Zenbait pertsonak ikurriña sartu nahi izan zuten plazara, sanferminetako txupinazoa bota aurretik. Iruñeko Udaltzaingoa eragozten saiatu zen, eta hainbat zauritu egon ziren. Besteak beste, polizia eta ekintzaileen tira-biren ondorioz, botila batek buruan eman zion Madrilgo gazte bati, eta larri zauritu zuen.

Ostiralera arte luzatuko da epaiketa. Bitartean, auzipetuek, hainbat udaltzainek, gazte madrildarrak eta udaleko ordezkariek hartuko dute hitza.

Auzipetuei babesa adierazteko kontzentrazioa egin dute epaitegiko atarian. Bertan, Amaia Kowasch Iruñea Askatasunez plataformako kideak auzia salatu eta “salbuespen legeei” erantzuten diola nabarmendu du. “Elkarbizitzan eta aniztasunean osatutako jendartean sinesten dugu”, gaineratu du, epaiketa bertan behera uzteko eskatzearekin batera.

Epaiketa zuzenean Twitter bidez jarraitzen ari da Iruñea Askatasunez.

Amaia Kowascheren adierazpenak:

Gertakarien nondik norakoak azaldu eta salatzen dituen bideoa: