Jai parekideen alde lanean urteak daramatzatela azpimarratu dute Iruñeko mugimendu feministak eta herri mugimenduak
Uztailaren 3an egindako prentsaurrekoan urteetako lana baloratu dute, eta azken egunotan Sanferminei begira egindako deialdiek lan hori ezereztatzen eta kaltetzen dutela adierazi.
Hainbat hedabidek 2016ko Sanferminetan emandako talde bortxaketaren gaia jorratzeko eraren eraginez, Iruñeko mugimendu feministaren eta herri mugimenduaren eraso sexisten kontrako lanketa urte hartan hasi zela ematen duela adierazi dute Iratxe Alvarez eta Maddi Lasa bozeramaileek. Irudipen faltsu hori alde batera, “titularretatik harago, hamarkadak daramatzagu lanean” adierazi dute. Honen adierazletzat jo dute Iruñeko jendarteak eraso sexisten aurrean urtero emandako erantzun paregabea, etengabeko lan baten emaitza bezala ulertzen dutena. Lan hori mugimendu feministak bultzatua izan dela azpimarratu dute, herri mugimendua bidaide, eta 2014 urtetik instituzioen babesarekin.
Urtero, Sanferminak emakumeentzako espazio seguruak izateko, kanpainak martxan jarri, protokoloak berritu eta guztien artean erabakiak hartzen dituztela azaldu dute. Eta honekin loturan, azken asteetan Sanferminei begira zabaldu diren iniziatiba asko ( uztailaren 6an, txupinazo eguna, kamiseta txuriak beltzengatik ordezkatzea proposatzen duena; edota emakumeak Sanferminetara ez joatea bultzatzen duena kasu) eztabaidarik, kontsentsurik eta helburu argirik gabe egin direla jakinarazi dute. Deialdiok Iruñetik egiten ari diren lana “ezereztatzen” dutela salatu dute, eta aurreikusitakoaren arabera aurten egitekoak diren “dinamika lokaletan negatiboki eragiten dutela”. Hala bada, eraso sexisten kontrako borrokari begira “kaltegarriak” izan daitezkeela ulertzen dute. “Kanpoko esku-hartzeak direla ulertzen dugu, Iruñeko hainbat kolektiboren lana baldintzatu eta ahultzen dutenak”, beraien hitzetan. Iritziak ongi etorriak direla zehaztu dute, “beti ere beharrezkoak diren komunikazio bideak jarraituz, Iruñeko mugimenduarekin kontrastatuz eta gure egoera espezifikora egokituz”.
“Gure deialdiak xeheki pentsatuak izan dira, kanpaina globaletan kokatzen dira eta epe luzera helburu batzuk dituzte”, adierazi dute, eta erasorik gabeko jaiei zein erasotutako emakumeei begira laguntzarik eskaintzen ez duten “dinamika oportunista asko” dagoela salatu. 2016ko talde bortxaketaz geroztik errepikatu dutena beste behin errepikatu dute: kasu bakarrean oinarritzeak gainontzeko erasoak ezikusi bilakatzen dituela. Horren aurrean eraso guztiak garrantzitsuak direla eta elkartasuna erasoa pairatzen duten emakume guztiek behar dutela gogorarazi dute.
Eraso sexistarik gabeko jaien alde lan egiteko konpromisoan berresten direla azpimarratuz eta autodefentsa feministaren aldeko aldarria eginez amaitu dute prentsaurrekoa, ez aurretik emakumeei* jai gozagarriak opa barik.
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori, lurrari... [+]
Vicentek 76 urte ditu eta azken mende laurdena Kanaria uharteetan darama, Maspalomas herrian, 50 urteko bizialdian ezkutatu duen izatea haizatzen: homosexuala da. Ezbehar baten eraginez, Donostiara itzularaziko dute, eta zahar etxe batean sartuko. Atzera ere, armairuko ateak... [+]
Arantzaren buruko loreek ez zuten arantzarik, Arantzaren bizitzak, ordea, asko. Emakume izatearekin batera, jaiotzetik batzuk. Besteak gaztetatik eransten joan zitzaizkion, komisarian torturak ezarriak, Burgosko prozesuan eta kartzelan, arantza horiek denak patriarkatuak... [+]
Jaizkibel konpainia berdinzaleak Herriko Etxearen eta epaileen deliberoak bete ditu, ez haatik HAOSEk, alarde baztertzailearen antolatzaileek. «Estrategia aldaketa bat» eskatu dio Jaizkibelek auzapezari; ezkerreko ordezkariek «Alardea antolatzeko».
Jaizkibel konpainia berdinzaleak ekintza berezia egin du Hondarribiko alardearen egun honetan. Gutuna eman diote alkateari, mahai gainean bestelako planteamendu batzuk jar ditzala eskatuz.
Hondarribiko udal gobernuaren “ausardia faltaz”, kontsentsua bilatzearen tranpaz eta “gatazkaren espiritua berpiztu” nahi duen alarde tradizionalaren aldeko elkarteaz mintzatu zaigu Uxoa Anduaga, Jaizkibel konpainia berdinzaleko kidea. “Ez dira... [+]
Bertigo baten ostean, etengabeko txistu bat entzuten hasi zen Jexux Mari Irazu Muñoa (Larraul, Gipuzkoa, 1972) bertsolaria, bertso-eskolako irakaslea eta gai-jartzailea. Tinnitus edo akufeno deitzen zaie Irazuk entzuten dituen zaratei. Horrek egunerokoan daukan inpaktuaz... [+]
Agerraldia deitu zuen Laudioko mugimendu feministak igandean, Odoloste eguneko goizaldean Txosnagunean gertatutakoa salatzeko.
Baionako ospitalean unitate berritzaile bat ideki da: kardio-ginekologia unitatea, menopausian diren emazteei zuzendua. Gai hau, askotan tabu edo bazterrean utzia, osasun arazoak eragin ditzake bizitzako etapa horretan.
Candela emakumeen elkarteak eta PSNk eskatu dute argazkia kentzea eta udalak argitaratutako materialetan kontrol handiagoa egotea, ez egoteko estereotipo sexistarik.
Sasijakintsua, jakineza eta franco txikia: horiexek dira aurrekoan Gotzon Lobera jaunak, Bilboko kale batzuen izenak aldatzeko ekimenaren kariaz, Deia egunkarian zuzendu dizkidan epitetoak. Ez du nire izena aipatu, egia, baina neu izan naizenez urte eta erdi luzeko borrokan... [+]
Hasieratik argi utzi nahiko nuke ez naizela inolaz ere feminismoan, sexu- eta genero-teorietan ezta LGTBIQ+ komunitatearekin lotutako gaietan aditua. Gizon txuri heterosexual bat naiz, ezkertiarra esan dezagun, bere burua feministatzat hartzen duena (edo feministen aliatua,... [+]
Euskal dantzak, pilates, bilobekin egon, gurutzegramak egin eta beste zaletasun asko ditu Grego Idiakez Kortak (Ezkio-Itsaso, Gipuzkoa, 1950). 62 urterekin iktus bat izan zuen, eta ordutik, ezin ditu nahi beste gauza egin. Iktusaren ondorioz, begi baten ikusmena galdu du, eta... [+]