300 milioi lagunen etxeak urpean gera litezke larrialdi klimatikoaren efektuengatik... Euskal Herriko asko ere bai
Euskal Herriko hainbat herri urpean gera litezke klima aldaketaren eraginez. Ikerketa berri batek erakutsi duenez, larrialdi klimatikoaren eraginak aurreikusitakoak baino hiru bider handiagoak dira.
Klima aldaketarekin lotuta kostaldeko uholdeengatik arrisku lekuetan bizi direnen kopurua orain arte uste zenaren hirukoitza da eta hazten jarraituko du tenperaturak eta izotzen urtzeek gora egin eta itsas mailaren igoera aurreikusten den heinean.
Orain 300 milioi pertsona bizi dira 2050. urtean urtero uholdeak jasateko arriskuan dauden itsasertzeko eremuetan, eta kopuru hori 360 milioi pertsonara igoko litzateke mende amaieran. Hala adierazten du Nature Communications aldizkariak argitaratzen duen Climate Centralen ikerketa batek, eta hemen ikus daiteke.
Ikerketa horren arabera, 2050ean 150 milioi pertsona inguru bizi litezke itsasgoraren marraren azpitik, horien artean 30 milioi pertsona Txinan. Aurkikuntza horiek Climate Central ikasketa zentroak garatutako behaketa digitaleko eredu berri batetik (CoastalDEM) ateratako ondorioen parte dira.
Ikertzaileek metodo berri bat erabili zuten, NASAren SRTM (Shuttle Radar Topography Mission) radar topografikoak emandako datu multzoaren akatsak zuzentzen dituena; hori izan da orain arte kostaldeko uholde arriskuak ebaluatzeko erabili izan dena.
CoastalDEM ereduko datuak eguneratzeak hiru aldiz biderkatzen ditu orain arte kontuan hartutako uholde-arriskuak.
Eta Euskal Herrian?
Euskal Herriko kostaldeko herri ugariri eragingo liokete uholdeek, Muskizetik hasi eta Baionaraino. Lapurdin, Donibane Lohizunetik Azkainerainoko kolore gorriko ibai zabal bat erakusten du grafikoak, baita zati handi batean urpean geratuko litzatekeen Txingudiko badia ere, Irun eta Hondarribiko (Gipuzkoa) gune handiak hartuz.
Pasaian eta Donostian kalte handiak eragingo dituzte uholdeek eta, grafikoaren arabera, Orioko eta Zarauzko zati handiak ere urpean geratuko lirateke.
Bizkaiari dagokionez, Ondarroaren zati handienari eragingo lioke, Lekeitiori eta Eako herriguneari ere bai; eta Urdaibai bereziki kaltetuko luke: mapan Gernikaraino iristen den uholde gorri bat agertzen da. Bakion edo Plentzian eragingo lituzkeen kalteez gain, Uribe-Kostan eta Ezkerraldean ere eremu handiak uraren mailaren azpitik geratuko dira gauzak aldatzen ez badira.
Mapak erakusten du uholdea Bilboko Arte Ederren Museoraino iristen dela.
Ekosistema askok itzulera gabeko puntuak dituzte, hau da, estresa maila berezi bat pairatuz gero –izan klima aldaketa, kutsadura edo kalte fisiko zuzenarengatik– desagertzen ahal dira, eta ekosistemak haien artean konektatuak izanez gero hurrenez hurren elkar... [+]
Azken lau hamarkadetan itsasoaren gainazalaren tenperatura-igoerak makroalgen komunitateetan izan duen eragina aztertu du EHUko ikerketa-talde batek. Bizkaiko kostaldeko eremu batean sakonera-puntu desberdinak ikertu dituzte eta ikusi dute egituratzaileak diren afinitate hotzeko... [+]
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
Suitza zigortu du Estrasburgok, estatu horrek bideraturiko klima politikak adindunen eta oro har herritarren osasun eskubidea zangopilatzen duelakoan. Ebazpena txalotu dute talde eta norbanako ekologistek eta diotenaz, ondorioak izanen ditu gainontzeko estatuengan ere, besteak... [+]
Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.
Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]