“Malik 50 urte daramatza Azawaden. Guk 1.000 baino gehiago”
Mossa Ag Attaher, Azawadeko Askapen Mugimenduko bozeramailea Katalunian izan da egunotan, pasa de apirilaren 6an aldarrikatutako Azawaden independentziari buruz hitz egiteko. Nazioarteak ez du onartu azken urteetan Maliren esku izan den zonalde honen askapena. Diari de Sabadell egunkariak Ag Attaherrekin eginiko elkarrizketa kaleratu du eta pasarte batzuk bildu ditugu jarraian.
"Nazioarteak Azawad estatua ez onartzearen atzean interes politiko eta ekonomikoak daude. Askok Malin dituzten negozioak babestu nahi dituzte. Baina laster konturatuko dira Azawadek ere babestu beharreko interes ugari dituela".
(...)
"Gu gai gara zonaldeko segurtasuna bermatzeko. Gure lurraldea da. Arazoak konpondu nahi dituen edozein herrialdek lehenengo Azawad eta Askapen Mugimendua aitortu beharko ditu. Malik 50 urte bakarrik daramatza han, guk 1.000 baino gehiago. Lurraldea inork baino hobeto ezagutzen dugu eta gu gara hau egonkortzeko interes handiena dugunak"
(...)
"Muturreko islamarekin lotzen gaituzten arren, guk beti esan dugu laiko eta demokratikoak garela. Tuareg herria aspalditik agertu da estremismoen aurka. Begiratu tuareg emakumeen egoera eta alderatu."
(...)
"Gure intentzioa ez da munduko lehen tuareg estatua sortzea. Gure artean arabiarrak, peulak eta shongayak bizi dira eta ez ditugu baztertuta utziko, Malik gurekin egin duen moduan".
- Irakurri aste honetako ARGIAN [2.219 zenbakia] gaiari buruz plazaratutako artikulua.
Maliko gobernuak eta Azawadeko tuaregek presoak trukatu dituzte bake elkarrizketen bezperan, borondate oneko keinu gisa.
Gutxienez zortzi hildako izan dira Maliko armada eta gehienbat tuaregek osatzen duten MNLAren arteko borroketan, Kidal izeneko herrian (ikusi mapan non dagoen). Maliko Lehen Ministroak Azawadera egindako bisita batek lehertu du aurretik ere bero zegoen gatazka. Iturri... [+]
Frantziako Gobernua Malin destinatutako soldaduak etxeratzen hasi da. François Hollande presidenteak esandakoa bete du, tropak apirilean herrialdea uzten hasiko zirela adierazi baitzuen. Ehun batek jada utzi du Mali, eta uztaila bitartean besteak etxeratuko dira. Hala... [+]
Azawad hartzea parterik errazena zen. Orain, Maliko estatuak, gerrillarien erasoei, ‘Tuaregen arazoari’ eta zatitutako gobernua izateak sortzen dituen eragozpenei egin beharko die aurre, Imad Mesdoua analista politikoak The Guardian-en idatzi duen moduan.
Afrika erdialdeko Mali idor txiroaren jabe egiten ari ziren islamista fanatikoei, Europatik Frantziak geldiarazi dizkie oinak militarrak bidalita, norbaitek egin behar zuen. Horra Frantzia eta Europako herritar askok sinetsi nahiko lukeen abentura. Polita litzateke, baldin... [+]
Frantziako armadako buruzagiek larunbatean iragarri zuten Azawadeko hiruburua, Gao, kontrolpean hartu dutela. Bamakoren ipar-ekialdera dago, 1.200 kilometrora. Igandean Sud Ouest egunkariak informatu zuenez, Baionako paratxutisten errejimentuak parte hartu du operazioan.
Gobernu frantziarrak 2.500 militar izango ditu Malin datozen egunetan bertako gobernuarekin batera MNLA erakunde independentista tuarengen eta herrialdeare iparraldean matxinatu diren bestelako indar islamisten aurka egiteko.
asa den apirilaren 6an Azawadeko Askapen Mugimenduak independentzia aldarrikatu zuen, Maliko iparraldean. Tuaregez osatutako taldeak urtarrilaren 17an hasitako askapen altxamendua amaitutzat jo zuen aldarrikapen horrekin. Baina nazioarteak ez du onartu.
Dioncounda Traore Maliko behin-behineko presidente izendatu zuten atzo, pasa den martxoaren 22an estatu kolpea eman zuten militarrekin akordio batera iritsi ondoren. Kargu-hartze ekitaldian presidente berriak herrialdearen iparraldean Azawad estatuaren independentzia... [+]
Pasa den apirilaren 6ean Azawadeko Askapen Mugimenduak independientzia aldarrikatu zuen, Maliko iparraldean. Tuaregez osatutako taldeak pasa den urtarrilaren 17an hasitako askapen altxamendua amaitutzat jo zuen aldarrikapen honekin.
Maliko miltar matxinatu talde batek herrialdeko instituzioak desegin eta konstituzioa bertan behera utzi duela jakinarazi du. National Committee for the Restoration of Democracy and State izena hartuz, Amadou Toumani presidentearen agintearekin bukatu eta bere jauregia hartu... [+]