30 urtez emakumeak bortxatzen boterearen hegalpean

  • Titularra idazte hutsak dardarizoa eragiten du. Txiki uzten du azken egunetan Euskal Herrian bizitzen ari garen eraso matxisten kate ankerra: Donibane Garazi, Bidarten eta Gasteizen hildako lau emakumeak, Iruñea eta Tolosako bortxaketak, Bizkaiko PPko kide Carlos Abajoren atxiloketa adingabekoei sexu kutsuko argazkiak egiteagatik, La Manadako auziak, hasieratik amaierara arte, eragin duen sumina edo Donostian hamaika eraso egin duen tatuatzailearen kasua, batzuk aipatzearren. Zerrenda horri Kote Cabezudo argazkilariarena gehitu behar diogu ezinbestean.

Axier Lopez @axierL
2018ko maiatzaren 08a
Maiatzaren 4an Donostiako epaitegien aurrean lehen aldiz atera dute kalera Cabezudoren aurkako salaketa. Egilea: Jose Ignacio Salazar

Kote Cabezudo (Donostia-1948), Donostiako elite politiko eta enpresarialaren inguru sozialean mugitzen zen argazkilaria da, jet set donostiarraren jaietan oso ezaguna, Diario Vasco eta hainbat hedabidetan argazkilari aritutakoa –adibidez, Donostiako alkate ohi Odon Elorzari 2000. urtean Arte de Vivir aldizkarian egindako "Odon Elorza, un alcalde peculiar" elkarrizketako argazkien egilea izan zen–, eta 1990eko hamarkadan Donostian ‘modelo guztien argazkilari’ gisa deitua. Bada, 30 urteko jardun profesionalaren ostean, 2013ko urtarrilean Cabezudoren aurkako auzi judiziala abiatu zuen emakume batek. Egun, ondorengo delituak leporatzen dizkiote:  iruzurra, sekretuak ezagutzera ematea, irainak, mehatxuak, sexu gehiegikeriak, umeen pornografia sortu eta hedatzea, adingabeak galbideratzea eta bortxaketa. Honezkero 16 emakume daude salaketaren atzean, baina zalantzarik ez da kasu gehiago agertuko direla.

Kote Cabezudo, La Sexta telebista kate espainiarrak zabaldutako irudi batean.

Bost urte hauetan kalean libre izan da Cabezudo. Maiatzaren 4an agindu zuen Julian Garcia Marcos epaileak behin-behineko espetxeratzea, berak berriki kasuaren ardura hartu ostean. Izan ere, aurreko bost urteetan biktimek 10 aldiz eskatu zuten argazkilaria espetxean sar zezaten, baina eskaera guztiak atzera bota zituen Ana Isabel Pérez Asenjo epaileak, argazkiak, bideoak eta hainbat biktimaren kontakizunak aurrean izanik ere. Orain Asenjo epailea auzitik kanpo utzi du EAEko Epaitegi Nagusiak, tramitera onartu baitu biktimen abokatuak Asenjoren kontra jarritako salaketa. Salaketa horretan leporatzen zioten emakumeei egindako sexu erasoen irudiak Internetetik kentzeko ezer egin ez izana. Biktimek eta abokatuek sarri salatu dutenez, “14 euroren truke edozeinek eros eta ikus zitzakeen Kote Cabezudok umeei egindako zenbait eraso eta bortxaketa”.

Justiziaren inoperanzia ez da kasu honek duen alderik ilunena. Hainbat biktimek Donostian pertsona ezagun eta boteretsuek –politikari eta enpresariak tarteko– eratutako pederastia-sare bat salatu badute ere, orain gutxira arte kasua oharkabean pasa da komunikabideetan zein kalean. Cabezudoren biktimen sostengurako kide batek salatu duenez, “beldur handia izan da orain arte kalera atera eta egia kontatzeko, Cabezudoren atzean boteredun asko daudelako”. Matxismoak gizartearen egitura guztiak estaltzen dituela salatu dute feministek sarri. Kasu honetan egia azaleratzen hasi besterik ez da egin.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Sexu Erasoak kanaletik interesatuko zaizu...
2019-03-04 | ARGIA
Hiru gizon atxilotu dituzte sexu erasoengatik bi egunetan

Donostian, Beasainen eta Tolosan jazo dira sexu erasoak.


Apaiz batek egindako abusuak salatu dituzte Garesen

SER irratiari eskainitako elkarrizketan, Erreparaziokoen ikastetxeko erizaintza gelan aritzen zen apaiz batek hari eta anaiari sexu abusuak egin zizkiola salatu du gizon batek.


Sanferminetako erasotzaileei zigorra handitzeko, Gorenean helegitea aurkeztu du Nafarroako Gobernuak

Herri akusazio gisa aurkeztu da Nafarroako Gobernua 2016ko sanferminetako bost erasotzaileen aurka. Biktimak ere helegitea aurkeztu du Auzitegi Gorenean.


2019-02-22 | Mikel Asurmendi
Elizaren tabua areagotuko duen ╔ric Colomerren dokumentala
Apaiza katolikoek bortxatutako moja erlijiosoak

Eliza Katolikoaren bortxaketak salatzen dituen Mea maxima culpa dokumentala zabaldu zuen iragan urteko urrian Arte telebista kateak. Apaiz pedofilo baten kasua ekarri zuen pantailara. Oraingoan, serorak bortxatu dituzten apaiza katolikoen kasua ekarri du Éric Colomer dokumental egileak.


2019-02-21 | ARGIA
Eliza barruko sexu abusuei aurre egiteko biltzarrean "neurri zehatzak" iragarri ditu Aita Santuak

Sexu abusuak ezkutatzen urteak daramatzan Eliza katolikoak hiru eguneko biltzar historikoa abiatu du, 190 lider erlijioso pederastiaz eztabaidatzen jarriko dituena. “Jainkoa begira dugu eta gugandik ez ditu soilik kondenak espero, beharrezkoak diren neurri zehatz eta eraginkor guztiak baizik. Zehatzak izan behar dugu”, adierazi du Aita Santuak, biltzarraren irekiera ekitaldian.


2019-02-18 | Antxeta Irratia
Sexu askatasunaren kontrako erasoek gora egin dute eskualdean

Azken asteetan Irungo zenbait establezimendutan emandako lapurreten harira, sare sozialetan eta zenbait komunikabidetan piztu den alarmari aurre egin nahian edo, Ertzaintzak, Irun-Hondarribiko Udaltzaingoak eta bi udalerrietako segurtasunerako zinegotziek egin ohi duten Koordinazio Batzordearen balorazioa publiko egin zuten atzo.


2019-02-07 | ARGIA
Bilboko bikario nagusia, Deustuko salestarretan gertatutako sexu-abusuez
"Etxea garbitu egin behar da"

Felix Alonso Bilboko bikario nagusiari elkarrizketa egin dio ETBk, Deustuko salestarretan hainbat lagunek jasandako sexu-abusuen harira. "Tristeziaz" bizi du gertatutakoa.


Sanferminetako sexu erasotzaileak espetxera bidaltzeko eskaera berriz baztertu dute

Atzera bota dituzte akusazio partikularrak eta herri akusazioak erasotzaileak kalean uzteko erabakiari jarritako erregu errekurtsoak. Hiru epaileetatik bik argudiatu dute ez dagoela "nahikoa arrazoi" erasotzaileak behin-behinean espetxeratzeko, ihes egiteko arriskua "ahula" delako. Hirugarren epaileak hori bai espetxeratzearen aldeko jarrera hartu du.


2019-02-06 | ARGIA
Deustuko salesianoetan jasandako sexu-abusuak salatu dituzte hamabi lagunek

Deustuko salesianoen ikastetxean egindako sexu-abusuengatik hamabi lagunek jarri dituzte salaketak Ertzaintzan. Zortzi aurkeztu zituzten hasieran eta beste lauren berri eman du Eusko Jaurlaritzako Segurtasun Sailak.


2019-02-04 | ARGIA
Zortzi gizonek Deustuko salestarren irakasle ohi bat salatu dute sexu erasoengatik

Ikasle ohiek 80ko hamarkadan egindako sexu gehiegikeriengatik eta eraso fisikoengatik salatu dute José Miguel San Martín salestar irakasle ohia.


Azkenak
EGILEA
Eguneraketa berriak daude