Kutxabankeko presidente ohi Mario Fernandezi sei hilabeteko kartzela zigorra ezarri diote

  • Bizkaiko auzitegiak Kutxabankeko presidente ohia, Cabieces eta Alcortaren kontrako epaia eman du. Zigorrak leunagoak dira fiskaltzak eta herri akusazioak egindako eskariak baino.

ARGIA @argia
2017ko martxoaren 20a
Mario Fernandez (erdian) artxiboko irudi batean.

Mario Fernandez Kutxabankeko presidente ohiari sei hilabeteko kartzela zigorra ezarri dio Bizkaiko auzitegiak bidegabeko jabetzeagatik. Mikel Cabieces Espainiako Gobernuko ordezkari ohiari berriz, urtebeteko zigorra ezarri dio eta Rafa Alcorta abokatuari beste sei hilabetekoa, delitu beragatik.

Bizkaiko Auzitegi Probintzialeko seigarren sekzioak epaitu ditu hirurak, Kutxabanketik 243.592 euroko ordainketa irregularrak egin zituztelakoan, Alcortaren abokatu-bulegoaren bitartez.

Fiskaltzak bi urteko kartzela zigorra eskatzen zuen Alcorta eta Cabiecesentzat administrazio desleialagatik, eta hiru urtekoa Fernandezentzat, bidegabeko jabetzearengatik. Herri akusazioak berriz, hiru urte eta erdiko kartzela eskatu zuen Espainiako Gobernuaren ordezkari ohiarentzat eta abokatuarentzat; eta bi urte eta hiru hilabetekoa Kutxabankeko buru ohiarentzat.

Epaiketaren ibilibidea errepasatzeko egindako adierazpenetan, herri akusazioan aritu diren LAB, ESK, Steilas, Bizkaiko EHNE eta HIRU sindikatuek, Pentsionistak Martxanek eta EKA kontsumitzaileen elkarteak adierazi zuten auzi hau “euskal gizarteari egindako espoliazioaren” parte dela.

Kanal hauetan artxibatua: Kutxabank  |  Bizkaia

Kutxabank kanaletik interesatuko zaizu...
Kutxabank kasuaren epaia: helburua betetzat jo du herri akusazioak

Bizkaiko Probintzia Auzitegiko 6. atalak bidegabeko jabetzeagatik Mario Fernandez, Mikel Cabieces eta Rafa Alcorta zigortu ostean, erreakzio ugari izan dira. Epaiketan inplikatuek beren balorazioak adierazi dituzte, eta indar politikoek erantzukizunak eskatu dituzte.


Erantzukizun politikoak eskatu dituzte Kutxabank auzian herri akusazioaren sustatzaileek

Herri akusazio partikularra pozik agertu da egindako ibilbidearekin, baina lanean jarraituko du “beste ordainketa bidegaberik edo klientelismorik” egon den argitzeko. Erantzukizun politikoak eta penalak eskatu dituzte.


Kutxabank auzian, non dago Kutxabank?

Cabieces-Fernández affairean Kutxabank ez zipriztintzeko ahaleginetan ari dira, erakundea bera, eta baita akusatuen defentsa ere.


Kutxabankek pertsona bat etxetik bota nahi duela eta beste baten eskubideak urratzen ari dela salatuko dute

Etxe Kaleratzeak Stop plataformak salatu du Kutxabankek egoera prekarioan bizi den pertsona bat etxetik kaleratu nahi duela, eta beste baten hipoteka presioa arintzeari uko egin diola. Erantzuna emateko, kontzentrazioa eta prentsaurrekoa deitu du ostegunean, 10:45etan Donostiako Garibay kaleko Kutxabanken egoitza parean.


"Bost urtez ur eta argi gabe eduki nau eta atea blindatu dit Kutxabankek, etxetik botatzea lortu duen arte"

Kutxabankek etxetik kaleratu zuen arren, bertan bizitzen jarraitu du Juan Carlos Infante irundarrak. Bankuak du etxearen jabetza, baina justiziak ebatzi du pisuan bizitzen segi dezakeela Infantek eta negoziatzera derrigortu du Kutxabank.


"Bost urtez ur eta argi gabe eduki nau eta atea blindatu dit Kutxabankek, etxetik botatzea lortu duen arte"

Kutxabankek etxetik kaleratu zuen arren, bertan bizitzen jarraitu du Juan Carlos Infante irundarrak. Bankuak du etxearen jabetza, baina justiziak ebatzi du pisuan bizitzen segi dezakeela Infantek eta negoziatzera derrigortu du Kutxabank. Hala ere, bankuak ez duela negoziatu nahi, Kutxabanken aginduz urik eta argindarrik gabe eman dituela bost urte eta ateko sarraila bost aldiz aldatu diotela kontatu digu irundarrak. Pasa den urtarrilean, etxean ate blindatua jarri zion bankuak eta amore eman du... [+]


Bankuetako zorua

Hipoteka-maileguetako zoru klausulekin lapurtutakoa ez dute osorik itzuli behar izango Espainiako Estatuko bankuek, Europar Batasuneko Justizia Auzitegiko abokatuak jakinarazi berri duenez. Hala, milaka herritar geratuko dira bizirauteko funtsezkoa zaien dirurik gabe gardentasunik gabeko kontratuak sinatzeagatik.


2016-07-19 | ARGIA
Euskara lehenetsiko dute Kutxabankek eta Laboral Kutxak UEMAko 38 udalerritan

Azpeitian bildu dira UEMAko, Laboral Kutxako eta Kutxabankeko ordezkariak, hala nola UEMAko 38 udalerritakoak –30en kasuan, alkateak–, bi kutxa horietako bulegoetan euskarari lehentasuna emango dion neurri sorta hitzartzeko. Hogei udalek kutxetako bakarrarekin sinatu dute hitzarmena, gainerakoek biekin.


Herritarrez ez, bankuez errukitu da Europa

Klausula abusiboen bidez milaka herritarrei bankuek lapurturiko dirua bere osotasunean itzuli ala ez erabaki behar zuen Europar Batasuneko Justizia Auzitegiko abokatuak. Justizia egin baino, ordea, nahiago izan du bankuen aldeko erabaki politikoa eta praktikoa hartu (praktikoa batzuentzat, uler bedi).


Fiskaltzak bi urteko espetxe zigorra eskatu du Mario Fernandez eta Mikel Cabiecesentzat

Bi urteko kartzela zigorraren eskaerapean epaituko dituzte Kutxabankeko presidente ohi Mario Fernandez, Espainiako Gobernuaren EAEko ordezkari ohi Mikel Cabieces eta Rafael Alcorta abokatua. Fiskaltzak dokumentuen faltsutzea eta administrazioarekiko desleial jokatzea egozten die hiruei. 243.000 euro modu bidegabean jabetu zirela frogatuko balitz, hiru urtera igoko litzateke eskaera.


Azkenak
EGILEA
Eguneraketa berriak daude