Baliabide nahikoa ez eta gainera murrizketak jasan dituztela salatu du konplexutasun handiko Gasteizko ikastetxe batek

  • Hizkuntza gabeziari lotutako hezkuntza atzerapenak eta premia handiak dituzte Gasteizko Federico Baraibar institutuko ikasleek. Beti baliabidez urri dabiltzala, baina hurrengo ikasturterako Eusko Jaurlaritzak esleituriko baliabidetan murrizketak izango dituztela salatu dute. “Egoera jasanezina da”.

Argazkia: Federico Baraibar BHI

2023ko ekainaren 23an - 12:02

Federico Baraibar eskolako familien %90 atzerritar jatorrikoa da eta ikasturtean zehar ikasleak etengabe iristen zaizkie. “Kultur-aniztasun eta hizkuntza-aniztasun hori izugarri aberasgarria da, baina aldi berean ikaskuntza-prozesua zailtzen duten ondorioak ditu”, batik bat euskara ezezagutzari lotuak. Hezkuntza Laguntza Espezifikoa behar duten ikasle asko dituzte, eta horri gehitu behar zaio gizarte hezkuntzako egoera zaurgarrian daudenak eta egoera sozio-ekonomiko zaila duten familiak ez direla gutxi eskolan.

“Ezaugarri berezi horiek dituzten ikasleekin ez dugu inoiz izan behar adina baliabide behar bezala lan egiteko, eta 2023-2024 ikasturterako ikuspegia tamalgarria da”, ohartarazi du ikastetxeko klaustroak. Besteak beste, curriculum desberdineko klase bat galduko dute DBHko 3. mailan, DBHko 1. mailako hiru talde izatetik bi izatera igaroko dira (“premia espezifikoek bere horretan jarraituko dute, baina baliabideak murriztu egingo dira”), azken bost urteetan Pedagogia Terapeutikoko (PT) hiru irakasle baino gehiago galdu dituzte (eta ikasleen beharrei aurre egiteko irakasle gutxiago izateaz gain, bizikidetza gela kolokan geratuko da), eta digitalizazioan “galera handiak” jasango dituzte.

Datorren ikasturtean, gainera, lanaldi zatitura igaro daitezke, eta horrek ere kezkatzen du klaustroa, ikastetxeak ez duelako denei jaten emateko azpiegiturarik eta oso urrun dauden auzoetako ikasleak dituztenez absentismoa areagotuko litzatekeelako.

“Egoera kezkagarria da, eta arriskuan jartzen ditu ikastetxearen funtzionamendu ona, ikasleen ongizatea eta kalitatezko hezkuntzarako eskubidea. Premiaz eskatzen dugu, alde batetik, murrizketak bertan behera uztea, eta hori nahikoa ez denez, baliabideak indartzea”, azpimarratu du Federico Baraibar ikastetxeko klaustroak.


Kanal honetatik interesatuko zaizu: Hezkuntza
Palestinaren aldeko unibertsitate-sarea

EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]


Neskak eta ikasketa zientifikoak: 6 urteetatik unibertsitatera bitarteko harreman gatazkatsua

Neskek gaitasun matematiko eta zientifikoekiko txikitatik duten pertzepzio, autopertzepzio eta bizipenen eraginez, zientzia arloko ikasketei muzin egin eta bestelako karrerak aukeratzen dituzte. Hala dio ikerketa berri batek.


2024-04-18 | Euskal Irratiak
Tulalaika besta, Xiberoako ikastolei bultzada emateko

Hirugarren urtez Xiberoako ikastolei bultzada emanen die Tulalaika bestak.


Errendimendu akademikoaren arabera banatuko dituzte ikasleak Ipar Euskal Herrian

Ongi doazen ikasleak talde batean, zailtasunak dituztenak, bestean; maila akademikoaren arabera banatuko dituzte ikasleak datozen ikasturtean, Frantziako Estatuan. Ikasleak sozialki eta akademikoki sailkatu eta bereiztea, desoreka areagotzea eta egoera okerragoan daudenak... [+]


Eguneraketa berriak daude