414,6 milioiko zerga iruzurra atzeman dute Gipuzkoan, inoizko handiena
Gipuzkoako Ogasunak 414,16 milioi euroko zerga iruzurra atzeman du 2014. urtean. Lurralde horretan orain arte azaleratutako zerga iruzurrik handiena da hori, Larraitz Ugarte Gipuzkoako Aldundiko bozeramaileak azaldu duenez, 2013an baino %5,3 handiagoa.
Teknikarien ustez zor guztiaren %70 inguru berreskuratu daiteke. 2011 eta 2014 urteen artean 1.523,7 milioi euroko zerga iruzurra aurkitu dute Gipuzkoan.
Aurkitutako zorraren %41,6a sozietateen zergan topatu dute, 171,1 milioi, alegia. Errentaren eta aberastasunaren gaineko zergan, berriz, ordaindu gabeko %7,5 gehiago aurkitu dute aurten, 112,2 milioi euro guztira. Eta BEZean aurkitutako iruzurra 114,1 milioikoa izan da, iaz baino %4,3 gutxiago.
Helena Franco Ogasun diputatuak eta Xabier Olano Ogasun zuzendariak jakinarazi dituzte 2014ko zerga iruzurraren xehetasunak. 2014. urtean iruzurraren inguruko 93.897 ekinbide egin dituzte Gipuzkoan, joan den urtean baino %11 gutxiago. Olanoren ustez “arrain handiagoen bila” joan direlako izan da ekinbideen jaitsiera hori eta atzemandako iruzurraren igoera.
Falcianiren zerrendari esker 7,5 milioi
Franco diputatuak eman ditu Falcianiren zerrendaren ondorioz Gipuzkoan aurkitutako zorraren datuak. HSBC bankuan kontuak zituztenen ondorioz 7,5 milioi berreskuratu ditu Gipuzkoako Ogasunak 2012ra arte. Informazioa 2010ean helarazi zion Espainiako Ogasunak Gipuzkoakoari eta 2012an amaitu zen honen inguruko ikuskaritza. Denera 68 gipuzkoarren izenak eman zituen Espainiako Ogasunak.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
13/2000 Foru Legeak dioena betez eta azkeneko urteotan irekitako bideari jarraituz, Nafarroako Ogasunak maiatz hondarrean argitaratu zuen zordun nagusien zerrenda. 580 zordunek osatutako zerrenda horretan badaude hainbat gure eskualdekoak direnak. Bakar batzuk kiebra jo eta aspaldixko itxi zutenak dira, Doneztebeko Aparan SL konparaziora, eta baita gaur egun jardunean daudenak ere, Txarandaka edo Maderas Zabala, bertzeak bertze.
“EAJ-PSE koalizioak Gipuzkoako 38 aberatsenei urtero 15 milioi eta erdi euro oparituko dizkie”. Hala salatu du EH Bilduk Gipuzkoako Foru Aldundiaren azken egitasmoa: Fortuna Handien gaineko zerga bertan behera utzi eta zerga sistema berria onartuko dute datozen egunetan Batzar Nagusietan, EAJ, PSE eta PPren aldeko botoekin. Koalizioak salatu du zerga sistema berria aurrekoa baino “askoz injustuagoa” dela.
Errenta-aitorpena egitean, estatuak ezarritako proiektuei diruz laguntzeari uko egin eta norberak aukeratutako ekimenen aldeko jarrera aldarrikatzen duen egitasmoa da Eragozpen Fiskalaren kanpaina. Hau da, gastu militarra, bankuen erreskateak, AHT edo eraikitzeke dauden azpiegitura handietan norbanakoen zergen bidez ordaintzeari uko egitea, trukean “benetan merezi” duten proiektuei sostengua emanez, talde ekologistei edo feministei kasu.
Apirilaren 14an eragozpen fiskalaren kanpaina hasi da. Araban, Bizkaian eta Gipuzkoan bulegoak irekita daude eragozpena errezteko.
ETBn egin dioten elkarrizketan egin ditu adierazpenak ELAko idazkari nagusiak.
Zerga-bilketa arloan, hainbat ahotsek diote txarto eta baldar biltzen dela. Egia esan, legedia hainbat zirrikitu du zerga elusioa edo saihestea gauzatzeko. Zerga iruzurra beste gauza bat da, nahiz eta askotan bien arteko muga fin-fina izan. Horretan enpresa handiek, multinazionalek, enpresa taldeek abantaila dute. “Irlandar bikoitza” eta “Herbehereetako sandwicha” zerga gutxiago ordaintzeko estrategiak dira, oso erabiliak.
Adibidez, Herbehereetan enpresa bat sor... [+]
Duela gutxi jakin dugu EAJren esku dagoen Bizkaiko Foru Aldundiko Ogasunak sindikatuei eskatu dizkiela grebak egiteagatik ordainketaren bat jaso duten langileen nortasuna, abonatutako kopuruak, eta hala bada, 2014, 2015, 2016 eta 2017 ekitaldietako erretentzio datuak. Hau da, Bizkaiko Ogasunak erabaki du euskal sindikatuen erresistentzia kutxa ikertzea.
Bizkaiko Aldundiko Ogasunak “erresistentzia kutxaren” laguntza jaso duten grebalarien inguruko informazio pertsonala eskatu die sindikatuei, jakiteko ea beharrezko erretentzioak egin dizkieten jasotako zenbatekoei. Hala, foru erakundeak azkenaldian greba erabakigarriak irabazteko funtsezkoa izan den tresnaren bihotzera jo du ustezko irregulartasun bila.
Iruzurraren aurkako behatoki bat sortzeko legez kanpoko proposamena egin dute EH Bilduk eta Elkarrekin Podemosek. EAJren, PSE-EEren eta PPren ezezko botoek atzera bota dute.
