160 metros: una historia del rock en Bizkaia (160 metro: rockaren historia bat Bizkaian) dokumentalean, Bilboko itsasadarraren bi aldeek 1990eko hamarkadan izandako eraldaketa kontatuko dute, rockaren ikuspuntutik. Mediatag produkzio etxeak Creative Commons lizentziapean argitaratuko duen proiektua abian da dagoeneko eta horretarako jendearen parte-hartzea eskatu dute, bai materiala biltzeko, bai diruz laguntzeko.
Rock mugimendu bi eta, areago, bizitza ikusteko modu bi: itsasadarraren ezkerraldekoa, kutsu punk eta sozialagoarekin (Eskorbuto, Parabellum, Zarama...) eta eskuinaldekoa, Getxo Sound deiturikoa (El Inquilino Comunista, Los Clavos, Lord Sickness...). Musika eta kultura uztartuko dituen egitasmoak 2013ko erdialderako izan nahi du prest lehenengo kapitulua: El punk ha muerto, 10 minutukoa. Guztira, bost kapitulu izango ditu dokumentalak.
Gaiarekin lotura duen garai hartako materiala izanez gero, bidaltzeko eskatu dute ekimenaren bultzatzaileek. Erabiltzen diren irudiak digitalizatu egingo dira eta horiek ere CC lizentzia izango dute. Horrez gain, crowdfunding kanpaina hasi dute, produkzio gastuei aurre egiteko. Diruz laguntzearen ordainetan, estreinaldirako sarrerak, kamisetak, etekinen zati bat... emango zaio jendeari. Materiala uzten dutenek ere izango dute saririk.
“Gay azpitestuak beti hobetzen du film bat”
Quentin Tarantino
Juan Dos Ramos idazle eta Alex Tarazón ilustratzaile valentziarrek Gangsters Maricas: Extravagancia y Furia en el cine negro (Gangster maritxuak: nabarmenkeria eta indarkeria zine beltzean)... [+]
Apirilaren 12an egingo dute XXI. edizioaren estreinako emanaldia, Bergaran. Maiatzaren 12ra bitartean, 35 herri bisitatuko ditu euskarazko film laburren ekimenak. Berrikuntza gisara, ikusleek film labur onena hautatzeko aukera izango dute.
Apirilaren 8tik 11ra bitartean laburmetrai eta dokumental sorta emanen da, tartean Oskar Alegriaren 'Zinzindurrunkarratz' eta Goya sariaren irabazle 'To bird or not to bird'.
Hilaren 12tik 19ra egingo dute 21. Donostiako Giza Eskubideen Zinemaldia, eta askotariko filmak proiektatuko dituzte: osasun mentala, Palestinaren egoera, migrazioak, lanaren etorkizuna, Ukrainako haurrak eta transexualen eskubideak izango dira zinemaldiko film eta... [+]
Martxotik Frantziako Netflix plataforman euskarazko audio eta azpitituluetako filmak ikusgai dira.