ARGIA.eus

2021eko martxoaren 01a

10 urteko espetxe zigorra Zahra Mohammadi kurduera irakasle eta ekintzaile bakezaleari Iranen

  • Zahra Mohammadi irakasle eta ekintzaile soziala hamar urterako espetxeratu dute Iranen. Besteren artean, herrialde honen menpeko Kurdistanen beren hizkuntza irakasten zien haurrei. Sanandaj-ko Gorte Iraultzaileak epaitu du eta "segurtasun nazionala auzitan jarri asmo zuen talde bat osatzen ari zela" ebatzi du.

Lander Arbelaitz Mitxelena @larbelaitz
2020ko uztailaren 20a
Zahra Mohammadi ekintzaile kurdua espetxeratu dute Iranen.

Mahammadiren aurkako epaiketa otsailaren 17an egin zuten eta joan den asteazkenean, uztailaren 15ean, bere abokatuari jakinarazi zioten hamar urteko espetxe zigorra ebatzi zutela bere aurka. ANF berri agentzia kurduak informatu du 29 urteko irakaslea aldi berean, ekintzaile bakezalea dela eta Nujin Emakumeen Batzarreko zuzendaritzako kidea.

Kurdistango Giza Eskubideen aldeko sareak atxiloketa salatu du eta jakinarazi du Mohammadi Nujin elkarte kultural-sozialeko zuzendaria dela, eta bere lanen artean haurrei hizkuntza eta literatura kurdua irakastea daudela. 2019ko maiatzaren 23an atxilotu zuten Sanandaj hirian, eta urte hartako abenduaren 2an askatu zuten 700 milioi realeko fidantza ordainduta (14.500 euro).

Iazko azaroan, Amnesty Internationalek Zahra Mohammadi berehala askatzeko eskatu zuen, bere atxiloketa erabat "bidegabea" izan zela iritzita. AIk salatu zuen Mohammadiren galdeketetan, kooperatu ezean bere senideak atxilotuko zituztela mehatxu egin ziotela, baita gastroenteritisa izan arren ez ziotela inolako laguntza medikurik eskaini atxilo izan zuten bitartean.

Zahra Mohammadi irakaslea zenbait haurrekin.

Nujin elkarte sozio-kulturala erakunde zibila dela azpimarratu dute eta urteak daramatzala hizkuntza kurdua irakasten zenbait hiritan. Kurdistango Giza Eskubideen sareak nabarmentzen du elkarte honek paper garrantzitsua jokatu zuela duela zenbait hilabete Lorestan inguruak txikitu zituen lurrikaran jendea laguntzen eta hornigaiak lortzen.

Sare sozialetan kanpaina egiten ari dira Mohammadiren alde ondorengo traolak erabiliz: #FreeZara #FreeZahra eta #زهرا_محمدی

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Kurdistan  |  Iran

Kurdistan kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude