12 milioi euro publiko Opus Deiren bueltako sei ikastetxerentzat
Ikasleak sexuaren arabera segregatzen dituzten eta Opus Dei ultrakatolikoari lotuta dauden edo gertuko diren sei ikastetxe diru publikoz hornituko ditu Eusko Jaurlaritzak, tartean Gaztelueta ikastetxe polemikoa. Urtero ematen die dirua, aurten hamabi milioi euro. “Gutxi batzuen pribilejio eta proiektu baztertzaileak” sustatzeari uzteko eskatu die Jaurlaritzari eta Nafarroako Gobernuari STEILAS sindikatuak.
Espainiako Kongresuan LOMLOE hezkuntza legearen alde bozkatu berri dute EAJ eta PSOEk, baina bertan jasotzen denaren kontrakoa egingo dute alderdi horiexek Jaurlaritzan eta Nafarroako Gobernuan, STEILASek salatu duenez: sexuaren arabera segregatzen duten ikastetxeetara diru publikoa bideratuko dute. Sindikatuak exijitu die “herri bezala ditugun eskumenak jendarte justuago bat eraikitzeko eta zerbitzu publikoak sendotzeko” erabil ditzatela.
Gazteluetako zuzendaritzaren jarrera salagarria
EAEn, sei ikastetxeren artean banatuko dituzte hamabi milioi euro: Bilboko Arangoya, Loiuko Ayalde eta Munabe, Irungo Erain, Donostiako Eskibel eta Leioako Gaztelueta. Azken ikastetxe horrek diru publikoa jasotzeak ere azkura eragingo dio bati baino gehiagori, ikasle batek Gazteluetako irakaslearengandik jasotako sexu erasoen aurrean jarrera salagarria izan baitu ikastetxeak: besteak beste, ikastetxeak 25 ikasle eta irakasle “bultzatu” zituen salaketa ukatzen zuen dokumentu bat sinatzera, eta webgune bat ere sortu zuten irakasleari babesa erakusteko eta biktima gezurretan zebilela adierazteko. Gerora epaitegietan frogatuta geratu da ikasleak sexu erasoak sufritu zituela irakaslearengandik.
“Ez dira diskriminatzaileak”
Urtero bideratu da diru publikoa ikastetxe hauetara eta Cristina Uriarte Jaurlaritzako Hezkuntza sailburu ohiak esana da sexuaren arabera bereizten dituzten ikastetxeak ez direla diskriminatzaileak, zentro hauek diru publikoz ez finantzatzea familia horientzat desabantaila litzatekeela. Galdera da, hemendik aurrera ere, Espainiako Kongresuan onartu den hezkuntza legeari iskin eginez, ikastetxe hauek finantzatzen segituko dute?
STEILASek, bestalde, gaineratu du “ikasleen jatorriaren eta egoera sozioekonomikoaren arabera segregatzen duten ikastetxeen diru laguntzak” ere eten beharko liratekeela.
Kooperatibismo bat komunitateari begira UEUko topaketek, komunitatea ahaldundu eta lurraldeetako beharrei erantzuteko tresna direla gogorarazi ziguten. Halaxe da, bai, baina ekaina ez da kooperatibetan idealizaziorako garai egokiena, ez behintzat kooperatibetako kudeaketa... [+]
María del Cielo Galindo Puyalek EHUn Master Amaierako Lana aurkeztu du ostegunean, ekainaren 26an. Galindok kitxuaz hitz egin du epaimahaiaren aurrean, Boliviako emakume indigena meatzarien parte-hartze politikoaz. Lana kitxuaz eta gaztelaniaz idatzi du, eta bere anaiak... [+]
Zergatik eskaintzen dira Lanbide Heziketako hainbeste ziklo erdara hutsean EAEn? Zergatik jarraitu behar dituzte ikasketak gaztelaniaz ordura arte D ereduan euskaraz aritu diren ikasle andanak? Lanbide Heziketa euskalduntzeko behingoz plan estrategiko bat gauzatu dezala eskatu... [+]
Errektoretzaren erantzun ezan, ehun bat irakaslek berriz eskainiko diete ikasleei ahozko froga euskaraz pasatzeko aukera. Guraso elkarteek ere bat egin dute ekimenarekin, errektoretzaren inplikazioa eskatuz.
Ikastola 2013an sortu zuten eta ondoko urtean jarri zuten prefabrikatu bat herriko etxearen lursail batean bertatik bideratzeko ikaskuntza. 2022an eraikin sendo bat eraikitzeko proiektua aurkeztu zuten, baina herriko kontseiluak ez zuen horrelakorik onartu. Gatazka gogorra egon... [+]
Ekainaren 23aren eta uztailaren 2aren artean iraganen da ahozko azterketa. Frantsesez pasa beharreko azterketa izanda, Seaskako, sail publikoko eta pribatuko irakasle batzuek publikoki jakitera eman dute euskaraz bideratzeko aukera eskainiko dietela ikasleei.
Gasteizko Umandi ikastola duela 50 urte sortu zuten hainbat familia aski ausartek –herri ekimena, orduan ere–, euskararen transmisioa ardatz hartuta. Mende erdia joan da, ikastola hazi egin da, belaunaldi berriak hezi ditu ez gutxi, komunitate baten erreferente ere... [+]
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]
“Lehenengo mailako ikasleek enpresetan egin dituzten praktikak existitu ez balira bezala jokatzeko eta notak aurreko sistemaren arabera jartzeko eskatu digute”, adierazi dio ARGIAri irakasle talde batek. Hori eta beste hainbat adibide eman dizkigute, azaltzeko modu... [+]
Animalia-etikaz mintzatuko dira EHUko ikastaroetako batean. Leire Morras Aranoak, ikastaroaren zuzendariak, hezkuntzan antiespezismoa lantzeko dauden hutsuneak eta aukerak nabarmendu ditu.
Udako Euskal Unibertsitateak hogei jardunaldi eta topaketa antolatu ditu ekainaren 11tik hasita hilabete batez, hausnarketari bide emateko eta "arnasgune akademikoa" izateko helburuarekin. Inguma datu-base berrituan unibertsitate mailako jakintza alor ugaritako ia 50.000... [+]
Espainiako Lanbide Heziketaren legeak egoera larria ekarri duela iritzita, kezka nagusiekin manifestua idatzi du irakasle talde batek eta jasotako sinadurak aurkeztu dizkio Eusko Jaurlaritzako Lanbide Heziketako Sailburuordetzari. “Joan garen ikastetxe guztietan bat egin... [+]
Eusko Jaurlaritzako Hezkuntza sailburuak iragarri duelarik hainbat ikastetxe eta zonaldetan sukaldeak jarriko dituztela, EHIGE gurasoen federazioak dio gaur egun catering-enpresen esku dauden eskola-jantokietako eredua bera aztertzea eta bestelako kudeaketa bat bultzatzea dela... [+]
Ehunka pertsona joan dira jaialdira, haien artean Begoña Pedrosa Hezkuntza sailburua, 60 milioi euroko inbertsioa iragarri duena Eskola Txikientzat.
EAEko Hezkuntza Sailak egindako “balorazio oso positiboa” ezbaian jarri du Arartekoak ebazpen batean. Bere esanetan, “neurri irmoagoak” hartu ezean, Ordiziako eskoletan dauden zaurgarritasun eta hizkuntza desoreka arazoak konpontzetik “urrun”... [+]