Nafarroako Gobernuaren hezkuntza deialdiaren aurka bozkatu dute Ahal Duguk eta Ezkerrak
320 irakasle postutik, 228tan euskaraz jakitea eskatuko lukeen lan eskaintzaren aurka UPNk, PSNK eta PPNk aurkeztutako adierazpenekin bat egin dute Ahal Duguk eta Ezkerrak. Bi adierazpenek Lan Eskaintza Publikoak “bereizkeria eta desoreka” eragiten duela azpimarratu dute.
Jose Luis Mendozak Nafarroako hezkuntza kontseilariak barikuan aurkeztu zien lan eskaintza publikoaren zirriborroa mahai sektorialeko sindikatuei. 2016 eta 2017 urteetan 425 lanpostu publiko eskaintzea proposatu du gobernuak. Datorren urtera begira, 320 irakasle postu eskainiko lituzke Hezkuntza Departamentuak, eta horietatik 228tan euskaraz jakin beharko lukete.
Proposamenak hautsak harrotu ditu parlamentuan. UPNk, PSNk eta PPNk gogor egin dute lan eskaintzaren aurka. Javier Esparza UPNko bozeramaile eta oposizioko buruak “izaera politikoa” egotzi dio proposamenari, eta Nafarroako herritarrak bi mailatan sailkatzen dituela adierazi du. PPNren esanetan “izaera sektarioa” du proposamenak. PSNko Maria Chivitek ere bide beretik jo du: “Berdintasunik eza eragingo du lan eskaintza honek”.
Kontra bozkatu duten gobernuko bi alderdiek gaztelaniazko ereduetako irakasleengan izango duen eragina erabili dute euren erabakiaren arrazoi gisa. Ezkerrako Jose Migel Nuinek irakasleen %70 PAI edo gaztelerako ereduetakoak direlako proposamenak “desoreka handiak” eragiten dituela argudiatu du. Laura Perez Ahal Dugu-ko buruak azaldu du behin-behinekotasunak era berean eragiten diela gaztelaniazko zein euskarazko hezkuntza ereduetako langileei.
Gaur bertan bildu dira gobernua osatzen duten lau alderdiak hezkuntza kontseilariarekin. Mendozak lan eskaintza publikoaren proposamena azaldu nahi izan die lau alderdieei. Batzarra bukatu ostean Geroa Baiko Maria Solanak adierazi du proposamenean erabili dituzten datuekin "bat egiten dutela". EH Bilduren ustez batzarra "ondo joan da" eta lan eskaintza proposamenak forman egin du huts ez edukian. Aurka bozkatu duten alderdiek ez dute aldatu euren jarrera. Ahal Duguk proposamena berrikustea eskatu du, eta Ezkerrak bestalde, erretiratzea.
Nafarroako Gobernuaren harridura
Geroa Bai eta EH Bildu “harritu” egin dira gobernuko beste bi alderdiek hartutako erabakiarekin. Adolfo Araizek gaineratu du desoreka egotekotan euskararen kontrakoa dela. Uxue Barkosek Euskalerria Irratiari eskainitako elkarrizketan adierazi du gertuko kideek kritikak egin behar dituztela, egoera politiko sendo bat adierazten duelako. “Hala ere, Gobernuak bere lana egin behar du, nahiz eta Parlamentuan kideen kritikak jaso”.
Barkosek azaldu du lan eskaintza honen proposamena “erabat teknikoa” dela eta sortutako polemika oso artifiziala: “Orain hain kritika sutsuak egiten dituzten sindikatuek zergatik ez dute protesta egin azken hamar urteotan PAI ezartzeko ingelesa zekiten irakasleak kontratatu dituztenean, eta gazteleraz soilik zekitenak bazterrean utzi dituztenean?”.
Nafarroako Parlamentuko zarata politikotik at, Uxue Barkos lehendakariak gizartea lasai dakusa. “Kalera ateratzen bazara, jendea lasai ikusten duzu, lasaitasunez hartzen dute azken lau urteotan gizartean gertatu den aldaketa sakona”, adierazi du Barkosek,... [+]
Nafarroako Foru hauteskundeak maiatzean izanen dira. EiTB Focusek egindako inkesta baikorra da oro har, gaur egun, Nafarroako Gobernuan ari den koalizioarentzat. Iruñeko Udalean ordea, egungo gobernuaren jarraipena kolokan liteke.
Nafarroako Ahal Duguko bozeramaile ohiak bere kontra abiatutako prozesua salatu, eta aldaketa arriskuan ez dagoela azpimarratu du.
Eremu mistoko hainbat herritan egingo dute kanpaina. Herritarrak instituzioei zonifikazioarekin amaitzeko eskabidea egitera bultzatu nahi dituzte.
Nafarroako Parlamentuko Bozeramaileen Batzordeak ferietako liskarragatik auzipetutako gazteen kontra fiskaltzak egindako zigor eskaeren aurka egin du.