Larunbatean Baionan eta igandean Bilbon egin dituzte ekainaren 8ko giza katea sustatzeko spotaren lehen bi grabaketa saioak. Astelehenean Donostian jarraituko dute grabaketekin.
Herritarren parte hartzea eskatu du Gure Esku Dago dinamikak. Edonork hartu dezake parte grabaketetan eta aurrez mezu elektronikoa bidaltzeko eskatu dute ondorengo helbidera: harremana@gureeskudago.net. Deialdien informazio guztia www.gureeskudago.net ekimenaren webgunean aurki daiteke.
Aste honetako hitzorduak
Donostiako grabaketarako bi hitzordu jarri dituzte. Lehenengoa 10:00etan eta bigarrena 17:00etan Gure Esku Dagoren egoitzan, Kursaal parean.
Asteartean, apirilaren 29an, bi deialdi egongo dira: goizean Bardeetako Castil de Tierran eta arratsaldean Gasteizeko Letren Fakultatean.
Asteazkenean, berriz, goizez Iruñean izango dira (lekua zehazteke) eta arratsaldez Berriozarreko Eguzki plazan.
Ehunka lagun grabaketetan
Jende ugari batu da grabaketetara asteburuan. Bilbon 100 pertsona behar zituztela iragarri zuten antolatzaileek eta 500 inguru gerturatu ziren Guggenheim inguruetara.
Ahotsa.inforen laguntzaz, grabaketak nola egiten ari diren erakusten ari dira. Ondorengoak, Bilbo eta Baionakoak.
Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Hiru emakume euskaraz zuzendu zitzaizkien ertzain batzuei, jatetxe batengatik galdezka. Polizietako batek erantzun zien euskaraz bazekiela baina ez zuela erabiliko, eta "popatik hartzera" bidali zituen. Ertzainari plaka eskatu zioten orduan, eta poliziak erdiko hatza... [+]
Trebiñuko herritarrek bizi duten egoera "anakronikoa" salatu zuten igandean.