40MinutuRock jaialdiaren bosgarren edizioak badu kartela

  • Otsailaren 22 eta 23an Durangoko Plateruenan egingo da 40MinutuRock. Sarrerak dagoeneko salgai jarri dituzte.

ARGIA @argia
2018ko abenduaren 07a
Jaialdiaren aurreko edizioetako bat (Argazkia: Andoni Pititako)

Elkarrekin Arnasteko Ordua Da lemapean burutuko da 2019ko 40MinutuRock jaialdiaren bosgarren edizioa. Bost urte hauetan, musikaren bidez, euskal preso eta iheslarien egoera salatzeko eta elkartasuna adierazteko milaka lagun batu izana ospatuko dute.

Otsailaren 22an, ostirala, “Etxerako giltzak. Preso, iheslari eta deportatuen ausentziaz” emanaldia ikusteko aukera egongo da. Etxerat elkartearekin batera antolatutako saioak musika, dantza eta antzerkia uztartzen ditu.

Otsailaren 23an, larunbata, urteroko ohiko musika jaialdia egingo da. Musika estilo anitzeko talde ugari igoko dira oholtzara: IRA, Ezetaerre, Gorpuzkingz, Gorka Suaia, Bad Sound, Nøgen, Rude Pride, Rotten XIII, Esne Beltza, Hesian, Huntza, Zea Mays, Parabellum eta Zirkinik bez! kasu. Kontzertuen ostean, Elepunto eta Alus musika jartzaileak hartuko dute tokia.

Sarreran salgai daude dagoeneko Durangoko Plateruenan eta sarean, eta aurki “ohiko tokietan” ere erosteko aukera egongo dela aurreratu dute.

Gune askea

40MinutuRock jaialdian eraso matxistarik ez dela onartuko ohartarazi dute antolatzaileek. “Sobran dakigu, gehienetan jai giroak espazio arrotzak bilakatzen direla emakumeontzat. Nazkatuta gaude, eta guztiontzako gune askea izango den jaialdia bakarrik onartuko dugu”, adierazi dute. Hala bada, gerta daitekeen edozein erasoren aurrean erantzun ahal izateko, jaialdian zehar erasoen kontrako telefono zenbaki bat egongo da martxan: 603 65 99 88.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Euskal preso politikoak  |  Musika  |  Durango

Euskal preso politikoak kanaletik interesatuko zaizu...
2019-02-11 | Aiaraldea.eus
Ongi etorri jendetsua egin diote Julen Ibarrola gazteari Amurrion

Igandean atera da espetxetik Julen Ibarrola gaztea, errotulkiarekin pintaketa egiteagatik urtebeteko zigorra bete ostean. Eguerdian egin diote ongi etorri ekitaldia Amurrion.


Oier

Latza da Oier, Euskal Preso Politikoa, joana izatea gure helburu nagusiak lortu gabe. Beste behin ere. Latza da berak emandakoa putre batzuek euren interesetara egin dutela ikusi ahal izatea. Beste behin ere. Latza da hainbeste gudari bidean eroriak Euskal Herriaren askatasun integrala oraindik ere eskuratu gabe.


2019-02-04 | ARGIA
Frantzian euskal preso baten azken epaiketa abiatuko da

David Pla eta Iratxe Sorzabal epaituko dituzte Parisen otsailaren 4an eta 5ean. 2015eko irailean atxilotu zituen Frantziako Poliziak Baigorrin.


2019-01-31 | Topatu.eus
Preso eta iheslariei elkartasuna adierazteko '40 Minutu Rock' jaialdia, aurten bi egunekoa

Otsailaren 22an hasiko da Durangon 40 Minutu Rock jaialdia eta 23an bukatuko da. Landako gunean "kontzertu maratoia" egingo dute eta berariaz prestaturiko ikuskizuna ere izango da.


2019-01-30 | I˝igo Igartua
Euskal presoek bigarren graduko espetxealdira pasatzeko egin dituzten 69 eskakizunetatik 66 baztertu dituzte

Salbuespen eta behin-behineko egoerarako zehazturik dagoen lehen graduko espetxealditik presoak ateratzeko prozesuak blokeaturik jarraitzen du. Azken hiru hilabeteetan eskakizun bakarra onartu da eta 23 baztertu.


2019-01-28 | Hala Bedi
Oier Gomez agurtzeko deialdiak egin dituzte

Larriki gaixorik zegoen Oier Gomez euskal preso politiko ohia larunbatean hil zen, 04:30ean. Orain dela bi astetik ospitalean zegoen, haren osasun egoerak okerrera egin ostean, eta ordurako medikuek ohartarazia zuten preso ohiaren egoerak ez zuela hobera egingo. 35 urte zituen, eta Gasteizkoa zen.


2019-01-23 | ARGIA
Mikel Antza euskal preso eta idazlea libre geratu da Madrilera iritsi ostean

Mikel Albisu euskal preso eta idazlea –Mikel Antza izenez sinatzen ditu literatur lanak– joan den larunbatean irten zen Frantziako Estatuko Reauko kartzelatik, baina atxikitze zentro batean eduki dute asteartera arte.


Thousands of people come together in Bilbao and Baiona to defend Basque prisoners' rights

On Saturday around 85,000 people took part in the demonstrations in Bilbao (Bizkaia, Basque Country) and Baiona (Lapurdi, Basque Country). In defence of Basque prisoners' rights, they demanded the French and Spanish governments keep their word.


Presoen aldeko oihua

Urteroko zita bihurtua da jende askorentzat urtarrileko manifestazioa. Lelo batekin ala bestearekin, milaka lagunek baliatzen dute urtez urte euskal preso politikoen korapiloa askatu beharra sentitzen dutela erakusteko. Urteetako immobilismoaren ostean, Frantziako gobernuak 25 eta Espainiakoak 11 preso hurbildu dituzten arren iaz, egoera berriz ere geldirik dela salatu dute antolatzaileek. “Ez dugu ez ulertzen ez onartzen”, adierazi dute.


2019-01-17 | ARGIA
Sare
"Grande-Marlaskaren hitzak zuhurtziaz hartzen ditugu, ez datoz bat ekintzekin"

Preso, iheslari eta errefuxiatuen eskubideen aldeko Sare Herritarrak, sakabanaketaren inguruan Espainiako Gobernuko Barne sailburuak egindako adierazpenei erantzun die, eta Bilbo nahiz Baionako manifestazio jendetsuen ostean, euskal presoak hurbiltzeko "urgentziaz eta prozeduraz" hitz egiteko beharra azaldu du.


Azkenak
EGILEA
Eguneraketa berriak daude