Urteko delinkuentzia kasuen txostena aurkeztu dute Eusko Legebiltzarrean. Guztira, 6.143 kasu zenbatu dituzte indarkeria matxistarekin zerikusia dutenak, gehienak bikotekidearen edo bikotekide ohiaren aldetik jasandakoak.
Indarkeria matxista kasuek %13,13 egin dute gora Araba, Bizkaia eta Gipuzkoan 2022an, Poliziak erregistratutako datuen arabera. Guztira, 6.143 kasu zenbatu dituzte 2022an. Euskadiko Delinkuentzia Kasuen 2022ko Azterketa izeneko txostenean bildu dituzte datuok. Bertan Ertzaintzak eta udaltzaingoek zenbatutako arau-hauste penalak argitaratu dituzte, 15.000 biztanletik gorako herrietan.
Indarkeria matxistari lotutako kasu gehienak bikotekidearen edo bikotekide ohiaren aldetik jasandakoak izan dira, 4.507. Horren ondoren dago etxeko indarkeria, 1.116 kasurekin, txostenak "familiarteko baten edo bikotekidea ez den bizikide baten indarkeria" gisa klasifikatzen duena. Azkenik, sexu-askatasunaren aurkako delituak daude, 520 kasu; hots, aurreko kategorietatik kanpoko egile baten aldetik jasandako indarkeria sexuala.
Azken indarkeria mota hori izan da gehien hazi dena. 2019ko datuekin alderatuta, hau da, pandemia aurreko urtearekin, %23 hazi dira sexu-askatasunaren aurkako delituak. Genero indarkeria %10 hazi da ordutik, eta etxekoa %11.
Bestelako delitu gehienak, jabetzaren aurkakoak
Txostenak delitu mota guztiak bildu ditu. Gehien egin diren delitu motak jabetzaren aurkako delituak dira (%62), batez ere lapurretak. Horren ondotik datoz ziberriruzurrak (%13), pertsonen aurkako erasoak (%10), segurtasun kolektiboaren aurkakoak (%5) eta "beste batzuk" gisa definitu dituztenak (%8).
Teknologia berriak erabiliz egindako delituak %41 igo dira 2019az geroztik, eta delitu presentzialak %6. Hala ere, delitu presentzialak dira gehiengoa oraindik ere, %85.
62 urte ditu erasotzaileak, eta aurreko astean eraso zion 13 urteko mutil bati. Leioako campusean, bestalde, gizon bat atzeman dute komun batean irudiak grabatzen.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]