Fiskalak zigor eskaera gogorra mantendu du 2014an Gasteizen atxilotutako sei ikasleentzat

  • Guztira 13 urteko espetxe zigorra eta 5.000 euroko isunen eskaerak berretsi ditu fiskalak, Gasteizen egindako epaiketan. Auzipetuei babesa adierazteko elkarretaratzea egin dute epaitegi aurrean.

Topatu.eus @topatu_eus
2016ko irailaren 15a

2014ko martxoaren 19an sei ikasle atxilotuak izan ziren Gasteizko EHU-UPVko Canpusean elkarretaratze batean. Euskal preso politikoek unibertsitatean ikasteko duten eskubidea aldarrikatzeko antolatu zuten protesta. Elkarretaratzearen baitan hainbat ikaslek mural bat egiteari ekin zioten horma batean, aldarrikapen berari loturik. Orduan, kalez jantzitako ertzainek inolako azalpenik eman gabe ikasleetako bat atxilotu zuten. Ondoren, hainbat ikaslek errepidea moztu zuten lurrean eserita, atxilotua egoera duin batean jartzeko eskatuz. Momentu horretan Ertzaintzak kargatzeari ekin zion, eta beste bost gazte atxilotu zituen.

Asteazkenean epaitu dituzte sei gazteak Gasteizko epaitegian, goizeko 9:00etan hasi den auzian. Ia lau ordu iraun ditu auzi saioak, eta bitartean elkarretaratzea egin dute hainbat ikaslek epaitegiaren aurrean, auzipetuei sostenguz. Autoritatearen aurkako delitua eta lesioak eragitea egotzita hiru urteko espetxe zigorra eskatu diote sei ikasleetako bati. Gainerako bostei, ustez autoritatearen aurkako delitua egiteagatik bi urte bakoitzari. Guztira 5.000 euroko isuna eskatu die fiskalak. Auzi saioan, besteak beste, 2014ko martxoaren 19an izandako gertakarietan parte hartu zuten ertzainek eta segurtasuneko langileek ere deklaratu dute. Fiskalaren eskaeraren aurrean, sententziaren zain gelditu dira orain sei gazteak.

2014an bezala gaur ere, aldarrikapen berdinean berresten direla adierazi dute sei auziperatuek: “Euskal preso politikoek EHU-UPVn ikasteko duten eskubidea ozen aldarrikatu nahi dugu”. Gainera, ikasleen mobilizazio eta protesten aurka etengabe ematen diren polizia jazarpenak salatu nahi izan dituzte: “Gorputz armatuek unibertsitatetik kanpo behar dutela pentsatzen jarraitzen dugu. Zehazki guk aldarrikatzen dugun unibertsitate ereduaren beste muturrean dagoelako egungo eredua”. Epaiketan errepikatu besterik egin ez den "zirkua" eta "muntai poliziala" ere salatu dituzte.

 

Albiste hau Topatu.eus-ek argitaratu du eta CC-by-sa lizentziari esker ekarri dugu ARGIAra.

Kanal hauetan artxibatua: Unibertsitatea  |  Espetxe politika  |  Gazte mugimendua

Unibertsitatea kanaletik interesatuko zaizu...
OPUSeko unibertsitateko ikasleei beka gehiago emanen dizkie Nafarroako Gobernuak, errekurtsoak onartuta

Aurtengo ikasturteko beka deialdiari aurkeztutako errekurtsoetako batzuk onartu ditu Hezkuntza Sailak eta 700.000 euro gehiago esleituko dizkio beken diru sailari; guztira, 4.334.104 euro.


2017-04-12
Ikasle presoen aldeko martxa Osnyko espetxera
MULTIMEDIA - erreportajea

Ikasle presoen sostengurako taldeek antolatuta, Osnyko espetxera martxa egin zuten joan den astean dozenaka ikaslek. Etxerateko kide batek, preso ohi batek eta ikasle batek haien egoera azaldu dute Ahotsak eta Topatuk elkarlanean egindako erreportaje honetan.


2017-03-29 | Topatu.eus
Osasungintza euskalduntzearen aldeko itxialdia asteazkenetik ostegunera Leioako Campusean

Medikuntza Graduko euskarazko matrikulazioa behera doala-eta egoera gero eta okerragoa dela salatu du Medikuntza Asanbladak. Dekanotzaren konpromiso falta gaitzetsi dute.


2017-03-22
Gazteak etorkizun bila
MULTIMEDIA - erreportajea

Urtero milaka gaztek hartzen dute Euskal Herritik atzerrirako bidea. Maleta etxeko oroitzapenez bete, eta herria atzean utzita partitzen dira Espainiara, Frantziara, ala urrunagoko herrialdetara. Batzuek ikasketak egiteko joan behar izaten dute: lortutako nota bertan gelditzeko aski altua ez delako, ala, Ipar Euskal Herriaren kasuan, eskaintza oso urria delako. Beste batzuk lanaren prekarietateari ihes egin nahian joaten dira, baldintza hobeen bila.


2017-03-16 | ARGIA
Gasteizko EHUn sartu eta ikasle bat atxiki du Ertzaintzak, kaputxadunen ekintza baten ondoren

Ostegun goizean zenbait gaztek kaputxak jantzita Gasteizko Letren Fakultateko kamerak hautsi ostean, EHUk Ertzaintzari deitu dio. Agenteak Letren fakultateko Ikasle Gelan eta Farmaziako fakultatean sartu dira eta ikasleen motxilak, ordenagailuak eta paperak eraman dituzte, ARGIAk zenbait iturriren bidez jakin ahal izan duenez.


2017-03-16 | Hiruka .eus | ARGIA
Aste beroa EHUn: Leioako ekintzagatik "barkamena" eskatu dute, Balluerkak eraso gehiago salatu ditu

Istiluak izan dira aste honetan EHUren Leioako campusean eta ondotik hainbat erreakzio izan dira. Unibertsitateko ordezkari instituzionalek elkarretatzea egin dute asteazkenean gertakaria salatzeko. Martxoaren 14ko ekintzaren egileek berriz, ohar bidez "barkamena" eskatu dute.


Protesta egin dute EHUko aurre-doktoreek lan baldintzak kaskartzearen kontra

Ikertzaile Aurre-doktoreen Asanblada sortu, eta protesta egin dute EHUko ikerlariek. Kexu dira EHUk Espainiako Gobernuarekin batera aurre-doktoreen kontratu mota “aldebakarrez eta gardentasun gutxiz” aldatu duelako.


2017-03-14 | ARGIA
Leioako campusean gailu su-eragile batekin egindako erasoa gaitzetsi du EHUk

Euskal Herriko Unibertsitateak agiri baten bitartez azaldu duenez, ezezagun batzuek eraso egin diote Gizarte eta Komunikazioa Zientzien Fakultateko dekanotzari, Leioako campusean. Ondorioz, langile bat artatu behar izan dute. Unibertsitateak gogor gaitzetsi du erasoa eta elkarretaratzera deitu du biharko, martxoak 15, fakultate ondoko Mikel Laboa plazan.


2017-03-03 | Topatu.eus
Leioako campuseko Euskara Mugimendua aurkeztu dute

'Martxoa Euskaraz' izeneko dinamikarekin aurkeztu dute taldea. Egoera ezberdinak dira ikasleak Euskararen aldeko talde hau sortzera bultzatu dituztenak. Manifestazioa egingo dute martxoaren 30ean.


2017-03-01
Leioako Herri Unibertsitatea barrutik
MULTIMEDIA - erreportajea

Leioako campusean ikasleek antolatutako Herri Unibertsitatea antolatzeko lanak eta ekimenaren nondik norakoak jaso dituzte bideo honetan.


Azkenak
EGILEA
Eguneraketa berriak daude