Ikurrina bat, hamahiru gazte, 160 urteko kartzela zigor eskaera
Osotara 160 urteko kartzela zigor eskaera egin du akusazio partikularrak 2010eko txupinazoan ikurrina zabaldu zuten hamahiru gazteentzat. Fiskalak 33 urte eskatu dizkie. Auziperatuek Iruñean “salbuespenezko egoera” bizi dela salatu dute.
Legez debekatuta dago Nafarroako udalerrietan ikurrina jartzea, 2004an UPNk sinboloen legea onartu zuenetik. Debeku horri aurre egin nahian, 2010ean ikurrina sartu nahi izan zuten hainbat herritarrek Udaletxe plazara, sanferminetako txupinazoa bota baino pixka bat lehenago, suziriaren orduan ikurra bertan egoteko.
Iruñeko Udaltzaingoak, baina, eragotzi nahi izan zuen. Orduan, udaltzainen eta plazan zeudenen artean liskarra egon zen.
Bideoan ikus daitekeen bezala, poliziek hainbat pertsonari egin zioten eraso; liskarraren ondorioz ere, Madrilgo gazte bat larriki zauritua izan zen, ustez udaltzainei zuzendutako botila batek buruan jo eta gero.
Gertakari horren harira, auzipetutako hamairu pertsonak azaroaren 18an epaituko dituzte. Akusazio partikularrak osotara 160 urteko kartzela zigorra egin du eta 350.000 euroko isuna. Fiskalak, 33 urteko kartzela zigorra eskatu du eta 150.000 euroko isuna.
Epaiketaren aurretik, auzipetuek Iruñean bizi den egoera kritikatu zuten atzo eskainitako prentsaurrekoan.
Ibai Moreno gazteak hartu zuen hitza auziperatu guztien izenean. Morenoren aburuz, UPNk “fobia” dio ikurrinari. Orain dela lau urteko txupinazoan, ikurrina eraman zutenei udaltzainek eraso egin ziela salatu, eta “bortizki” jipotu zituela esan zuen agerraldian. Era berean, zauritua izan zen Madrilgo gazteari elkartasuna adierazi zion.
“Hemen ikurrinaren defentsa kartzela eskaerekin zigortzen da”, salatu eta “denen eskubideak errespetatuko dituen hiri bat” eraikitzeko deia zabaldu zuten.
Bilerak sindikatu, gizarte eragile eta alderdiekin
“Ahalik eta babes handiena” lortzeko bilerak hasiko dituzte auzipetuek sindikatu, gizarte eragile eta alderdiekin. Horrez gain, “bestelako Iruñea baten alde” mobilizazioa antolatu dute hilaren 26an, 12:00etan, udaletxeko plazan.
Hemen ikurrinak Iruñean izan duen garapenari buruzko informazio gehigarria: Ikurrina Iruñean.
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AnimalNaturalis eta PETAk manifestazioa egin dute Iruñeko Udaletxearen aurrean, tauromakia bekatua da lelopean.
Sanferminak ate joka direla, Iruñerriko feministek Alde Zaharreko kaleak zeharkatu dituzte, eraso sexisten aurkako aldarria zabalduz.
Eduardo Ibero, Lidon Soriano eta Dyna Kharrat, Yala Nafarroa Palestinarekin plataformako kideek, 2025eko sanferminei hasiera eman dion suziria piztu dute.
Erasoen aurrean jarduteko protokoloaren garrantziaz mintzatu da Equala berdintasun aholkularitza zerbitzuko Leire Martinez. Eraso baten aurrean zer egin, nora deitu eta nola babestu jakiteko balio du. Iruñeko Peñen Federazioarekin aritu dira elkarlanean aurten ere.
Palestinaren askatasunaren aldeko eta genozidio eta okupazioaren kontrako Nafarroako plataforma izan da hautagai bozkatuena.
O plazan garatuko dute egitaraua. Bazkariak, bertso saioa, txikientzako antzerkia, pilota txapelketa, herri olinpiadak eta elektrotxarangak izango dira, besteak beste.
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
2022ko uztailaren 14an jazotakoaren harira Peñako bazkide guztien datuak exijitu dizkio Sanduzelaiko zuzendaritzari, gertakarietan parte hartu zuen peñakidea dagoeneko identifikatuta zuten arren. Milioi euroko isuna jartzeko mehatxua jaso zuten Sanduzelai... [+]
Lesakako ezpata-dantzariak San Fermin egunerako ezpata-dantzako entseguetan dabiltza azken hilabetean. Hamabost atera ohi dira dantzara, eta besteak titularren batek hurrengo urteetarako lekua utzi zain daude.
Aurten ere, uztailaren 8an, astelehenean gogoratuko dute German Rodrigez haren omenezko oroitarriaren alboan. 13:00etan izanen da: aurreskua lehenbizi, Mikel Lasarteren bertsoak gero eta La Furia eta Fermin Balentziaren emanaldiak bukatzeko. Iluntzean, Peñak, isilik eta... [+]