8,2 graduko lurrikara eta tsunami alerta Txile iparraldean
Gutxienez bost lagun hil dira goizaldean Txile iparraldeko eskualdeak astindu dituen 8,2 graduko lurrikararen ondorioz, Txileko Gobernuak baieztatu duenez. Larrialdietarako Bulegoak tsunami alerta aktibatu du.
Txileko presidente Michelle Bacheletek hondamendi eremu izendatu ditu Arica, Parinacota eta Tarapaca eskualdeak. Herritarrak ebakuatzen ari dira.
Tsunami alerta iparraldeko zonaldeetan dago aktibaturik. Hegoaldean ez dago arriskurik, Gobernuak jakinarazi duenez.
Gutxienez beste hogei lurrikara izan dira ondoren, Sismologia Zentroaren webgunean ikus daitekeenez. Lurrikararen epizentroa itsasoan zegoen, ipar muturreko Cuya herritik 89 kilometrora. Santiago hiriburuan ez dute astinduaren eraginik nabaritu.
2010. urtean, lurrikara baten ondorioz 500 lagun hil ziren Txilen.
Augusto Pinochet diktadoreak Txilen estatu-kolpea eman zuela mende erdia bete denean, hamaika berba entzun dira herrialdeak bizi duen zatiketaz. Hamazazpi urtetako diktaduraren errepresioa ukatzea da zenbait eskuindarren egungo arma, negazionismo gisa ulertu den diskurtsoarekin... [+]
"Egun on" baino gehiago "larrialdi" hitza erabiltzen dugun honetan, Mari Paz Aedoren hitzek lagunduko dizute ikasturte honetako zure utopien lanketei gogotsu eta pozetik ekiten. Txilen, Santiagon jaio zen duela 45 urte. Gatazka sozioekologikoak aztertzen ditu... [+]
1973ko estatu kolpea gertatu baino lehen Nixon garaiko AEBtako presidenteak jasotako dokumentuak argitaratu ditu Washingtonek ostiralean, Alexandria Ocasio-Cortez AEBtako Ordezkarien Etxeko kideak Txileri egindako bisita ondoren. Ocasio-Cortezek gardentasuna eskatu du,... [+]