Hondarribia-The Village Outlet Shopping, EAJk aurrera atera nahi duen astakeria urbanistikoa

  • 40.000 metro koadro, 100 saltoki, 1.000 autorentzako aparkalekua eta urtean 5 milioi bisitari aurreikusten ditu Zaldunbordan (Hondarribia eta Irun artean) egin nahi duten megaproiektu burugabeak: Espainiako Estatuan Bartzelonak eta Madrilek baino ez duten moduko outlet merkataritza-herri bat. Hondarribiko EAJk burutu duen esleipenaren atzean irregulartasunak eta interes ilunak salatu dituzte.

Mikel Garcia Idiakez @mikelgi
2017ko ekainaren 19a

“Zer dago zentzugabekeria ekonomikoa eta ingurumenaren kontrako erasoa den operazio ilun honen atzean?”, dio Bidasoaldeko Lagunak elkarteak, hainbat talde ekologistaz osatua. Egitasmoak Jaizkibel-Aiako Harria korridore ekologikoari kalte egingo liokeela gogoratu dute, Zaldunborda bien artean baitago, Gaintxurizketan. Proiektuaren bultzatzaileak petrolioaren sektoreko enpresak direla ere azpimarratu dute, Petronor eta Avia kasu.

Hondarribiko alkatea presidente duen Hondarribia Lantzen enpresa publikoak Higertoki SLU enpresari esleitu zizkion Zaldunbordako lur horiek iaz, EAJren aldeko botoekin baino ez. Esleipena korrika eta presaka egin zela, enpresa bakarra aurkeztu zela eta enpresa hori sortu berria zela –alegia, lur horien jabetza lortzeko apropos sortua izan zela– azaldu dute Bidasoaldeko Lagunek. Lurren birkalifikazioari lotuta irregulartasunak ere salatu dituzte (eremua jardun ekonomikoetarako lur izendatzearen aurka agertu da Euskal Autonomia Erkidegoko Lurralde Antolamendurako Batzordea). Eta horri gehitu behar zaio Higertoki enpresari tiraka EAJrekin lotura duten izenak atzeman dituela EH Bilduk, tartean Aitor Kerejeta Hondarribiko alkate ohiarena.

Hondarribiko Abotsanitz Herri Batzarra izan zen gaia mahai gainean jarri zuen lehena, "udal gobernuaren aldebakarreko jarrera eta erabaki itsu eta okerrak kezka, ezintasuna eta oposizioa besterik" ez duela sorrarazten iritzita. Bestalde, Irungo udalbatzak Sí Se Puede Irun alderdiaren mozioa onartu berri du, Hondarribiko Udalari eskatuz proiektua geratu dezala.

Kanal hauetan artxibatua: Ekonomia  |  Ingurumena  |  Hondarribia  |  Irun  |  Merkataritza

Ekonomia kanaletik interesatuko zaizu...
2017-11-19 | Axier Lopez
"Masifikazio turistikoak nazioartean anti-eredu bilakatu du Bartzelona"

Andrés Antebi eta Claudio Milano Bartzelonako antropologoak Turismografías proiektuaren sortzaileak dira, Venezia, Lisboa, Costa Brava eta Mallorcako beste lau kiderekin batera. Proiektu horren bitartez, turistifikazioaren inguruan sortutako herri mugimendu eta borrokak datuz eta tresnaz hornitu nahi dituzte, eremu akademikoko mugak gaindituz. Gisa honetako proiektuak giltzarri izan dira Bartzelonan orain dela gutxi arte ukiezina zena ezbaian jartzeko: Denis Itxasoren hitzetan... [+]


Kopenhagen Amager Bakke errauste planta, 'elefante zuri' berria

Aginte publikoek sustaturik altxatako eraikin oso handi, ospetsu eta garestia, aldi berean bere ustiapen edo mantenuan zama ekonomiko bihurtzen dena, horra zer den ingelesez White elephant eta frantsesez Eléphant blanc izendatzen dutena. Hondakinetatik negozio egiten duten korporazioek Kopenhageko Amager Bakke erraustegi berria saltzen dute munduko aurreratuena delakoan. Aldiz, martxan jarri aurretik bihurtuta dago herritarrentzako buruhauste galanta.


2017-11-19 | Juan Mari Arregi
Portuak, bizitzarako ala heriotzarako?

Bilboko Portuak bost urterako Plan Estrategikoa aurkeztu berri du. Getxoko kruzeroen kaian egin du, munduko itsasontzi onenetan milaka turista igarotzen diren tokian.


Mateo efektua eta adina: pentsioen paradoxa

Bismarck izan zen XIX. mendean gaurko pentsio sistemaren eredua sortu zuena, belaunaldien arteko elkartasunean oinarriturik hain zuzen ere. Ekuazioa oso sinplea da, enplegua duten gazteen egoera ekonomikoa adinekoena baino hobeagoa denez, eurek egindako ekarpenen bidez ordainduko dira adinekoen pentsioak.

Adin piramidea edota bizi esperantzaren eraginak alde batera utzita –ez dira bigarren mailakoak–, gaur egun neke zantzu nabarmenak azpimarratu ditzakegu eredu honen baitan, are... [+]


2017-11-19 | Jakoba Errekondo
Azalaren koloreak

Beltzetik zurira minbizi bat dago. Ardo beltzetik ardo zurira minbizi bat dago. 1988an Errioxako Murillo del Río Lezan, Jesús Galilea Esteban mahastizainak bitxikeria bat topatu zuen bere mahasti batean. Mahats beltza ematen duen “tempranillo” aldaerako mahatsondo batean (Vitis vinifera) mahats mordo zuri bat aurkitu zuen. Hura eman zuen adarretik abiatuta, txertatu eta txertatu, “tempranillo zuria” aldaera izango zenaren lehen mahatsondoak sortu zituzten.


2017-11-17 | Unai Brea
Petronorreko emisioen kontrolak "lasaitzea" leporatu dio Podemosek Jaurlaritzari

Petronorren funtzionamendu txarrari –“programatu gabeko 70 geldialdi eta kontrolik gabeko hainbat hauts emisio azken urte bietan”– Jaurlaritzak behar bezalako erantzunik ematen ez diola eta, areago, findegiaren emisioen kontrolerako irizpideak leundu dituela esan du Eusko Legebiltzarrean Elkarrekin Podemoseko Jose Ramon Becerrak. Gobernuak Petronorri “tratu berezia” ematen ote dion ere galdetu dio Arantza Tapia sailburuari.


2017-11-17 | Hala Bedi
Mercedeseko kontratazio-iruzurra salatu dute, giza baliabideetako arduradun nagusiaren bisita probestuz

Egunotan, Gasteizko Mercedes-Benzeko kontratazio-iruzurra salatzen ari dira LAB, ELA eta ESK sindikatuak. “Lantegiko zuzendaritzaren jarrera ez babestea erabaki dugu, normala ez den egoera baten aurrean normaltasunez jokatzea bailitzateke”.


Hezkuntza publikoko sukaldari eta garbitzaileen grebak jarraipen zabala izan du

Sindikatuen arabera sukaldeko langileen %80k egin du bat deialdiarekin eta garbitzaileen %65ek. Sukaldetako ratioak eta garbitzeko metrajeak ez direla “egungo errealitateari egokitzen” salatu dute.


2017-11-15 | Miren Osa Galdona
Murrizketa sozialen kontrako txistu artean hartu dute Urkullu Barakaldoko ekitaldi batean

Txistuekin eta protestekin eman diote ongietorria Barakaldoko hainbat herritarrei Iñigo Urkullu lehendakariari. Eusko Jaurlaritzak, Barakaldoko Udalak eta Inguralde enpresa publikoak berak gauzatutako lan politika eta eginiko murrizketa sozialen aurka egin dute protesta.


2017-11-15 | Andoni Mikelarena
20.500.000 euroko zorra barkatu al zion Kutxabankek PSOEri?

Galdera horri erantzutera joan zen asteartean Kutxabankeko kontseilari ordezkari bat Espainiako Senatura. Hala ere, ez zuen argitu bankuak zorra barkatu ote zion Alderdi Sozialistari.


Eguneraketa berriak daude