Podemosek Araban duen ika-mika EAE osora zabaldu da
Podemos alderdiak Araban duen krisia Bizkaia eta Gipuzkoara zabaldu da. Hiru herrialdeetako 27 hautetsik zuzendaritzaren aurka agertu diren Arabako bost batzarkideen alde egin dute. Eztabaidak Arabako aurrekontuei eragin die eta alderdiaren barne egituraren ereduan sakontzeko beharra erakusten du hainbat kideren ustez.
Arabako Aldundian Podemos alderdiak dituen zortzi hautetsietatik bost EAJ eta PSEren aurrekontuak onartzearen aurka agertu ziren abenduaren 15eko bozketan, alderdiak abstentzioaren alde egin behar zutela erabaki arren.
Podemos Euskadiko zuzendaritza Arabako talde parlamentarioarekin bildu zen gaiaren inguruan aritzeko. Bileraren ostean zuzendaritzak kaleratutako oharrean akordio batera iritsi ezina adierazi zuten, baina taldeko arazoak konpontzeko elkarrizketekin jarraituko zutela. Aipatutako oharrean ez zen aurreratu aurrekontuen aurka bozkatu zuten diputatuen aurkako diziplinazko neurririk hartuko denik.
Gara egunkariak jakinarazi duenez, alderdiko zuzendaritzak Arabako batzarkideei barne antolaketarako autonomia handiagoa eskaini zion, beti ere alderdiaren ildo politiko ofiziala jarraitzen bazuten.
Ez daude bakarrik
Atzo arratsaldean, aurrekontuen aurka dauden bost batzarkideek komunikabideen aurrean eginiko agerraldian alderdiko 32 kargu instituzionalek –tartean Gipuzkoa eta Bizkaiko lau batzarkidek– sinatutako dokumentu bat aurkeztu zuten. Bertan zuzendaritzaren jarrera alderdiaren “printzipioen aurkakoa” dela salatzen dute, Arabako aurrekontuetatik haratago doan zerbait dela gehituz. Alderdiak EAEn duen antolaketa idazkari Lander Martinez jo dute sortu den egoeraren eragiletzat.
Ezezkoa babesten duen dokumentuak Zurekin Ahal Dugu barne korronteak abenduaren 18an kaleratutako testuarekin bat egiten du. Alde batetik aurrekontuak kritikatzen ditu eta bestetik zuzendaritzak erabilitako metodoak. Arabako batzarkideek zirkuluen gehiengoaren babesa duela defendatzen dute. Estatu mailan alderdiaren sektore antikapitalistaren alde egin du talde horrek.
Bost batzarkideek abenduaren 23an egingo den bigarren bozketan ere ezetzaren alde egingo dutela dirudi. Alderdiko militanteei galdetzearen alde daude zer bozkatu erabakitzeko.
Lander Martínez Sumarreko bozeramaileak egintzat eman du banaketa eta Alba García alderdi horretako lehendakarigaiak ere ez du gaur gaurkoz posible ikusten koaliziorik.
Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]
Euskadiko Podemosen koordinatzaile nagusi Pilar Garrido, Sumarren Gipuzkoako zerrendaburua izan zena Espainiako hauteskundeetan, koaliziotik kanpo aurkeztearen alde mintzatu da Eusko Legebiltzarreko datozen bozketei begira. “Euskadiko jendea mobilizatzeko balio du... [+]
11:30ean izan da kargua hartzeko ekitaldia Nafarroako Parlamentuan, eta gonbidatu gisa joan dira hainbat ordezkari politiko, tartean Iñigo Urkullu EAEko lehendakaria. Kontseilari berriak ere izendatu dituzte: lau Geroa Baik gidatuko ditu eta bat Zurekin Nafarroak;... [+]
Abstentzio handiko hauteskundeak izan dira, eta lehia handiena EAJ eta EH Bilduren artean izan da: lehenengoak behera egin du eta bigarrenak gora. Nafarroako Legebiltzarrean UPNk mantendu du 2019ko garaipena, eta PSNk bigarren postua. Araba eta Bizkaiko Batzar Nagusietan, EAJk... [+]