Getxoko Ibarbengoako aparkalekua bezalako “makroproiektuei” aurre egiteko borrokan segituko dutela iragarri dute
Hiru urteko obren ondoren, ekainaren 15ean inauguratu zen Getxoko Ibarbengoako aparkalekura bizikleta-martxa egin zuten 60 pertsona inguruk, GuNe kolektiboak deituta. Protestaldi horretan, kotxeari begirako planak ez diren alternatibak egon badaudela aldarrikatu gura izan zuten, baita Tosuko landan zazpi urtez aurrera eramandako borroka kolektiboa gogoratu ere. Ertzaintzak lau lagun identifikatu zituen mobilizazioan.
aurre egingo dieten hedabide independenteak
Arrastiko 18:00etan abiatu zuten protestaldia, Bidezabaleko metro-geltokitik hasita; bizikletaz eta oinez, Tosu landa zen lekura gerturatu ziren denak, gaur egun 295 plaza hartzen dituen aparkaleku berrira. Bizikleta-martxa horregaz kotxea erabili behar ez izateko bestelako bideak daudela sinbolizatu gura izan zuten herritarrek: "Alternatibak daudela erakutsi dugu, eremuak herritarron zerbitzura jar daitezkeenak, naturarekiko begirunea izanez". Era berean, agintari eta eraikitzaileen "diru-gosea" salatu zuten: "Euren gutiziak ez du mugarik".
Proiektu "faraonikoak"
Ibarbengoako metro-geltokia eta horren ondoko parkingaren "beharrezkotasun eza" deitoratzeaz gainera, Uribe Kosta osoan martxan dauden hainbat proiektu salatu zituzten: "Leioako Kurkudin eraiki gura den kiroldegia; Itzubaltzeta/Romoko Nagusien Etxea eta gaztetxea eraisteko proiektua; itsasadarraren azpiko tunela; Berangoko Otxabenen eta Otxandategin eraiki gura dituzten etxebizitza multzoak; Sopelako Bareñorako gune komertziala; Urdulizeko eraikitze basatia; Gorlizeko Urezarantza landan etxebizitzak eraikitzeko asmoak eta Barrika-Plentziarako aurre ikusita dagoen itsasadarraren moldaketa eta pribatizazioa".
.jpg)
Getxoko aparkaleku berriari dagokionez, proiektu "faraonikoa eta alferrikakoa" izan dela deitoratu zuten kolektibokoek: "5 milioi euro baino gehiago balio izan du, antiekologikoa da eta herritarron parte-hartzerik gabe gauzatu da". Horren aurrean, natura defendatzeko modurik onena gizartea mobilizatzea dela uste dute; hala, beste pertsona eta eragile askogaz batera borrokan jarraituko dutela ohartarazi zuten, "makroproiektu horiek geldiarazi arte, herritarron bizitza eta beharrak hirigintza-planetan garrantzitsuena izan daitezen lortu arte, gure herriek ingurumena errespetatuko duten arte".
Protestaldia baketsua izan zen arren, Ertzaintza gerturatu zen Ibarbengoako aparkalekuaren sarrerara, bertako segurtasun agenteek deituta. Hala, lau pertsona identifikatu zituzten poliziek: aparkalekuko goiko aldetik pankarta eskegi zituzten hiru lagunak eta mobilizazioan parte hartu zuen kide bat.
.jpg)
Hiru urteko obren ondoren gaur, ekainaren 15ean, inauguratu den Getxoko #Ibarbengoa|ko aparkalekura bizikleta-martxa egin dute 60 pertsona inguruk, @Gune_UK kolektiboak deituta.
Hor doa haria 👇(1/8)@HirukaEus pic.twitter.com/2gYx0VIltk
— Iker Rincon (@irincon_) June 15, 2020
Hiru solairuko aparkalekua
Ibarbengoako aparkalekuak 295 leku ditu, hiru solairutan (horietako bi, lurpekoak). Bederatzi aparkaleku mugikortasun urrikoentzat dira, eta beste bost zamalanak egiteko. Obrak bost milioi eta erdi euro inguruko kostua izan du, Bizkaiko Garraio Partzuergoak ordaindu dituenak. Hain zuzen ere, erakunde horrek bidalitako oharrak dioenez 36 hilabete iraun dute azpiegitura egiteko lanek; honenbestez, Tosuko landa desalojatu aurreko denbora ere sartu dute zenbaketa horretan, 2017ko azaroan burutu baitzen guztiz Tosu Betirako plataformako kideen desalojoa, hau da, orain dela 31 hilabete inguru.
Garraio Partzuergoaren esanetan, "Ibarbengoako aldirietako aparkalekuak izango du, Bizkaiko Garraio Partzuergoko lauren artean, autoan eginiko distantziaren eta garraio publikoan eginiko distantziaren arteko harremanari dagokionez datu onena. Bestela esanda, irteera-puntutik helmugaraino, autoaren erabilera oso portzentaje txikia izango da metroaren erabileraren portzentajearen aldean".
Mobilizazioa bideoan jaso zuten Ines Bermejok eta Hodei Torresek:
Edozein arlotan, arazo bat suertatzen denean, eta ia inor ados jartzen ez denean, ohiko galdera plazaratzea da onena: Nori egiten dio mesede?
Sugea ikusi orduko: “Sugegorria!”. Telesforo Aranzadi zenak esaten baitzuen, begiek ez dutela ezagutzen dutena baino ikusten. Eta sugegorria ezagutu, ezagutzen dugunez (entzunaz, sikiera), hori bera izaten da joera: ikusten dugun suge oro sugegorria dela iruditzen... [+]
Artzain gisa hirugarren kanpaina du aurtengoa Koldo Vicente Eseberrik. Familia Otsagabikoa izan arren, Iruñean bizi izan zen txikitatik, baina abeltzaintzaren munduarekin harreman estua izan du beti. “Osaba artzaina zen, haragitarako ardiak zituen hemen, eta txikitan... [+]
Bada Garde. Urrutira gabe hor dago, urrutieneko mugaren guardan. Umetan ezagutu nuen Garde, ez dut gogoan zenbat urte nituen, baina landatuta geratu zitzaidan han ikusi nuena.-
Dei batek dena alda dezake. Eguna bai, bederen. Hurrengo orduetako martxa, sikiera. Ourensen dagoen lagunak jasotzen du Noainen dagoen Lugoko lagunaren deia. Dei bakar batek ekarri zituen Galizako elkarte bateko zortzi artzain eta ahuntzain bat etxera. Zoragarria izan zen... [+]
Valle de Odietako epaiketa epaiaren zain geratu da ostiral honetan Iruñeko Justizia Jauregian akusatuek deklaratu eta akusazioek eta defentsak haien ondorioak azaldu eta gero. Ez da aldaketarik egon alde bakoitzak egindako eskaeretan.
Vichamako (Peru) aztarnategian, arkeologoek 3.800 urte inguruko estatuatxo berezi bat aurkitu berri dute. Caral zibilizazioaren azken arokoa da, eta bi apo irudikatzen ditu.
Aztarnategi bereko hainbat hormairuditan gosetea, lehortea eta, finean, ingurumen krisiari lotutako... [+]
Garaipen historikotzat jo dute hainbatek: duela sei urte Ozeano Bareko estatu zaurgarrietako ikasle talde batek bultzaturiko ekimen baten ondorioz, Nazio Batuen auzitegi gorenak iritzia plazaratu du uztailaren 23an, zeinak munduko estatuek klima aldaketari begira dituzten... [+]
Italiako hainbat hiritan hondartzen eta itsasoaren izaera publikoa aldarrikatzeko mobilizazioak egin ditu udan Itsasoa Aske mugimenduak. Hondartzen erdia enpresa pribatuek kudeatzen dutenez, bainua hartzeko ordaindu beharra daukate herritarrek. Zonalde turistikoenetan ordainpeko... [+]
2023ko uztailean jaso genuen berria antzuolarrok. Irimon bi aerosorgailu erraldoi jartzeko proiektu bat aurrera eramateko eskaera jaso zuela Udalak. Hasieran zalantzak eta galderak: nor zegoen proiektuaren atzean? Zein zen proiektuaren benetako helburua? Zein izango... [+]
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori, lurrari... [+]
François Bayrouk dimisioa eman eta ordu gutxitara izendatu du Emmanuel Macron Frantziako presidenteak ordezkoa: Sébastien Lecornu izango da lehen ministro berria, aurretik Defentsa ministro izandakoa eta Macronen oso gertukoa. Oposizioa haserre mintzatu da, ezker zein... [+]
Erdialdeko Amerikan izan da ARGIA uztailean, meatzaritza metalikoko megaproiektuek sortzen dituzten kaltean bertatik bertara ezagutzen. Guatemala eta Honduraseko meatzeak bisitatu ditu, eta El Salvadorren ere izan da, bertako egoera politikoaren berri jasotzen: herrialdean... [+]