ARGIA.eus

2022ko abuztuaren 15a

Lau urte eta zazpi hilabeteko kartzela zigor eskaera Tubacexeko greban auziperatutako hiru gazterentzat

  • Desordena publikoak eta agintaritzaren aurkako atentatua leporatzen die fiskaltzak. Epaiketak oraindik ez du datarik.

2022ko abuztuaren 03a
Albiste hau Aiaraldeak argitaratu du eta Creative Commons BY-SA 3.0 lizentziari esker ekarri dugu.

4 urte eta 7 hilabeteko espetxe zigor eskaerari egin beharko diete aurre Aiaraldeko hiru gaztek, Tubacexeko grebako pikete batean parte hartzeagatik.

Zehazki, 2021ko martxoaren 25ean Tubacexeko Saratxoko piketean jazotako gertakariengatik epaitu nahi dituzte hiru aiaraldetarrak. Grebalariek suzko barrikada osatu zuten goiz hartan fabrikaren sarreran, eta Ertzaintzak bi aldiz kargatu zuen, borrak eta foam balak baliatuta, hainbat pertsona zaurituta:

Fiskaltzaren arabera, auzipetutako hiru gazteek “batera eta adostasunez” jokatu zuten egun hartan, identifikatu gabeko “500 pertsona inguruk” lagundurik eta “bake publikoa asaldatzeko helburuarekin”.

Gauzak hala, desordena publikoak eta autoritatearen aurkako atentatua leporatzen diete hirurei. Lehen delituagatik 2 urte eta 10 hilabeteko kartzela zigorra eskatzen du fiskaltzak; eta urte 1 eta 9 hilabetekoa, aldiz, bigarrenagatik. Horrez gain, hiru ertzainei 756 euro ordaintzea ere eskatu diete gazteei (252 euro polizia bakoitzari), “eragindako lesioengatik”.

Era berean, fiskalak hiru gazteen gain jarri nahi ditu egun hartan Ertzaintzaren materialek (ezkutuak eta botak aipatzen dira dokumentuan) eta Tubacexeko zuzendaritzaren autobusek pairatutako kalteak, baina gaineratzen du oraindik ez duela horien kostuaren gaineko informaziorik jaso poliziaren eta autobus enpresaren partetik.  

Arabako Auzitegi Probintzialean izango da epaiketa, baina oraindik ez dago data finkatuta. Abokatuek Aiaraldea Komunikabideari jakinarazi dietenez, prozedura hainbat hilabetez luzatu daiteke.

Aiaraldea Komunikabideak auzipetutako gazteetako bati egin zion elkarrizketa iaz. Bere ustez, ez da kasualitatea gertatu dena: “Grebaren hasieratik joaten nintzen piketeetara eta ezagutzen ninduten (poliziek). Nire iritzia da, ikusita langileen aurka ezin dutela ezer egin, babesten daudenon aurka jo dutela, elkartasuna jaso ez dezaten. Bidali nahi duten mezua da langileak babesteak ondorio negatiboak dituela”. Horrez gain, gazteak erantsi jipoi ugari jaso zituela Saratxon Ertzaintzaren partetik, eta ez zela izan kolpatu zuten lehen eguna.

Epaitegiko gertakariak

Saratxoko piketeko gertakariak izan eta aste batzuetara, polizia bertaratu zen auzipetutako gazteen etxeetara, salatu zituztela eta ikertuak izaten ari zirela jakinarazteko. Hiru herritarrak 2021eko ekainaren 17an igaro ziren epailearen aurretik, Amurrion:

Dozenaka langile bildu ziren orduan auzitegiaren aurrean, eta bertaratutakoen aurka oldartu zen Ertzaintza, hainbat langile zaurituz eta horietako bat (Aintzane Mendia amurrioarra) atxilotuz. Arrastaka eraman zuten behargina, eta eskuan fisura eta bizkarrean lesioa eragin zioten, Mendiak berak salatutakoaren arabera. Berari ere autoritatearen aurkako atentatua leporatu zioten horregatik, eta udazkenean izango du epaiketa.

Ertzaintzak lau langile atxilotu zituen guztira iaz Tubacexeko greba mugagabearen testuinguruan, eta auziak irekita daude oraindik. Horrez gain, "isun oldea" jaso dutela salatu dute langileek. 

Kanal hauetan artxibatua: Langile borroka  |  Amurrio

Langile borroka kanaletik interesatuko zaizu...
Bi langile hil dira, bat Elgoibarren eta bestea Errenterian

Elgoibarren hil da garraiolari bat, zirkulazio istripu batean eta bigarrena aldamiotik erori da Errenterian.


Bizkaiko Osakidetzaren Larrialdien koordinazio zentroan medikurik gabe egon direla salatu dute

ESK sindikatuak salatu du Bizkaiko Osakidetzaren Koordinazio Zentroan medikurik gabe egon zirela asteazkenean, eta ez dela lehen aldia. Azkar hartu beharreko erabakiak erizainek hartu behar izan zituztela salatu dute eta Osakidetzako Zuzendari Kudeatzaile Oscar Allerren... [+]


2022-08-04 | ARGIA
ELAk gehiegizkotzat eta neurriz kanpokotzat jo du Tubacexeko gatazkan eskatutako zigorrak

ELAk salatu du lan-protestak kriminalizatzeko beste saiakera bat dela, lan-eremutik aterata eta zuzenbide penalaren eta ordena publikoaren xede bihurtuta.


2022-08-04 | ARGIA
LAB: "Tubacexeko mobilizazioetan parte hartu zutenen aurkako jazarpena salatu eta hiru gazteen absoluzioa eskatzen dugu"

LAB sindikatuak elkartasuna adierazi die Tubacexeko grebaren harira auzipetutako hiru gazteei eta haien absoluzioa eskatu du.


Mercedeseko langileak “engainatu” dituztela salatu du LABek

“Oso larritzat” jo ditu Bingen Zupiriaren adierazpenak LABek. Behin aurreakordioa onartuta iragarritako 1.200 milioi euroko inbertsioa egin dezan Mercedes “konbentzitzeko” ordua dela esan du Jaurlaritzako bozeramaileak. Inbertsioa aurreakordioarekin lotu... [+]


Irakurrienak
Argia buletina
Egunaren laburpena
zure e-postan
Eguneraketa berriak daude