Kostako zaizu Adurtza baino auzo zaharragorik aurkitzea Euskal Herrian: aurten 1.000 urte bete ditu, Donemiliagako Goldea dokumentuan ageri denez (ikusi Gakoak honetan Josu Narbartek idatzitako erreportajea horri buruz), eta merezi bezala ospatu dute bertan bizi direnek. Baina egiari zor, Adurtzaren bigarren bizitza 1950eko hamarkadan hasi zen, fabriken eta adreiluzko etxeen itzalean.
1) Fournierreko emakume kartagileak
Erdi Aroan Adurzaha izenarekin herri gisa agertzen bazaigu ere, Adurtza laster geratu zen biztanle gabe, Gasteizko hiriaren eraginez. XX. mende erdialdean industriarako kokaleku bihurtu zen: San Cristobal hebilla fabrika, Esmaltaciones San Ignacio, BH, Iriondo... eta Naipes Heraclio Fournier. Azkeneko horrek 1948an auzoaren eremu handi bat hartu zuen eta lantegian emakume kartagileek paper garrantzitsua zuten. Aritza Saenz del Castillo historialariak ikertu duenez, 1970eko hamarkadan bertan aritzen ziren 1.000 langileetatik 700 emakumeak ziren. Urte horietan, jasaten zuten bereizkeria laboralagatik –soldata txikiagoa, ardura kargurik eza...– protestan hasi ziren eta hiriko mugimendu feministaren parte bihurtu ziren. Lantegia 1993an eraitsi zuten eta gaur egun auzoko kale luzeenak Fournierren izena darama.
2) Eliza gorri bat
1961ean eraikitako San Ignazio parrokia gorria da. Adreilu gorrizkoa. Inguruko etxebizitza gehienak ere hala dira, baita garai hartan eraiki ziren langileentzako erresidentziak ere. Carlos Abaitua Gasteizko diozesiko gotzaina izan zen sustatzaile, adurtzarrek kontzientzia kolektiboa hartzeko lan eskerga egin zuena –horregatik poliziaren brigada politikosoziala-ren jomugan egon zen–. Adurtzan etxebizitzak egiteko “Mundo Mejor” kooperatiba sortu zuten, handik gertu Errekaleor egungo auzo askea eraiki zuen bera.
3) Zentro soziala
Auzoan jarri ziren fabrikek euren langile guztiak eraman zituzten bizitegi berri edo kolonietara. Horrek berezi egiten du Adurtzaren soziologia, jadanik aurrez bazirelako klase izaeraren jabe. Asko Eibarkoak ziren eta BH eta Iriondo lantokietan aritzen ziren. 1960an zentro soziala fundatu zuten –beste auzoetan ez zegoen halakorik–, sareak ehuntzeko ezinbestekoa. Horrela, Adurtza, Gasteizko langile mugimenduaren lehen ernamuina bihurtu zen, 1976. urtean eztanda egin zuena.
4) Ikastola publikoa
Auzoaren hegoaldean dagoen Adurtza Ikastolak historia bizia du. Arabako Foru Aldundiak sortua, 1980ko hamarkadan gurasoek borroka egin zuten euren seme-alabek denek batera D ereduan ikas zezaten. Lau hamarkada geroago, Adurtza –eta Gasteiz– inoiz baino euskaldunagoa da. Orain, Adurtza eta San Inazio ikastetxe publikoak fusionatzeko asmoa dago, eta horren aurrean gurasoak elkarlanean ari dira segregaziorik gabeko ikastola publiko bakarra sortzeko auzoan.
5) Adurtza dantza taldea
Adurtza kalean, mural koloretsu batek gogoratzen du auzo aktibo batean gaudela: Adurtza dantza taldeak egin zuen iaz, bere 50. urteurrenaren kari. 1974an sortua, gaur egun ehun dantzarik baino gehiagok osatzen dute. Dantza taldea, ikastola, komertzioak, auzo elkartea, mendi kluba... denek ospatu dute aurten auzoaren milurtekoa, eta efemeridea baliatu dute auzoaren izaera komunitarioa azpimarratzeko.
Gakoak PDFan
Marijo Louis paristarra da sortzez, 1977an heldu zen Miarritzera Euskal Herriko borrokek erakarrita. Josetxo Otegi zizurkildarrak 1983an pasa zuen muga Gipuzkoatik Lapurdira, Poliziatik ihesi. AEK-ko irakasle eta ikasle zirela ezagutu zuten elkar. 1986an, GALen atentatuen,... [+]
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]
Euskal Herrian auzo borrokalaririk bada, hori Txantrea da zalantzarik gabe. Herritarrek euren eskuz eraikia (literalki), auzoa defendatzen ikasi dute kalez kale, izan poliziarengandik, izan agintarien utzikeriatik, izan ugazaben diru-gosetik. Baina auzoa hori baino gehiago da,... [+]
Donostiako hirigunetik Urumeak banandua, nekazaritza eremu zabala zen Egia: Nabarrizene, Txurkoene, Mikelaene, Polloene... 70 baserri baino gehiago zeudela uste da. Trenbidearen etorrerak beste destino petral bat ekarri zien lur horiei, ordea: zerbitzuetarako eta... [+]
Ezagutu dezakezu Euskal Herria gure txoko eder eta famatuenak bisitatuta, Instagramerako edo postal baterako argazkiak aterata zure buruari, kostaldeko paisaietan edo monumentu bisitatuenetan irri eginez. Baina ez duzu Euskal Herria guztiz ezagutuko. Horretarako, hobe zenuke... [+]
Bizikleta hartu eta errepidera ateratzeko gogoa. Olatu gainean surf egiteak zein sentsazio eragiten duen probatzeko irrika. Mendirik mendi ibiltzearen plazera sentitzea. Mendian, hainbestean, baina emakumeak ez du erraza izan gizonenak izan diren kirol eremuetan sartzea... [+]
1985. NATOn mantentzearen kontrako manifestazioak egin ziren Hego Euskal Herriko hiriburuetan azaroaren 10ean, tartean Donostian. Milaka lagun irten ziren kalera Koordinadora Antimilitaristaren deiari erantzunez, orduko agintariak karikaturizatzen zituzten mozorroekin. Kanpaina... [+]
Hedabideen artean erakunde publikoek urtero publizitatearen bidez banatzen duten diru-zakua milioika eurotan zenbatu daiteke. Baina sistema garden eta justu baten faltan, medio batzuk argi eta garbi irabazten irteten dira banaketa horretan, eta Eusko Jaurlaritzaren... [+]
Munduko hainbat txoko zeharkartzen dituzten ibaiek, bizirik dauden heinean, euren begirada propioa dute mundua bera ikusteko. Gizakiaren garapenaren testigu isilak dira: hirigintza, gerra, kutsadura, uholdeak... dituzte ikusmiran, baita euren bazterretan etengabe ernetzen diren... [+]
Urtemugak hausnarketarako parada izaten dira. Atzera begira jarri, egindako bideari begiratu eta, oraina ulertuta, geroa pentsatzeko. 2025 honetan, urtemuga biribila bete dugu: Gipuzkoa izenaren idatzizko lehen aipamenetik mila urte bete dira, eta aukera ezin hobea iruditu zaigu... [+]
Ekainak bost ditu gaur; udara atarian gaude eta giroak badaki. 15:00ak dira, sorbeltz saldoa aztoratuta dabil, udara beteko zeruan, kirrinka batean, eltxoak ehizatzen. Azpitik Ibaik erreparatu die sorbeltzei, eta tartean dauden enara azpizuriei; gorde ditu basozain arropak,... [+]
Euskararen biziberritzeari buruz asko hitz egiten ari azken urteetan eta horren inguruan ari da lanean Euskaltzaindiko talde bat. Talde horretan dago Jon Sarasua ere eta galdetu diogu zeregina zertan den. Galdetu diogu, halaber, udaberrian idatzi zuen Puprilusoko artikulu... [+]
Kontatzen ez dena ez da existitzen. Oso barneratuta daukagu lelo hori, baita informazioa boterea dela eta eragiteko gaitasun handia duela ere. Are gehiago gerra edo gatazketan, batik bat oraindik tresna digitalak asko garatu gabe zeudenean, informazioa ez baitzegoen hain eskura... [+]
Sorkuntzarako, gozamenerako eta aldarrikapenerako espazio moduan dute oholtza musikari askok, baina bere ingurumarietan katramilatzen dira sarri, eta espazio "bortitz" bihurtzen da hegemonikoak ez diren gorputz askorentzat. Presio estetikoa, egiteko modu deserosoak,... [+]
Urtebetetzeek eta urte aldaketek pilaketa bidezko eragina dute: alegia, banaka, gertatzen direnean, nik ez dut ezer sumatzen. Urtebetetzeetan, ondo xamar egin badut segundo batzuez olgatzen naiz (nire baitarako), nire garunaren zati batek ezin dio utzi zoriontzen dutenean... [+]