2.000 lagun inguru batu dira Baionan, pentsio sistemaren erreformaren aurka
Asteburuan eta aste hastapenean sindikatuekin bildu ondoren, bihar aurkeztuko du Emmanuel Macronen gobernuak pentsio sistemaren erreforma. Aurka mobilizaturik dauden sindikatuen xedea protestei heltzea da, Macronen lege proposamena “baztertu arte”.
2.000 lagun elkartu dira Baionako manifestazioan, CGT, FO eta FSU arteko intersindikalak baita LAB eta Solidaires sindikatuek deiturik. UNL, MNL eta Unef ikasle sindikatuek ere bat egin dute mobilizazioarekin. Manifestazioa aitzin, bideak moztu dituzte ehundaka lagunek, tartean autobideko sarrera.
Guztiak dira Emmanuel Macron presidenteak xede duen pentsio sistemaren erreformaren aurka protestan. Bigarren greba orokor eguna dute gaurkoa eta ostegunean egingo dute ondokoa. Tartean, bihar aurkeztuko du gobernuak esku artean duen erreforma.
Sektore publikoa kopuru handian presente egon da goizeko manifestazioan. Erizainak, tren gidariak, postariak zein irakasleak ikusgai ziren protestan. Sektore pribatutik, besteak beste, Sokoa eta Dassault enpresetakoak egon dira mobilizazioan.
Langileak, ikasleak, langabeak, ehundaka jende Baionako manifestazioan, FSU FO eta CGT arteko intersindikalak deiturik. LAB ere mobilizaturik da. Bihar aurkeztuko du Frantziako gobernuak erreforma. @argia pic.twitter.com/mig2gbZgSJ
— Jenofa_B (@Jenofa_B) December 10, 2019
Greba eguna tarteko, Biarritzeko aireportutik abiatzekoak ziren hogei hegaldietatik hamar bertan behera utzi dituzte. Iragan ostegunetik daude greban SNCF tren konpainian eta Ipar Euskal Herri mailako tren anitz dituzte ezeztaturik.
Iragan ostegunean abiatu zen erretreten erreformaren aurkako protesta, gaur arte luzatu dena. Sindikatuek jakinarazi dutenez mugimendua iraunaraztea dute xede, Macronen Gobernuak erreforma bertan behera utzi arte. Osteguneko hitzordua 10:30etan jarri dute Angelun, Castorama dendaren aitzineko itzulgunean.
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.