Sektore publikoan greba: 150.000 langile kalera ateratzera deitu dituzte sindikatuek
Araba, Bizkaia eta Gipuzkoako sektore publikoan greba eguna da gaurkoa, ELA, LAB, CCOO, Steilas, SATSE eta ESK sindikatuek deituta. Goizaldean abiatu dira lehen zutabeak eta manifestazioa handienak eguerdian egingo dituzte hiriburuetan.
Bi greba egun deitu dituzte ELA, LAB, CCOO, Steilas, SATSE eta ESK sindikatuek Araba, Bizkaia eta Gipuzkoako sektore publikoan, urriaren 25ean eta abenduaren 19an. Asteazken honetan da lehen lanuztea eta 150.000 lagun daude horretara deituta. Ikastetxeetan, osasungintzan, administrazioan, garraioan eta orokorrean zerbitzu publikoetan eragin nabarmena izango duela espero da.
Gutxieneko "gehiegizko" zerbitzuak
Sindikatuek salatu dute Eusko Jaurlaritzak jarritako gutxieneko zerbitzuak "gehiegizkoak" direla. Hala, langile askok lanera joan beharko du Jaurlaritzaren agindu hori betetzeko, esaterako, Osakidetzako EAGen gutxieneko zeritzuak %100 dira.
"Zerbitzu publikoen gainbehera nabarmena den une honetan, hala nola, langile eskasia edo ordezkapen falta, badirudi faktore horiek bat-bateko garrantzia hartzen dutela greba iristerakoan"
"Zerbitzu publikoen gainbehera nabarmena den une honetan, hala nola, langile eskasia edo ordezkapen falta, badirudi faktore horiek bat-bateko garrantzia hartzen dutela greba iristerakoan", kexu dira lanuztearen deitzaileak.
Nolanahi ere, milaka lagun kalera ateratzea espero da zerbitzu publikoek jasandako "narriadura" salatzera. Grebaren arrazoien artean galdutako %20ko erosteko ahalmena berreskuratzea, behin behinekotasuna murriztea, plantillak berritzea, lanaldi partzialekin eta soldata arrakalarekin amaitzea edo azpikontratazioak duintzea daude, besteak beste.
Urkullu eta "populistak"
Eusko Jaurlaritzako sailburu eta arduradunek gogor kritikatu dute greba deialdia, esanez "ondo bizi" garela EAEko herritarrok eta arrazoirik ez dagoela halako mobilizazio baterako. Iñigo Urkulluk "populistak" izatea egotzi die sindikatuei, Vocento taldeko egunkarietan gaztelaniaz eta, ondoren, Noticias taldekoetan euskaraz argitaraturiko gutun batean.
Iñigo Urkulluk "populistak" izatea egotzi die sindikatuei, Vocento taldeko egunkarietan gaztelaniaz eta, ondoren, Noticias taldekoetan euskaraz argitaraturiko gutun batean
Lehendakariaren hitzek berehalako erantzun erauntsia ekarri dute. ELAko idazkari nagusi Mitxel Lakuntzaren aburuz, adibidez, "patronalaren diskurtso erreakzionarioena" ari dira haizatzen eta Urkullu "herri honen errealitatetik deskonektaturik" dago. Garbiñe Aranburu LABeko idazkari nagusiak berriz "burbuila batean eta herritarren kezketatik urrun" ikusten du lehendakaria.
Mobilizazioak hiriburuetan
Lehenengo mobilizazio eta zutabeak goizean goizetik hasi dira. Gasteizen Lakuaraino joango da zutabeetako bat. Manifestazio jendetsuenak eguerdian espero dira hiriburuetan 11:30ean. Bilbon Eusko Jaurlaritzaren ordezkaritzatik abiatuta, Gasteizen Eusko Legebiltzarretik eta Donostian Bulebarretik.
Osasungintza publikoaren aldeko Olatu Txuria plataformak deituta, osasun etxe duin baten eta osasungintza publikoaren aldeko manifestazioa egin dute Martuteneko, Txomiñeneko eta Loiolako bizilagun ugarik, auzo horietako kaleetan zehar. Hiru auzoetako eta hiriko beste auzo... [+]
Langileek azaldu diote Aiaraldea Komunikabideari enpresaren proposamena ez dela konponbidea eta, horren ondorioz, hirugarren greba egunari eutsiko diote.
Correosen bidalketa zerbitzuan "kaosa" eta "kolapsoa" nagusi den bitartean, enpresa publikoak Axa aseguru etxearekin akordio bat iragarri berri du. Ekainaren 1erako, Correosek Espainiako Estatu osoan dituen 800 bulegoetan Axaren aseguruak egin ahal izango dituzte... [+]
Correosen “kaos” egoera salatu zuen Gasteizko LAB sindikatuak apirilaren 16an. Hilabetetan bidalketak “kolapsatuta” egon direla jakinarazi zuen, eta Alde Zaharra, Salburua eta Santa Luzia auzoetarako soilik 10.000 posta bidalketa zeudela pilatuta... [+]
Irailetik mediku euskaldunik gabe daude Elizondoko (Nafarroa) herritarrak. Horrez gain, udan medikurik gabe geratzearen beldur da Baztango Osasun Plataforma. Ekainaren 4an, bizikleta martxa egingo dute herrian.
Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]
Bizkaian eguneko zentro publikorik ez duen eskualde bakarra da. Elkarretaratzea eginen dute apirilaren 27an, 12:00etan, Sopelako (Bizkaia) Udaletxeko plazan.
Aurreko egunetan Larraitz Ugarte abokatuak idatzitako La motosierra puede ser tentadora artikuluak zeresan handia eman du sektore zabal batean. Administrazio publikoaren barruan ohikoak diren egoera batzuk mahai gainean jartzen ditu, tartean efizientzia falta, ardura eta kontrol... [+]
Nafarroako funtzio publikoan 30.000 langile zeuden grebara deituta asteazken honetan. Deialdiak jarraipen desberdina izan du sektorearen arabera, eta sindikatuek salatu dute foru gobernuak "abusuzko" gutxieneko zerbitzuak ezarri dituela nahita.
Jaurlaritzak ziurtatu du itxaron-zerrendak bi hilabetetik behera jaitsi direla azken hiruhilekoan. Manu Lezertua EAEko arartekoak, berriz, beste datu bat nabarmendu du herritarren kexei buruzko urteko txostenean: Osakidetzari dagozkion kexak %70 igo dira, eta batez ere... [+]
Lantegia espazioa, Esperantza liburutegia, Arte Ederren Museoko eta Euskal Museoko lanak, Urdaibaiko Guggenheim proiektua... Ugari dira Bilbon eta Bizkaian kulturaren ikuspegi utilitarista eta pribatizazioa agerian uzten dituzten adibideak. Alde Zaharreko haur eta gazteentzako... [+]
Danimarkatik iritsi zaigu berria: 400 urtez estatuak eskainitako zerbitzua etengo du PostNord enpresa publikoak, eta eskutitzak banatzeari utziko dio 2025 urtea amaitzean. Gobernuak adierazi du enpresa publikoak negozioa paketeak banatzera bideratuko duela. Bi arrazoi eman ditu... [+]