiago antolatu ditu iganderako

  • Igande honetan amaituko zen Korrika osasun krisialdirik ez balitz. AEK-k ordea, 80 ekitaldi baino gehiago antolatu ditu "aurten ere euskararen lekukoa, euskaltegien aldeko bultzada, kalean egon dadin".

Oihane Arretxea Bereziartua @oihane_arretxea
2021eko martxoaren 24a

Pandemiagatik ez balitz, igande honetan, martxoaren 28an bukatuko litzateke Korrika. AEK-k ordea, euskararen aldeko lasterketaren ordez, 80 ekitalditik gora antolatu ditu Bultza euskategiak! Bultza euskara! dinamikaren barruan, "aurten ere euskalduntze-mugimenduaren garrantzia plazaratzeko". 

Euskal Herri osoan zehar egingo dira ekitaldiak eguerdiko 12:00etan. Antolatzaileek zehaztu dutenez, "xumeak" izango dira, ordu erdikoak. AEKren mezua irakurtzeaz gain, bi abesti entzungo dira herri guztietan: Euskal Herrian Euskaraz abesti ezaguna eta Lekukoa mingaina, egun horretarako sortu den bertso-rapa. Gainera, herri bakoitzean bestelako ekintzak ere izango dira: bertsolariak, musikariak...

Horrez gain, Korrika atzeratzeak AEKren aurrekontuetan eragindako zuloari aurre egiteko kanpaina abiatu dute, eta gogorarazi dutenez AEKren webgunearen bidez egin daitezke ekarpenak.

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Euskalgintza  |  Euskal Herria

Euskalgintza kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude