Ezker abertzaleko 35 kideren kontrako epaiketa bertan behera geratu da
Astelehen goizean hastekoa zen ezker abertzaleko 35 kideren aurkako ahozko epaiketa Espainiako Auzitegi Nazionalean. Guardia Zibilak goizean hainbat abokaturen aurka egin duen operazioaren ondorioz, ordea, bertan behera geratu da, atxilotuetako abokatu batzuk auziperatuak defendatzekoak baitziren.
aurre egingo dieten hedabide independenteak
Lan politikoagatik auziperatuta
2005 eta 2007 artean Batasuna, EHAK eta ANV-EAEren izenean lan politikoa egitea leporatzen zaie, ETAren fronte instituzionalekoak izatea, honen aginduetara jardutea eta, beraz, talde armatuko kide izatea.
Hori guztia dela eta, fiskaltzak 10 urteko espetxe zigorra eskatzen du auzipetu bakoitzarentzat. Ahozko saioa gaur hasi eta ekainaren 8an amaitzea aurreikusten da.
Herriko tabernen auziaren aurrekaria
Funtsean, auzi hau 2013-2014an ezker abertzaleko beste 40 kideren aurka egindako herriko tabernen auziaren segida da. Hartan jende gehiegi zegoela eta, bigarren hau ireki zuten. Hark bazituen bi adar, bata politikoa eta bestea ekonomikoa. Ekonomikoan herriko tabernei ETA finantzatzea leporatzen zitzaien eta politikoan ETAren fronte instituzionalekoak izatea eta, beraz, talde armatuko kideak. Oraingo 35 epaitu hauei bezala.
Hor dago egoeraren larritasuna, herriko tabernen auzian oso zigor gogorrak izan zirela 2014ko udan ezagutarazitako epaian. Alor ekonomikoan 103 herriko tabernen ondasunak konfiskatzea agindu zuen Auzitegi Nazionalak, eta politikoan 20 auziperatuk urte batetik hiru urte arteko zigorrak jaso zituzten, oraingo auzipetuei egiten zaizkien salaketa berdinekin.
Aurrekariak kontuan hartuta, aurreikuspenak ez dira onak. Hilaren 9an Pernando Barrena auzipetuak berak adierazi zuen publikoki zigortuak izateko arrisku handia zutela.
Nork epaituko ditu?
Baina aurrekariez gain, oso kontuan hartzeko da ahozko saioa Concepción Espegel magistratuak zuzenduko duela. Espegel PPtik oso gertu dagoen epailea da. PPk berak proposatu zuen Botere Judizialaren Kontseilu Nagusiko kide izateko eta iragan irailera arte erakunde horretako kide izan da. Gaur egun Auzitegi Nazionaleko Penal Arloko Bigarren Ataleko lehendakaria da eta azken hilabeteetan Europako espetxe zigorren euro-aginduaren auzian nabarmendu da: Auzitegi Nazionaleko Zigor Arloko Lehen Atalak euro-agindua indarrean jartzearen alde egin zuen –Santiago Arrospide eta Alberto Plazaola libre utziz– eta Espegelek horren aurka.
Ahozko epaiketa zuzenduko duen epaiaren osaketa zein garrantzitsua den giltzarri da egungo egoeran, epaile batzuk “dena da ETA” doktrina bere horretan ez aplikatzearen aldekoak direlako eta beste batzuk bai. Ezker abertzaleko gazte independentisten aurka azken bi urteetan izan diren epaiketetan argi ikusi da hori. 2014ko udan Auzitegi Nazionalak Segikoak izateaz –beraz ETAkoak– akusatutako 40 gazte absolbitu zituen. Baina joan den abenduan bukatutako beste 28ren ahozko auzian, fiskalak 12 libre utzi ditu eta beste 16rentzat seina kartzela urte eskatzen du.
Defentsak estrategia berria
Epaiketa berri honetan, defentsa abokatuek beren estrategia aldatu beharko dute. Herriko tabernen auzian, alor politikoko auziperatuek onartu egin zuten HB, EH eta Batasunako jarduera politikoa egin zutela, hori legezkoa zelako eta Baltasar Garzonek berak jarduera politikorako eskubidea zutela aitortu zielako.
Epaimahaiak ez zuen horrela ulertu eta zigortu egin zituen, baina epaimahaiko Clara Bayarri epaileak boto partikularra idatzi zuen, oso zorrotza epaiarekin, funtsean honakoa esanez: epaitutako ezker abertzaleko buruzagiena jarduera politikoa zen eta ez dago frogarik esateko ETAko kide direla eta, beraz, zigortzeko. Orain, aldiz, akusatuek onartuko balute Batasuna, EHAK eta ANVren izenean jarduera politikoa egiten zutela, zigortzeko aukerak oso handiak lirateke.
Uztailaren 5ean egin zituen sexu erasoak Iruñeko barraka gune batean. Leporatutako delituen larritasuna dela eta epaileak fidantza ordaintzeko aukera kendu dio.
Epailearen aurrean deklaratu du astelehen goizean Alonso enpresari gipuzkoarrak, Servinabar enpresaren jabeak, eta adierazi du Guardia Zibilak haren etxean aurkitutako agiriak ez duela balio, notarioarenera eraman ez zuelako. Accionako kontseilari Fernando Merinok ere deklaratu... [+]
Fiskaltzak Santos Cerdán PSOEko antolakuntza idazkari ohi nafarrari fidantzarik gabeko behin-behineko espetxeratzea eskatu dio astelehen goizean, eta ordu batzuetara, epaileak Cerdán espetxeratzea erabaki du. Cerdánek epailearen aurrean esan du legez kanpoko ezer... [+]
2024ko urtarrilean Arberoako Lurra eta Etxebizitza kolektiboak Hazparneko Puyo agentzia okupatu zuen. Ekainaren 20an elkarretaratzea egin zuten ekintzaileei babesa emateko.
Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicenteri 120 ongi etorri baino gehiago antolatzea eta terrorismoa goratzea leporatzen zien Espainiako Auzitegi Nazionalak. Auzipetuek, akusazio partikularrak eta... [+]
Donostiako Udalak jakinarazpena bidali dio Alde Zaharreko Gazte Asanbladari, epaiketaren data zehazteko. Asanbladak azaldu duenez, epaiketa aurreko hilabeteetan ezin dira desalojatuak izan, epaileak agindua eman arte.
Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]
Astearte honetan Baionan egitekoa zen zazpi herritarren aurkako epaiketa zortzi hilabetez atzeratu dute. Iazko Korrikan, Irun eta Hendaia arteko Santiago zubia zeharkatuz, 36 migratzaileri Ipar Euskal Herrian sartzen lagundu izana egotzi die Frantziako Justiziak. Defentsak... [+]
Joseba Alvarez eta Eñaut Alvarez aita-semeei bi urte eta erdiko, eta urte eta erdiko kartzela zigorrak eskatzen dizkiete 2023ko San Sebastian bezperan, Plaza Berrian, Etxera jartzen zuen pankarta bat zintzilikatzen saiatzeagatik. Bi urte geroago, urtarrilaren 29an... [+]
.jpg)
Aroztegiko auzipetuei elkartasuna adierazi eta absoluzioa eskatzeko mozio bat onartu du Baztango Batzar Nagusiak. Urtarrilaren 2an egindako bileran, mozioaren aldeko bozketan aldeko 25 bozka, kontrako bi eta hiru abstentzio izan dira.
Euskaraz bizitzeko, Euskararen Errepublika lelopean egin du manifestazioa larunbatean Euskal Herrian Euskarazek, Landako gunetik abiatuta. Euskal Errepublika aldarrikatzera, indarrak batzera eta euskararen aldarria lau haizetara zabaltzera deitu dute Durangoko kaleetan... [+]
Epaileari nahikoa izan zaio azaroaren 27an Ertzaintzak egindako deklarazioa kasua artxibatzeko. Erabakiaren aurrean helegitea aurkeztuko duela adierazi du Xuhar Plataformak. “Xuharrek ez du begia galdu, Ertzainak begia galduarazi dio”, salatu du mugimenduak.
2022ko urrian Iruñeko Sadar futbol zelaian jokatu zen Espainiako eta AEBetako emakumezkoen futbol selekzioen arteko partiduko zaleak iraintzea eta jazartzea leporatu zizkioten hainbat laguni. Epaiketa egin berri da eta akusatuak absolbitu ditu Iruñeko Zigor Arloko... [+]
Agorrilaren 27an igorri nizuen gutunean, irailaren 10eko auzian euskaraz deklaratzeko asmoa nuela adierazi nizuen. Auzi honen hastapenean, epaile nagusiari euskaraz zekienez galdegin nion. Gutxiespenarekin ezetz erantzun zidan. Orduan, nere gutuna eskuratu zuenez frantsesez... [+]
Ostiral gauerdian atzeman zituen Ertzaintzak ustez langileak ilegalki zeramatzan bi furgoneta, Ertzaintzak uste du Europako beste herrialde batera bidean zirela, han lan egiteko. Atxilotutako gidarietako batek hamar pertsona zeramatzan furgonetan eta besteak 22.