Durangoko Liburu eta Disko Azoka: Aro berri baten hasiera
- Datorren abenduaren 4tik 8ra 38. aldiz zabalduko ditu ateak Durangoko Euskal Liburu eta Disko Azokak. Aurtengoa berezia izango da baina. Aro berri bati emango baitzaio hasiera. Durangoko elizpean jaio zen Azoka duela 38 urte. Azken urteetan karpa azpian ezagutu badugu ere, 38. honek ekarriko du aldaketa. Aurrerantzean Landako gunean eraiki berri den eraikinak hartuko baitu bere baitan azoka osoaren muntaia. Aurtengoa, beraz, aro berri baten hasiera izango da; eraikin berriak ekarriko dituen aldaketak eta etorkizunera begirako erronkak direla medio.
Aro berri bati hasiera emanez irekiko ditu aurten ateak Durangoko Liburu eta Disko Azokak. Edukia eta muina betikoak izango ditu, urtetik urterako aldaketekin, baina azala da aldatuko duena. Hau da, metamorfosia egingo du. Karpa azpitik eraikinaren babesera egingo baitu jauzi. Karpa zegoen inguru berean dago eraikina. Guneak orotara 6.000 metro koadro baino gehiago ditu. Azokaz gain enpresa munduko eta aisialdiko beste hainbat ekintza egiteko atondu da eraikina. Adibidez, eraikinean bertan egingo dira abenduaren 4tik 8ra bitarteko hitzaldi nahiz mahai-inguruak.
Urtero, gai jakin baten inguruan antolatu izan ohi da ekimena eta aurtengoan euskal irratigintza izango da Azokako ardatz nagusia. Euskal irratigintza bere osotasunean.
Eta irratiak euskara zabaldu zuen mundura... izango da aurtengo sarrera hitzaldiaren izenburua. Hizlaria berriz, Joxe Mari Iriondo kazetaria. Abenduaren 4tik 8ra artean baina, hitzaldi nahiz mahai-inguru mordoa izango da eta bertan entzun ahal izango ditugu, besteak beste: Odile Kruzeta, Mikel Bujanda, Lucien Etxezarreta, Txema Auzmendi, Ana Urkiza...
Aurten, urte beltzetan irratien inguruan lanean, askotan musutruk, ibilitako horiei eskaini nahi izan die Gerediaga elkarteak 2003. urteko Durangoko Argizaiola saria. Norbaiti eman behar, eta Euskal Herritik kanpoko eta barruko irratiekin urte askotan harremanak izan zituen pertsona bati eskaintzea erabaki du, Gerardo Bujanda Sarasola jaunari.
Durangoko Euskal Liburu eta Disko Azokaren 38. ekitaldian 271 erakusmahai izango dira. Gehienetan argitaletxeen produktuak izango dira erakusgai, baina horiez gain kultur talde, aldizkari, diskoetxe, erakunde, banatzaile, unibertsitate, aurrezki kutxa edota egunkariek aurtengo ediziorako bildu dituzten argitalpenak eskainiko dituzte.
271 erakusmahai horietan erakusgai izango diren materialen artean liburuak eta diskoak izango dira nagusi. Guztira 400 bat liburu aurkeztuko dira, diskoak berriz 95 inguru. Liburu eta diskoez gain, aldizkari, bideo, DVD, software eta Interneteko atari ugari aurkituko ditu azokara hurbiltzen den bisitariak.
Durangoko Euskal Liburu eta Disko Azoka etorkizunari begira jarri dela-eta, ezin da ukatu azken urteetan teknologia berriek hartu duten garrantzia. 38. edizioan ere bertan izango dira. Iaz bezala, aurtengoan ere, teknologia berrien erabiltzaileek zibergunea izango dute. Bertan topatu ahal izango dira, besteak beste, Urtxintxa Aisialdi eskola, www.bizkaie.biz, Miatzen, Goiatz, Elhuyar, Ena Elkartea, www.nontzerberri.com, Euskaltzaindia, Eusko Jaurlaritza, UEU eta Euskaltelen txokoak. Gerediaga elkarteak bestalde, www.durangokoazoka.com web gunean 38. edizio honetako informazio guztia eguneratuta izango du Azokak iraungo duen egunetan.
Gerardo Bujanda Sarasolari emango dio aurten Gerediaga elkarteak Argizaiola saria. Bujanda Donostian jaio zen 1919an. 16 urterekin boluntario joan zen gerrara EAJko gudariekin. Preso egin ondoren langile bataloietan behartu zuten lan egitera, baina azkenik Afrikara egin zuen alde eta han igaro zituen bost urte. 1947an itzuli zen Euskal Herrira eta erresistentzian hasi zen lanean. 1960. urte inguruan Muñoz, Etxebeste, Mendizabal Okina, Elisabet Maiztegi eta beste zenbaitekin batera Loiola Irratia sortu zuen Donostian.
1954. urtean Frantziako Gobernuak Eusko Jaurlaritzak Iparraldean antolatuta zuen Radio Euskadi ixtera behartu zuen. Hamarkada bat baino gehiago isilik izan ondoren 1965. urtean, oraingoan Venezuelatik, berriro Radio Euzkadiren uhin hertzianoak zabaldu ziren mundura. Garai honetan Gerardo izan zen barnealdeko berriemailetariko bat. "Juan de Igueldo" goitizenarekin Hego Euskal Herriko berriak bidaltzen zituen Venezuelara irrati bidez mundura zabaltzeko. 1966. urtetik aurrera, barnealdeko Euskadi Buru Batzarreko kidea izan zen. Hurrengo hamarkadetan hainbat kargu izan zituen EAJ-PNV-ren barruan. 1977. urtean Gipuzkoako diputatu hautatu zuten.
Gaur egun 84 urterekin Donostian bere jaioterrian bizi da Lide Oñederra Egaña bere emaztearekin.
ABENDUAK 4
14:30-18:00: Profesionalei eskainitako denboraldia.
19:00: Sarrera hitzaldia. Eta irratiak euskara zabaldu zuen mundura... Joxe Mari Iriondo.
ABENDUAK 5
18:30: Mahai-ingurua: Musika eta irratia. Partaideak: Joxeina Etxeberria, Blanca Izkue, Roberto Moso, AUO eta Idoia Azkorbebeitia.
20:30: Gauean Argi III. Ekitaldia. Gerardo Bujandari emango zaio argizaiola saria. San Agustin Kultur Gunean.
ABENDUAK 6
18:00: Hitzaldia: Irratia gaurko munduan. Hizlaria: Ignacio Arregi.
ABENDUAK 7
12:30: Irratia dela eta... Gerardo Bujanda eta Joxe Mari Iriondoren arteko berriketaldia.
17:30: Dos familias vascas: Areliza/Aznar liburua aurkeztuko dute Iñaki Anasagasti eta Josu Erkoreka egileek.
19:30: Txistua XXI. mendean emanaldia. Berziztu Txistulari Elkarteak antolatuta Durangoko Santa Ana elizan.
20:00: Etiopia... 25 urte geroago San Agustin Kultur Gunean. Bernardo Atxagaren literatur emanaldia.
22:00: Ruper Ordorika eta bere taldearen emanaldia.
ABENDUAK 8
12:30: Hitzaldia: Emakumeak idazle Durangerrian... Hizlaria: Jose Luis Lizundia.
"Gure herria izugarrizko irabazi-iturria da turismotik negozioa egiten dutenentzat. Bertako langileok, berriz, horren albo-kalteak jasaten ditugu: miseria eta esplotazioa", seinalatu dute mobilizazioa deitu duten Kontseilu Sozialistak eta Etxebizitza Sindikatu... [+]
Zer: “Requiem (s)”. Ballet Preljocaj.
Koreografia: Angelin Preljocaj.
Eszenografia: Adrien Chalgard.
Argiztapena: Éric Soyer.
Jantziak: Eleonora Peronetti.
Bideoak: Nicolas Clauss.
Lekua: Kursaal Auditorioa, Donostia.
Data: abuztuaren... [+]
Gorpuzkiak aurkitu eta lurpetik atera ahal izateko ezinbestekoa izan da Gesalaz Muniango bi bizilagunen testigantza: Lucio eta Domingo Zabalza anaiek adierazi zuten, haur zirela, hainbat pertsona lurperatu zituztela leku horretan Guesalazko haranean, herri horretako... [+]
Ukabilkadak, bultzadak, blokeoa, izotz jaurtiketak eta abar jasan behar izan dituzte Bajadika aldarrikatzailea egin duten pertsonek.
Marijo Louis paristarra da sortzez, 1977an heldu zen Miarritzera Euskal Herriko borrokek erakarrita. Josetxo Otegi zizurkildarrak 1983an pasa zuen muga Gipuzkoatik Lapurdira, Poliziatik ihesi. AEK-ko irakasle eta ikasle zirela ezagutu zuten elkar. 1986an, GALen atentatuen,... [+]
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]
Kostako zaizu Adurtza baino auzo zaharragorik aurkitzea Euskal Herrian: aurten 1.000 urte bete ditu, Donemiliagako Goldea dokumentuan ageri denez (ikusi Gakoak honetan Josu Narbartek idatzitako erreportajea horri buruz), eta merezi bezala ospatu dute bertan bizi direnek. Baina... [+]
Euskal Herrian auzo borrokalaririk bada, hori Txantrea da zalantzarik gabe. Herritarrek euren eskuz eraikia (literalki), auzoa defendatzen ikasi dute kalez kale, izan poliziarengandik, izan agintarien utzikeriatik, izan ugazaben diru-gosetik. Baina auzoa hori baino gehiago da,... [+]
Donostiako hirigunetik Urumeak banandua, nekazaritza eremu zabala zen Egia: Nabarrizene, Txurkoene, Mikelaene, Polloene... 70 baserri baino gehiago zeudela uste da. Trenbidearen etorrerak beste destino petral bat ekarri zien lur horiei, ordea: zerbitzuetarako eta... [+]
Ezagutu dezakezu Euskal Herria gure txoko eder eta famatuenak bisitatuta, Instagramerako edo postal baterako argazkiak aterata zure buruari, kostaldeko paisaietan edo monumentu bisitatuenetan irri eginez. Baina ez duzu Euskal Herria guztiz ezagutuko. Horretarako, hobe zenuke... [+]
Bizikleta hartu eta errepidera ateratzeko gogoa. Olatu gainean surf egiteak zein sentsazio eragiten duen probatzeko irrika. Mendirik mendi ibiltzearen plazera sentitzea. Mendian, hainbestean, baina emakumeak ez du erraza izan gizonenak izan diren kirol eremuetan sartzea... [+]
1985. NATOn mantentzearen kontrako manifestazioak egin ziren Hego Euskal Herriko hiriburuetan azaroaren 10ean, tartean Donostian. Milaka lagun irten ziren kalera Koordinadora Antimilitaristaren deiari erantzunez, orduko agintariak karikaturizatzen zituzten mozorroekin. Kanpaina... [+]
Hedabideen artean erakunde publikoek urtero publizitatearen bidez banatzen duten diru-zakua milioika eurotan zenbatu daiteke. Baina sistema garden eta justu baten faltan, medio batzuk argi eta garbi irabazten irteten dira banaketa horretan, eta Eusko Jaurlaritzaren... [+]
Munduko hainbat txoko zeharkartzen dituzten ibaiek, bizirik dauden heinean, euren begirada propioa dute mundua bera ikusteko. Gizakiaren garapenaren testigu isilak dira: hirigintza, gerra, kutsadura, uholdeak... dituzte ikusmiran, baita euren bazterretan etengabe ernetzen diren... [+]
Urtemugak hausnarketarako parada izaten dira. Atzera begira jarri, egindako bideari begiratu eta, oraina ulertuta, geroa pentsatzeko. 2025 honetan, urtemuga biribila bete dugu: Gipuzkoa izenaren idatzizko lehen aipamenetik mila urte bete dira, eta aukera ezin hobea iruditu zaigu... [+]