Nafarroako Politika Orokorraren Eztabaidako bigarren saioa egin bitartean, herritar mordo batek manifestazioa egin du gaur, 9:00etan, UPNren politika ekonomikoa eta murrizketak salatzeko.
Sindikatuek eta herri mugimenduko hainbat taldek deitu dute mobilizazioa; “planto soziala” izendatu dute gaurko protesta. Eremu publiko zein pribatuetan ezarritako murrizketak agerian uzteko era da, antolatzaileek ohar baten bidez jakinarazi dutenez.
Murrizketek hainbat arlotan eragin dutela nabarmendu dute. Besteak beste, oinarrizko errentan, osasungintzan eta lan baldintzen prekarietatean. Salatu dutenez, gizarte gaietarako dirurik ez den arren, AHTko eraikitze lanetan eta enpresen aldeko zerga jaitsieretan nafar politikariek dirua “xahutu” egiten dute.
Manifestazioko deitzaileek UPN jo dute egoeraren erantzuletzat: “UPNk minorian gobernatzen du, gero eta babes gutxiago dauka eta, hala ere, ez du boterea utzi nahi”.
Kritika egiteaz gain, “alternatibak” eraikitzeko deia egin dute, egoera “penagarriari” erantzuna eman asmoz. “Lanaren eta aberastasunaren banaketa nahi dugu eta naturarekiko errespetuz jokatuko duen ekoizpen eredu bat”, aldarrikatu dute. Bide horretatik berdintasunean oinarritutako gizartea eraiki daitekeela uste dute “plantoko” antolatzaileek.
Honako hauek dira protestako deitzaileak: ELA, LAB, ESK, CGT, STEE-EILAS eta EHNE sindikatuak; eta langabezian dauden pertsonen elkartea, Sasoia, Pentsionistak martxan, Oinarrizko Errentaren Jasotzaileak, AHT Gelditu, Herri Ekimena eta Ikasle Abertzaleak.
Europar Batasuna pandemia aurreko zerga arau zorrotzetara bueltatzeko bidean da, Europako Parlamentuak estatu kideek duten defizita eta zorpetzea mugatzeko neurri fiskal berriak onartu ostean. Ecofinek 2023 urte amaieran erabakitakoari jarraiki, austeritate eta murrizketa... [+]
Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".
Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Europar Batasuneko 27 herrialdeetako ekonomia eta finantza ministroen kontseiluak arau fiskal zorrotzagoak ezartzea adostu du abenduaren 20an. Azken urteetako norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Araba, Bizkaia eta Gipuzkoako sektore publikoan greba eguna da gaurkoa, ELA, LAB, CCOO, Steilas, SATSE eta ESK sindikatuek deituta. Goizaldean abiatu dira lehen zutabeak eta manifestazioa handienak eguerdian egingo dituzte hiriburuetan.