Tosuko landa zortzi egunean husteko agindu du Eusko Jaurlaritzak

  • Eusko Jaurlaritzak desalojo agindua helarazi die Tosuko zelaia (Getxo) okupatuta daukaten bizilagunei. Aparkaleku bat egiteko asmoa dago leku horretan, baina getxoztar talde bat aspalditik dago bertan finkaturik, proiektua geldiarazteko. Lekua husteko zortzi laneguneko epea eman diete. ARGIAk Tosu Betirako Asanbladari buruzko erreportajea kaleratuko du aste honetan.

Xalba Ramirez @xalbaram
2017ko ekainaren 06a

Tosu Betirako kolektiboko kideek jakinarazi dute ohar baten bidez berria. “Tosun egin gura dutena parking bat baino gehiago” dela salatu dute eta “Getxon eta Euskal Herrian EAJk inposatu gura digun ereduaren beste pieza bat” dela gaineratu. Hainbat proiekturekin lotu dute: Getxo Antzokia eta Romoko kultur etxea, edo Errekaleor, Gipuzkoako erraustegia eta Baztango Aroztegia, adibidez.

Tosu zenbait pertsonaren bizilekua dela eta horietariko batek errolda txartela daukala jakinarazi dute oharrean. Horren berri eman diote Jaurlaritzari; etxera sartu edo eraitsiko balute ilegalitate larria izango litzateke asanbladaren esanetan.

Orain arte egindako borroka balioan jarri eta aurrera begira ere lanean jarraituko dutela adierazi dute, Andra Mari auzoaren urbanizazio osoaren kontra. Horregatik ekainaren 16an 20:30ean Getxoko San Nikolas / Txiki Otaegi plazan, elkarretaratze batera dei egin dute.


Tosuko parkingaren aurkako borroka kanaletik interesatuko zaizu...
2017-11-13 | Andoni Mikelarena
"Tosuko obra atzeratzen dugun egun bakoitzeko, gertuago dago proiektua geratzeko aukera"

Larunbatean Ibarbengoako parkingaren aurkako manifestazioa egin zuten Getxon. “Pozik” agertu dira antolatzaileak herritarren erantzunarekin.


2017-11-07 | Topatu.eus
Ibarbengoako parkingaren aurkako manifestazioa egingo da larunbatean

Azken asteotan Ibarbengoako parkingaren obren hasierak oihartzun zabala izan du Getxon zein beste txoko batzuetan. Erresistentzian jarraitzen dute hainbat auzokidek, Tosuko landagunea biziberritzen. Azaroaren 11n manifestazioa egingo da goizeko 12:30ean Telletxe plazatik irtenda.


2017-11-06 | Hainbat egile*
Tosutik Euskal Herri osora, autogestioa eta sedizioa bizkortu

Ibarbengoko aparkalekua eraikitzearen aurka burutzen ari diren ekimenen oihartzunak heltzen ari zaizkigu Getxotik. Tosuko kanpaldiari eusten diotenek, behargabeko azpiegitura proiektuei aurre egiteko askegune txiki batek lortu ditzaken antolaketa eta indar harremana uzten dizkigute agerian.


Tosu, alferreko azpiegituren aurkako erresistentziaren ikur

Urriaren 17ko goiza nahikoa izan zuten, ertzainek lehenik eta hondeamakinek gero, hilabete askoan eraikitako etxola eraitsi eta baratzeak suntsitzeko Getxoko Tosu landan. Azken erresistentzia zantzuak gauerdira arte iraun zuen ordea: tripodearen gaineko ekintzaileak jaisteari uko egin eta han egon zen hamasei orduz.


2017-10-26 | Unai Brea
Tosuko aparkalekuko lanak, bertan behera momentuz

Getxoko Tosu landan zeuden hondeamakinak eraman egin dituztela jakinarazi du Tosu Betirako asanbladak. Hesiak, edukiontziak eta gainerako materiala ere bertatik kendu dituztela gaineratu dute.  


2017-10-24 | Andoni Mikelarena
Manifestaziora deitu du Tosu Betirako asanbladak azaroaren 11rako

Urriaren 17ko desalojoaren ostean berriz okupatu dute Getxoko Tosu landa. Metro geltokiaren aparkalekuaren proiektuaren aurka manifestazioa deitu dute azaroaren 11rako.


2017-10-23 | Unai Brea
Tosuko landa berreskuratu dute

Getxoko Tosu landa okupatuta dago berriro. Astearteko desalojoagatik protestatzeko deitutako manifestazioaren ostean, ehunka lagun joan ziren haraino, eta hesia gainditu ostean, baratzeak lantzen eta etxolatxo bat eraikitzen hasi ziren. Ertzaintzaren zortzi furgoneta inguru joan ziren bertara, baina azkenik interbentziorik egin gabe alde egin zuen poliziak.


2017-10-18 | Unai Brea
Algorta erdira eraman dute Tosuko aparkalekuaren aurkako protesta kanpaldia

Ertzaintzak asteartean Getxoko Tosu landa desalojatu eta gero, Algortako San Nikolas (Txiki eta Otaegi) plazan paratu dituzte kanpadendak, Ibarbengoako geltokiaren ondoko baratzean aparkaleku erraldoia egiteko asmoa salatzeko. Asteazkenean eta larunbatean manifestazioak egingo dituzte Tosu Betirako asanbladak deituta.


2017-10-18 | Topatu.eus
Tosuko landaren desalojoa
MULTIMEDIA - erreportajea

Getxoko Andra Mari auzoan okupaturik zegoen Tosuko landa bortizki desalojatu du Ertzaintzak, Ibarbengoako aparkalekuaren eraikuntza hasteko. Bertaratuek harresia osatu dute, baina hala ere ezin izan dute etxolaren eraispena ekidin. Mobilizatzeko eta borrokarekin jarraitzeko deia egin dute.


2017-10-17 | ARGIA
Getxoko Tosu erresistentzia gunea desalojatu du Ertzaintzak

Ertzaintzaren hainbat auto hurbildu da goizeko 8:00ak aldera Getxoko Tosura. Aldi berean, obrako langileak kanpaldiko eremura sartu dira eta handik ordu gutxira hondeamakinak lanean jarri dira, hasieran kanpaldiko eremutik metro batzuetara. Ertzainek han bildutakoak kanporatu eta ondoren hondeamakinek erresistentzia guneko etxola suntsitu dute.


Azkenak
EGILEA
Eguneraketa berriak daude