Enpresa militar israeldarrei 1.000 milioi euro baino gehiago ordaindu dizkie Espainiako Estatuak, Gazako genozidioa hasi zenetik
ElDiario.es hedabideak aurreratutako Centre Delas erakundearen txostenaren arabera, enpresa israeldarrekin kontratu berriak egin ditu Espainiako Gobernuak azken hilabeteetan. Armak erosteaz gain, urritik hona Europar Batasunetik Israelera arma gehien bidali dituzten herrialdeetan bosgarrena da Espainiar Estatua.
Espainiako Gobernuaren adierazpenak adierazpen, Israelgo armak inportatzen jarraitu dute urriaren 7tik. Kontratu publikoak esleitu ere egin dizkiete Israelgo segurtasun eta defentsa enpresei, edo Espainian dituzten filialei. Israelera armak esportatzen ere jarraitu dute hilabeteotan. Hala azaldu du Centre Delas d’Estudis per la Pau erakundeak txosten batean, eta elDiario.es hedabideak aurreratu du txosteneko edukia, argitaratu aurretik. Bertan azaldu dute 1.027 milioi euroko balioa duten kontratu publikoak egin dituztela enpresa israeldarrekin urriaren 7tik.
Centre Delas-eko ikerlariek nabarmendu dute “Israelek Gazako Zerrendan egindakoa oso larria izanda ere", Espainia eta Israelen arteko harreman militarrek ez dutela "aldaketa esanguratsurik izan” azken bederatzi hilabeteetan. “Espainia eta Israelen arteko arma merkataritzak ez du etenik izan, Gazan genozidioa egin arren”.
Txostenaren egileen arabera, beti ere elDiario.es-ek jaso duenez, “inteligentzia eta segurtasun kontuetan aldebiko elkarlana mantendu dute bi herrialdeek”, eta “espainiar lurraldea erabili ahal izan du Israelek, salbuespen batekin, beste herrialdeetatik armak bidaltzeko”. NBEko errelatoreak eskatutako armen enbargorik ez du ezarri Espainiako Gobernuak, beraz.
Pedro Sanchezen hitzak zalantzan
Espainiako Gobernuak adierazia du ez duela lizentzia berririk eman Israelera material militarra saltzeko 2023ko urritik, baina, elDiario.es-ek jaso duenez, ez ditu lehenagotik zeuden lizentziak bertan behera utzi, eta esportazioek bere horretan jarraitu dute. Hedabidearen arabera, Espainiar Estatua bosgarrena da Europar Batasunean arma eta munizio gehien saldu dituzten herrialdeen artean, Txekiar Errepublika, Errumania, Eslovakia eta Italiaren atzetik.
Centre Delaseko ikerlariek gezurtatu egin dituzte gobernuburu espainiarraren esanak, elDiariok jakinarazi duenez. Apirilean Sanchezek Espainiako Kongresuan esan zuen “urriaren 7tik Espainiak ez duela armen salerosketa operaziorik egiten Israelekin, bat ere ez”. Txostenean adierazi dute, “[presidenteak esandakoa] lapsus bat izan ala ez, ez zen egia, azaroan eta abenduan munizioak esportatu zirelako, eta Espainiak ez diolako utzi enpresa israeldarren armak jasotzeari”.
Aipatutako enpresa israeldar horietako bat Elbit Systems da, Israelgo armadarekin lotura handia duen enpresa pribatua. Euskal erakundeek ere, Jaurlaritzak eta Aldundiek, lotura izan dute Elbit Systems enpresarekin, Tecnalia eta Tekniker ikerketa zentroen bidez.
.jpg)
Israelgo Gobernuaren esanetan, bere subiranotasunaren aurka eta Hamasen alde dago Global Sumud Flotilla egitasmoa. Hortaz, esku hartze gogorrak iragarri ditu.
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]
Israelgo armadaren barne agiri batean agertzen diren datuek diote Gazan hil dituzten sei palestinarretatik bost zibilak direla, azken hamarkadetan aurrekaririk ez duen sarraskia izanik. Israelgo zerbitzu sekretuek maiatzean zioten armadak Hamaseko eta Jihad Islamikoko 8.900... [+]
Turingia estatuko Auzitegi Gorenak ebatzi du Buchenwald konzentrazio esparruko memorialak eskubidea duela kufija daraman edonori sarbidea ukatzeko, "judutar ugariren segurtasuna" arriskuan jarri baitezake.
Erakunde palestinarrak astelehenean jakinarazi zuen ohar batean Egiptoko eta Qatarreko bitartekariek proposatutako su-eten akordioa ontzat jo duela. Israelgo armadak, ordea, dagoeneko inguratuta dauka Gaza hiria, eta han dauden palestinarrei urriaren 7ra arteko epea eman die... [+]
Gazako palestinarren aurkako genozidioa aurrera doan bitartean, Europak Israelgo armagintza industria hauspotzen jarraitzen du. Elbit Systems Israelgo armagintza enpresa ezagunak joan den astean iragarri zuen Europako herrialde batekin 1.600 milioi euro baino gehiagoko kontratua... [+]
Komunikazio ministro eta gobernuaren bozeramaileak iragarri du neurria. Berehala galdetu diote ea mehatxuren batek bultzatu duen erabakia, eta horri erantzun dio "mehatxua Israelgo eskuin muturretik" datorrela.
Gaza Hiria osorik okupatzeko onartu berri duten planaz kezkatuta, milaka israeldarrek Benjamin Netanyahu Israelgo lehen ministroari exijitu die Hamasekin akordio batera iristeko "gerra amaitu" eta zerrendan dituzten bahituak aske uzteko. Herrialdeko lehen... [+]
Astelehenetik asteazkenera bitarte eginiko aire erasoetan gutxienez ehun palestinar hil ditu Israelek, horietatik gehienak Gaza hirian, hura osorik okupatzeko asmotan. Gazako Osasun Ministerioaren arabera, 2023ko urriaren 7az geroztik 227 lagun hil dira elikagai eskasiagatik... [+]
Hildako kazetarietako bat Anas al-Sharif da, palestinarren genozidioa zerrendatik kontatzen dutenen artean ezagunenetako bat. Al Jazeera hedabideak adierazi du Israel errudun dela Gazako sarraskia barnetik azaleratzen duten kazetariak nahita hiltzeagatik, eta horrela sarraskia... [+]
Ostiral goizeko albisteak erreakzio ugari piztu ditu Israelen zein nazioartean. Aurka agertu dira Israelgo bahituen familiak eta NBE. Alemaniak, Israelen aliatu tradizionalak, armak saltzeari utziko diola jakinarazi du.
Ostiral goizaldean eman du erabakiaren berri Israelgo Gobernuak, hamar orduz luzatu den bilera baten ondoren. Dena den, okupazioa gauzatzeko, gobernu osoaren baiezkoa behar du Netanyahuk: igandean izan daiteke bilera. Segurtasun Kontseiluak, halaber, mugak jarri dizkio... [+]