M22, Greba Hezkuntzan

"Jaurlaritzak muturreraino tenkatu du soka eta konfrontazio fasea ireki dugu"

  • 7-8 urte daramatzate Eusko Jaurlaritzari hezkuntzak bizi duen “egoera larria” mahaigaineratzen, urtez urte murrizketen eraginez okerrera egin duen egoera, baina ez duela negoziatu nahi kexu dira sindikatuak: “Modu kritiko baina eraikitzailean ekarpenak egiten saiatu gara, baina ez digute entzun ere egiten eta mahai guztietatik altxatzea erabaki dugu, muturreraino tenkatu dute soka eta konfrontazio fasea ireki dugu: kalera atera dugu gatazka”.

Mikel Garcia Idiakez @mikelgi
2017ko martxoaren 20a

“Aspalditik krisia dute aitzakia, murrizketak betikotu nahi dituzte”

Aitor Idigorasen (Steilas) hitz horiekin bat dator Xabi Irastorza (ELA): “Beti berdina da aitzakia, aurrekontu jakin batzuk dituztela eta horrekin jokatu behar dela, baina hezkuntzara bideratutako inbertsioa 2009an baino 162 milioi euro txikiagoa da eta adibidez AHTra bideratutakoa orduan baino 280 milioi euro gehiago. Jaurlaritzak aditzera eman nahi du ez dela posible ezer egitea, eta ez da egia, badago margena. Aspalditik krisia dute aitzakia, estatu kolpe soziala emateko eta ongizatearen oinarri diren osasungintza eta hezkuntza kaltetzeko: murrizketak betikotu nahi dituzte”.

“Jaurlaritzak arazo politiko bat du hezkuntzan, eta aldebakartasunez ari da jokatzen”

Hezkuntzan murrizketak alboratu eta inbertsio publikoa handitzeko eskatu asmoz, greba eta mobilizazio eguna deitu dute Steilas, ELA eta LABek asteazken honetarako. “Elkarrizketara behartu nahi dugu Jaurlaritza, arazo politiko bat duelako hezkuntzan, eta aldebakartasunez ari da jokatzen, negoziaketaren ateak itxiz, eta ausardia faltaz, Espainiako Estatutik etorritako erreforma eta murrizketa guztiak aplikatzen dituelako, nahiz eta Euskal Herrian egon badagoen horrelakoei aurre egiteko nahikoa gaitasun, herri akordioak bultzatuz”, adierazi digu Aitziber Perezek (LAB). Nafarroan ez dute baztertu mobilizazioei ekitea, Foru Gobernuarekin irekitako negoziazioan “pauso esanguratsuak” ematen ez badira.

Murrizketen eta inbertsio beharraren gaia lehen mailara ekarri eta “mobilizazio fase indartsua eta jarraitua” antolatu nahi dute sindikatuek, egoerari buelta emateko. “Eskatzen duguna, azken finean, ez da ezer iraultzailea”, azpimarratu digu Irastorzak. Eskaera horien artean, besteak beste, hezkuntza publikoko plantilla handitzea, EAEn gutxienez  2.000 lagun gehiago eta Nafarroan 900; irakasleen behin-behinekotasuna %40tik %6ra murriztea; ikasgela bakoitzeko ikasle kopurua %10 murriztea; ordezkapenak lehenengo egunetik egitea; eta bajak bere osotasunean ordaintzea. Horrekin guztiarekin batera, LOMCE eta Heziberri bertan behera uzteko ere exijitu dute.

EHIGE: “Ez dago Euskal Eskola Publikoaren aldeko apusturik”

EHIGE Euskal Herriko Ikasleen Guraso Elkarteak bat egin du deialdiarekin eta mobilizazioetan parte hartzera animatu ditu familiak: “Ez dago Euskal Eskola Publikoa sistemaren ardatz egituratzaile eta bateratzailea izatearen aldeko apusturik Eusko Jaurlaritzaren aldetik. Eskola publikoaren beharrak ase gabe, itunpeko sarera desbideratzen dira urtero inbertsioak”, salatu dute.

Sortzen: "Inor atzean utziko ez dugulako"

"Haiek inposatu nahi duten uniformizazioaren aurrean aniztasunak aberasten gaituelako; haien elitismoaren eta lehiakortasunaren aurrean, kolektiboki heziz, inor atzean utziko ez dugulako; pedagogia askatzaileak bultzatuz; behetik gorako hezkuntza burujabetza praktikan jarriz; eskubide berdintasunaren balioa sustatuz; ikasle euskaldun eleaniztunak heziz; ikasleen behar afektiboa eta emozionalak kontuan hartuz; ikuspegi kritikoa duten herritar autonomoak helburu"; horregatik guztiagatik, Sortzen Euskal Eskola Publiko Berriaren Aldeko Elkarteak ere bat egin du bai 22an sindikatuek eta bai 23an ikasle mugimenduak deitutako mobilizazioekin, eta horietan parte hartzera deitu du.

Kanal hauetan artxibatua: Hezkuntza  |  Euskal eskola publikoa  |  Murrizketak

Hezkuntza kanaletik interesatuko zaizu...
2017-05-30 | Mikel Asurmendi
40 urte dira Bretainiako Diwan eskola ireki zela

1977ko maiatzean zabaldu zen Bretainiako Diwan-en lehen eskola. 54 ikastetxe (eskola, kolegio eta lizeo) daude egun funtzionamenduan eta 4.242 ikasle ari dira.


2017-05-29 | Xabier Letona
Eskola bat, patio bat, aterpe bat

"Kokoteraino gaude, bagoaz kalera ikasle, irakasle eta guraso. Datorren asteartean, arratsaldeko 5etan, giza-aterki-katea egingo dugu San Frantzisko eskola eta Iruñeko Udaletxea lotuz. Agintariok, aterpetu gure eskaria behingoz".


Milaka euskaltzale bildu dira Mungian, Bizkaiko ikastolen jaian

Larramendi ikastolak antolatu du 39. ibilbidea, Mungian, eta milaka lagun elkartu dira zirkuituaren lau guneetan. Araba, Bizkaia eta Gipuzkoarako Hezkuntza Legea lortzeko akordioak bilatzeko eskaera egin du Ikastolen Elkarteak.


"Haurrarentzat erronka izan behar du jolas-parkeak"

Jolas-parke uniforme, gris, gatzgabeetara ohituegi gaude, orijinaltasun gutxiz eraikiak, segurtasunak obsesionatuta. Oso bestelakoak dira Monstrum enpresarenak: helburua, “umearen sormenarentzat eta psikomotrizitatearentzat erronka izango diren jolas-parkeak” diseinatzea.


Nola eragiten dio hezkuntza publikoaren egungo egoerak zure seme-alabari?

Kezka dute guraso batzuek: “Irakasleak berriz ere grebara doaz eta zer egingo dugu egun horretan seme-alabekin?”. Baina mobilizazio hauekin borrokatu nahi diren puntuek hain juxtu euren seme-alabei eragiten dietela erakusteko idatzia kaleratu dute:


2017-05-28 | Jabi Zabala
"Egungo ikasgela diziplina ezartzeko sistema da, ez ikastekoa"

Diseinua hezkuntza sistema aldarazteko tresna moduan darabil Rosan Bosch artista holandarrak (Utrecht, 1969). Montessori eskola batean hezi zuten, eta egun estudio arrakastatsua zuzentzen du. Danimarkan errotuta dago, baina mundu osoan gauzatu ditu proiektuak. Bere abiapuntua: ikasgela suntsitu, “ikasketa paisaia” bihurtzeko.


2017-05-28 | Garazi Zabaleta
Ikasleen begirada liburutik baratzera altxatzen

“Landaguneari bizkarra eman dion gizartean bizi gara. Hiritartutako eremuan bizi da gehiengoa, landa eremutik eta nekazaritzatik urrun”. Nekazaritza kultura eskoletara egitasmoaren bultzatzaileek maiatzaren 11n Zizurkilen egindako agerraldiko komunikatuaren lehen hitzak dira. Gipuzkoako Landa Garapen Elkarteek (Landaola), Eusko Jaurlaritzako Ingurugelek eta Donostiako Cristina Enea Fundazioak elkarlanean sustatu dute proiektua, ikastetxeek landa-guneko arazoen inguruan hausnartzeko... [+]


2017-05-26 | ARGIA
NUPeko Erizaintza Fakultatea: ikasturte honetan bi irakasgai euskaraz, datorrenean bakarra

Arrazoia are larriagoa da: gaztelaniazko bi talde osatu ezin zituztenez euskarazko taldekoak gaztelaniazkora pasako dituzte.


Irakasle pribilegiatuak, edo nola desprestigiatu hezkuntzako mobilizazioak

EAEko irakasle publikoek lan-baldintzarik onenak dituztela esan eta pribilegiatu batzuk direla iradoki du Josu Erkoreka Jaurlaritzaren bozeramaileak.


"Grebetan deskontatu diguten dirua eskolan inbertitu dezatela eskatzen dugu"

“Irakaskuntzan konbokatutako grebaren deialdia jarraitu dugun irakasleen izenean, Eusko Jaurlaritzari eskatzen diogu, hiru egunetan gure soldatatik deskontatuko diguten dirua eskoletan inbertitzea".


Azkenak
EGILEA
Eguneraketa berriak daude