Emakumeak borrokan
Uxue Barkos

"Nafar gizartean aldaketa sakona gertatu da"

  • Nafarroako Parlamentuko zarata politikotik at, Uxue Barkos lehendakariak gizartea lasai dakusa. “Kalera ateratzen bazara, jendea lasai ikusten duzu, lasaitasunez hartzen dute azken lau urteotan  gizartean gertatu den aldaketa sakona”, adierazi du Barkosek, Euskalerria Irratiak Nafarroako Jauregian egin dion elkarrizketan.

Euskalerria irratia @fm983irratia
2019ko apirilaren 03a
Uxue Barkos (eskuinean) Juan Kruz Lakasta Euskalerria Irratiko kazetariarekin solasean (argazkia: Euskalerria Irratia).

Nafarroako Aldizkari Ofizialak asteartean plazaratu du maiatzaren 26an foru hauteskundeetara deitzen duen dekretua. Legealdia baloratzeko tenorean, lehendakaria “asebeteta” azaldu da: “Lau aurrekontu eta ehundik gora lege onartu ditugu. Aldaketa sakonaren oinarriak jarri ditugu, eta horrek datorren legealdian segida eskatzen du”.

Barkosen ustez, egonkortasuna izan da legealdiko ezaugarri nagusietako bat, gobernua hainbat alderdik osaturiko lau koaliziok osatua izanagatik ere. “Egonkortasuna berez lortzen dela ematen du, baina lan handia dago horren atzean. Ezin da ahaztu lau urte hauetan,  Espainian lau gobernu ezberdin izan dituztela”, azaldu du. Haren irudikoz, aldaketaren aldeko indarren artean “leialtasuna eta ardura” izan dira nagusi, “eta desadostasunak izan badira ere, horiek ongi kudeatzen asmatu da”.

Foru lehendakariaren aburuz, laukoaren barruan tentsio unerik handienak Maravillas Gaztetxearen husteak eragin zuen: “Irtenbide negoziatu eta adostua lortu nahi izan genuen, baina beste aldean ez zegoen horretarako borondaterik” esan du. “Gobernuak interes orokorraren alde jokatu zuen, eta halakoetan erabili beharreko tresnak ez dira errazak”.

Oposizioaren diskurtso “zaratatsua”

Laukoan desadostasuna eragin duen aferetako bat hizkuntza politika izan da. Barkosen hitzetan, “Euskararen Legea ez da aldatu horretarako gehiengorik ez dagoelako, Izquierda Ezkerrarekin hasieratik ez zelako halakorik adostu, argi utzi zuelako ez zuelako nahi lurralde osoa berdinduko zuen lege berri bat”. Nolanahi ere, alor honetan, bereziki hezkuntzan, egin diren aurrerapausoak nabarmendu ditu.

Eskuin politikoak eta mediatikoak euskararen aurka ibili duten diskurtsoa kritikatu egin du lehendakariak: “Inposizioaren diskurtsoa zabaldu nahi izan dute, batez ere Erriberan, baina hori ideia faltsu bat da”.

Oposizio politikoak eta mediatikoak oro har diskurtso “zaratatsua” erabili duela deritzo Barkosek. Baina zarata horrek ez duela gizartea aztoratu gaineratu du. Horren adibidetzat, manifestazioak aipatu ditu. “Errespetu osoa” azaldu die Ikurren Legearen, Euskararen eta Skolaeren aurka kalera atera diren herritarrei, “manifestazioak beti direlako herritarren sentimendu edo ezinegon baten isla”. Baina nabarmendu du manifestaziook “indar gutxi” eduki dutela Altsasuko auziaren aurka egindakoekin alderaturik.

Hauteskundeetara begira, baikor

Datorren legealdira begira, Barkos lehendakariaren “lehen aukera” laukoa errepikatzea da, “ahal bada indar gehiago gehituz”. PSNk EH Bilduri betoa ezarria dioela galdetu zaiolarik, erantzun motz eta adierazgarria eman du:  “Hori PSNren arazoa da, ez nirea”.

Navarra Suma koalizioari dagokionez, gogoeta bakarra egin du Barkosek: “Beldur naiz, UPNk horren erraz zabaldu diolako foru parlamentuaren atea, hain zuzen ere foruen kontra dagoen Ciudadanos bezalako indar bati”.

Casadoren "astakeria"

Lehendakaria asteartean ezaguturiko erregistraturiko langabezi dgauatuez mintzatu da: martxoan 146 langabe gutxiago izan ziren foru erkidegoan. Barkosen arabera, datua “ona” da, nahiz eta ez iritsi beste martxo batzuetako hobekuntzara, “baina horretan zerikusia dauka Aste Santua lehenago ala geroago iristen den”. Nolanahi ere, nabarmendu du legealdia hasi zenetik 10.000 langabe gutxiago daudela gurean: "Joera hori da garrantzitsuena".

Trafiko transferentziari dagokionez, Barkosek dio Nafarroako Gobernuak irits dadin egin beharreko "lan guztia" egin duela, baina ez dakiela Sanchezen gobernuak bere hitza betetzerik izanen duen. Auzi horren harira, atzo Pablo Casadok esan zuen edonola ere Espainiako Polizia Nazionalak eta Guardia Zibvilak beti egon beharko dutela polizia autonomikoen gainetik. Barkosen aburuz, hori “astakeria” bat da, polizia elkarte espainiarrek aitortu duten bezala. “Casado probokaziotan ari da, berak jakinen du zergatik”.

Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Nafarroako Gobernua kanaletik interesatuko zaizu...
2019-05-09 | ARGIA
LABek uste du aldaketatik eraldaketara pasatu behar dela Nafarroako Hezkuntzan

Nafarroako Gobernuko Hezkuntza Sailak legealdi honetan egindako balorazioa egin du Nafarroako LABek. Ondorengo lerroetan haien agerraldi ARGIAko Eragileen Plazan agertu bezala.


2019-04-07 | Fermin Erbiti
"Trinitate santua"-k ez du misteriorik

Javier Esparzak nafar eskuindarrak zerrenda bakarrean bildu izana apustu ausarta eta argia iruditzen zait. Hirurak bat-en alde egin du, jokaldia borobilduko lukeen azken mugimendua amets, alegia, Vox-ek zerrendarik ez aurkeztea. UPNkoak batasunaren berri eman zuenetik, kritika anitz jaso ditu. Nondik? Aurkari politikoengandik, abertzaleengandik batez ere. Eskuindarrentzat apustu ona den seinale.

Bada zerrenda bakarraren ondorioz UPNn arrakala iragarri duenik, foruen aurka dagoen... [+]


2019-03-12 | Guaixe .eus
Otsaportilloko lezea Memoria Historikoaren Toki izendatu du Nafarroako Gobernuak

Nafarroako Gobernuak Memoria Historikoaren Tokien Erregistroan inskribatu du. Nafarroako Memoria Historikoaren Tokiei buruzko 29/2018 Foru Legeak ezartzen duen prozedurari jarraikiz, Otsaportilloko lezea Nafarroako memoria historikoaren toki deklaratu zuen Nafarroako Gobernuak hilaren 1ean.


Sanferminetako erasotzaileei zigorra handitzeko, Gorenean helegitea aurkeztu du Nafarroako Gobernuak

Herri akusazio gisa aurkeztu da Nafarroako Gobernua 2016ko sanferminetako bost erasotzaileen aurka. Biktimak ere helegitea aurkeztu du Auzitegi Gorenean.


2019-02-13 | ARGIA
Mila aulki huts Nafarroan, tortura ikertu dadila eskatzeko

Torturaren Aurkako Egunean, Nafarroan azken hamarkadetan torturak izan duen eragina ikertu dadila eskatu die Nafarroako Torturatuen Sareak hurrengo hauteskundeetara aurkeztuko diren alderdi politikoei. Torturaren biktimak sinbolizatzen dituzten mila aulki huts jarri dituzte Iruñeko Gaztelu plazan.


Nafarroan 11.000 langile publiko baino gehiago daude behin behineko kontratuarekin ELA-k salatu duenez

Nafarroako enplegu publikoaren egoera larria salatu du ELA sindikatuak. “Prekarioa naiz. Noiz arte?” kanpaina abian jarri dute enplegu publikoa kontsolidatzeko eskaria egiteko. Urteroko kontratuak, hilabetekoak, astekoak edo ta egun batekoak salatu dituzte. Ezegonkortasun nabaria, enpresa pribatuari onartuko ez zitzaiona.


Azken txanpan

Nafarroako hedabide eskuindarrei kasu egitera, ez dira legealdi akaberara iritsiko ez Uxue Barkos, ez Joseba Asiron, ez Ainhoa Aznarez, Aldaketaren ontziak erreka berehala joko duelakoan. Parlamentuko buruari dagokionez, halaxe izanen da, baldin eta Ahal Dugu taldea hautsi duten Laura Perez eta enparauak oposizioarekin elkartzen badira. Orain Bai izena darabilten parlamentariek ez dute argitu zerk bultzaturik ari diren Ainhoa Aznarez kargugabetu nahian. Iruñeko Udalean ere Orain Baiko... [+]


Maravillas, harri bat EH Bilduren zapatan

Aldaketaren legealdia amaitzen ari da. Iruñean, gaztetxearen erronkaren kronologiak Geroa Bairen bildots mozorrodun otso izaeraz eta EH Bilduren kontraesanez hausnartzeko balio digu.

2016an, Geroa Baik bi gaztetxe hustutzea lortu zuen EH Bildu presionatuz. Maravillasen, desalojo kautelarraren saiakerak huts egin eta gero eta hauteskundeak hurbilegi ikusirik, Geroa Baik legez kanpoko hustutzea burutzea aukeratzen du, segurtasunaren auzia bigarren aldiz modu faltsuan erabiliz eta... [+]


Partida ez da amaitu

Euskal Herri osoko milaka lagunen babesa jaso dute larunbatean Iruñeko Maravillas gaztetxeko lagunek. Eta haien bultzadaz eta rotaflex-aren laguntzaz, Nafarroako Gobernuak herritarrei itxiarazitako atea zabaldu zuten. Hurrengo egunean, ordea, auzoa berriz poliziaz josi eta atzera ere hormatu zuten eraikina. Autogestiotik gaztetxe batek izaera eta mezu politiko propioa garatzea botereak onartu ezin zuen hautua da, antza. Eta horretan, abizena ezberdina izanik ere  –Barcina edo... [+]


2019-01-23 | ARGIA
Thousands of people have taken back a social centre in Iru˝ea

Over recent weeks a public building in Nabarreria Street in Iruñea (Navarre, Basque Country) has become identified with social struggle. Maravillas gaztetxe or youth centre –a self-managed Basque community centre– It has been closed several times by the Government of Navarre and reoccupied by citizens.


Azkenak
EGILEA
Eguneraketa berriak daude