Gizonezko batek bikotekide ohia eta haren laguna jipoitu ditu Bilbon

  • Erasotzaileak konorterik gabe utzi zuen emakumea, eta orientaziorik gabe haren laguna. Erasoa larunbat goizaldean gertatu zen, Miribilla auzoa jaietan zela.

Jon Ander De la Hoz Arregi @delarregi
2016ko irailaren 13a
Bostehundik gora lagun bildu ziren erasoa gaitzesteko elkarretaratzean. (Argazkia: Ecuador Etxea)

Ertzaintzak 41 urteko gizonezko bat atxilotu du Bilbon, bere bikotekide ohia eta haren laguna jipoitzea egotzita. Miribilla auzoko jaietan gertatu zen, larunbat goizaldeko 3:00etan. Erasotzaileak konorterik gabe utzi zuen emakumea, eta aurpegian lesioak eragin zizkien biei ihesari eman aurretik. Basurtoko ospitalera eraman zituzten biktimak, eta Ertzaintzak larunbat gauean atxilotu zuen ustezko erasotzailea.

Miribilla, San Adrian eta Zabalako jai batzordeak elkarretaratzea deitu zuen igande arratsalderako. Bostehun lagundik gora bildu ziren, eta bertaratutakoek “eraso basatiarekiko” aurkaritza azaldu zuten. Egun horretan ospatzekoak ziren kuadrillen arteko jokoak atzeratu egin zituzten protesta gisa.

Bere aldetik, Bilboko Udaleko alderdi guztiek adierazpen bateratua atera zuten erasoa gaitzesteko. Komunikatuak, biktimei babesa emateaz gain, herritarrei dei egin die “edozein motatako eraso sexisten konplize ez izateko, eta indarkeria kasuak salatzeko”. Udalak eskura dituen tresna guztiak erabiltzeko prestutasuna adierazi du.

 

Kanal hauetan artxibatua: Indarkeria matxista  |  Bilbo

Indarkeria matxista kanaletik interesatuko zaizu...
Lantokiko sexu gehiegikeriei aurre egiteko, protokoloa

Harvey Weinstein produktoreak emakume aktoreen aurka urte luzez eta industriaren konplizitateaz egindako sexu jazarpen eta gehiegikeriak azaleratu ostean, bere produktoratik eta Hollywoodeko Akademiatik kanporatu dute. Gurean ere badira botere-harremana baliaturik lan munduan sexu-erasoak egiten dituztenak, ez ordea halakoak atzeman eta neurriak hartzeko protokoloa duten enpresa askorik.


2017-10-10 | Uriola.eus
Urteetan sinesgarritasunik eman ez zaion biolentzia matxistaren askotariko aldaerei aitortza

Foro Sozial Iraunkorreko genero lan taldeak Emakumeen egia aitortu. Nik sinesten dizut izenarekin ekimen politikoa antolatu du Solokoetxen, "urteetan sinesgarritasunik eman ez zaion biolentzia matxistaren askotariko aldaerei, emakumeen arteko konplizitatez, aitortza egiteko". 


2017-10-04 | Miren Osa Galdona
Zazpi emakume hil dituzte jada aurten indarkeria matxistagatik: emakume gasteiztar bat azken biktima

Auto baten barruan agertu da 44 urteko emakume gasteiztarraren hilotza, Miranda de Ebron, Burgosen. Arma zuriz eginiko indarkeria zantzuak zituen. Ikertzaileek indarkeria matxistarekin lotu dute hilketa, izan ere, emakumea senarrarengandik banatzen ari zen. Urriaren 3ko arratsaldean atxilotu dute gizona, Gasteizko Mercedes lantegian.


2017-10-03 | Miren Osa Galdona
19 urteko gizonezko bat atxilotu dute Errenterian, bikotekide ohia bortxatzea leporatuta

Salaketaren arabera, emakumea bere etxera sartzera zihoanean erasotzaileak eraso egin eta bortxatu egin zuen. Mugikorra ere kendu zion abisurik eman ez zezan. Segurtasun Sailak jakinarazi duenez, irailaren 27an, asteazken gauean, gertatu zen erasoa. Biharamunean, Ertzaintzak ikerketa zabaldu eta bikotekide ohia atxilotu zuen.


Arantza Urkaregi: "Emakumeen kontrako biolentzia, zentzu zabalenean, nolakoa den entzungo dugu urriaren 8an"

Foro Sozialak askotariko indarkeria jasan duten emakumeen testigantzak jasoko ditu urriaren 8an Bilboko ekitaldian. Arantza Urkaregi Genero lantaldeko kideari elkarrizketa egin diogu.


2017-09-28 | Hala Bedi
Hiru ikasleri eraso egin diete eta kalera ateratzeko deia egin dute eragile feministek

GUET talde feministak salatu duenez, hiru ikasleri eraso egin zieten aurreko ostegunean. Elkarretaratzea eta pegada masiboa egingo dute arratsaldean.


2017-09-28 | ARGIA
Emakume bat hil du gizon batek Sestaon

Gizonezkoak bere burua balkoitik behera bota du bikotekidea hil ondoren, Ertzaintzak jakinarazi duenez.


2017-09-19 | Xalba Ramirez
Valentziako Generalitateak indarkeria matxistaren eta terrorismaren biktimak parekatuko ditu

Genero Biolentziaren kontrako Valentziako Paktuak indarkeria matxista pairatzen duten biktimen eta terrorismoaren biktimen laguntzak parekatuko ditu. Diru laguntza 6.000 eurotik 75.000ra pasako da.


2017-09-08 | ARGIA
%0,0075: indarkeria matxistako salaketa faltsuen portzentajea

Espainiako Estatuko Fiskaltzak eman ditu datuak. Zortzi urtean 79 kasu zigortu dituzte salaketa faltsua egiteagatik.


Eguneraketa berriak daude