Eskuin independentistak irabazi ditu Flandriako hauteskundeak

  • Flandriako Aliantza Berria alderdiak (N-VA) irabazi ditu igandean Flandrian egin diren udal eta eskualde hauteskundeak eta Bart de Wever alderdiko buruzagia izango da Anberesko alkate berria. Botoen %36,3 eskuratu ditu N-VAk eta De Weverren esanetan “itzuli ezinezko puntura” iritsi dira. Anberesko emaitza historikoa da, 90 urte baitzeramatzan alderdi sozialistak hiria gobernatzen.

2012ko urriaren 15a
Bart De Wever N-VAko buruzagia hauteskundeetako garaipena ospatzen.

De Weverrek garaipena baliatu zuen Belgikako lehen ministroari (Elio Di Rupo sozialista frankofonoa) estatua erreforma dezala eskatzeko. Flandriarentzat autonomia handiagoa eskatu du N-VAko buruak, Belgika konfederazio bihurtuz.

2010eko Belgikako hauteskunde orokorrak ere N-VAk irabazi zituen baina alderdi sozialistaren, deomkristauen eta liberalen elkar hartzearen ondorioz, gobernutik kanpo geratu zen alderdi independentista.

Flandriarren eta waloniarren arteko arazoak estatuaren egiturak aldatuta konpon daitezkeela uste du N-VAk eta horregatik, haren helburu nagusia Belgikan erreforma instituzionalak lortzea da, gradualki estatuko bi komunitateek botere handiagoak izan ditzaten, bakoitzak bere aldetik.

“Merkatu libreko ekonomia” babesten du alderdiak, neoliberal izatea ukatzen badu ere.

Bart De Wever buruzagiak hainbat polemika izan ditu eskuin muturreko kideekin izandako harremanengatik: 2007an, Anberesko alkateak II. Mundu Gerran hiriko agintariek juduen deportazioan kolaboratu izanagatik barkamena eskatu ostean, kritiko agertu zen. Eta urte bereko apirilean juduen holokaustoa ukatzen zuen Karel Dillen politikari flandestarraren hiletan izan zen.

Kanal hauetan artxibatua: Flandria  |  Herrialde katalanak  |  Bart de Wever

Azkenak
2018-04-25 | ARGIA
Asunción Klinikaren egoera salatuko dute langileek, udaletan mozioak aurkeztuz

Ia 5 hilabete daramate greban Tolosaldeko Asunción Klinikako langileek. Kalitatezko osasun zerbitzua bermatzeko, lan-baldintzen hobetzea eta hitzarmen duina eskatzen dute. Tolosaldeko 31 udaletan eta Eusko Legebiltzarrean izan dira jada, Eusko Jaurlaritzarekin ere bildu dira, “baina zuzendaritzaren jarrerak penagarria izaten jarraitzen du”, diote. Mozioak aurkeztuko dituzte orain, hainbat udaletako plenoetan.


2018-04-25 | ARGIA
PISAri planto egiten hasi dira ikasleak

"Mendillorri, Murgia, Altsasu, Uribarri... Hezigunez hezigune hasi gara PISAri planto egiten! Ostegun honetan Laudion eta Nafarroako hainbat lekutan burutuko dira plantoak", adierazi dute ikasleek.


2018-04-25 | ARGIA
EAJ eta Rajoyren gobernua akordiora iritsi dira: pentsioen igoera, aurrekontuak erraztearen truke

EAJk iragarri duenez, Espainiako Gobernuak onartu du pentsioak Kontsumorako Prezioen Indizearen (KPI) arabera igotzea 2018an eta 2019an, aurreikusita zegoen pentsio minimoen %3ko igoeraz gain.


2018-04-25 | ARGIA
Josu Erkorekak dio Kanbo ez dagoela "Euskadin"

Maiatzaren 4an Kanbon egingo den bakerako nazioarteko ekitaldian Jaurlaritzak ez duela parte hartuko azaltzeko, Josu Erkoreka EAEko Gobernuko bozeramaileak esan du ETAk “Euskadin” izan duela eragin handiena eta Kanbo “Euskaditik” kanpo dagoela.


2018-04-25 | Etxalde
Martxan jarri dute Alternatiben Herria finantzatzeko diru-bilketa herrikoia

Ekainaren 2an, Iruñean, Alternatiben Herria egingo dugu. Egunean zehar, Iruñeako alde zaharra herri txiki bat bihurtuko dugu, hausnarketaz, alternatiba praktikoz eta baikortasunez betez. Euskal Herrian zehar, nork bere herrian, auzoan, taldean… aurrera eramaten ari garen alternatibak eta proiektuak erakutsi nahi ditugu Alternatiben Herrian. .


Espainiak eta Frantziak asko dute hobetzeko adierazpen askatasunaren alorrean, Mugarik Gabeko Erreportarien arabera

Munduko herrialde ugarietako adierazpen askatasunerako eskubidearen egoera aztertzen duen txosten bat argitaratzen du urtero —2002an hasita— Mugarik Gabeko Erreportariak (RSF) GKEak. Bertan, 180 herrialdek osatutako ranking-a osatzen dute, prentsan adierazpen askatasuna gehien babesten dutenetatik askatasun gutxien dagoenera.


2018-04-25 | Miren Osa Galdona
Pisu turistikoak debekatuko ditu Palmako Udalak

Palmako Udalak eta Balearretako Gobernuak eginiko kalkuluen arabera, uda sasoian 11.000 pisu turistiko egon daitezke irlako hiriburuan; %95 legez kanpo jartzen dira eskaintzan interneteko plataformen bidez. Gehienak eraikinetako pisuak izaten dira. Sustraitik moztu dute arazoa: debekatu egin dituzte turistentzako pisuak. Familia bakarreko etxebizitzak baino ezingo dira jarri alokairuan.


Gizonen pelikulak bakarrik Euskadiko Filmategiaren urteurrenean: zinema-munduko emakumeek emanaldi alternatiboa prestatu dute

Euskadiko Filmategiak 40 urte beteko ditu aurten; Kimuak katalogoak berriz, 20. Eta bi efemeride horiekin lotuta antolatu dituzten emanaldietan, ez dute emakumeek zuzendutako lan bat bera ere programatu. Horren aurrean, zinema-munduko hainbat emakumek emanaldi alternatiboa prestatu dute apirilaren 26an.


Erizaintza euskaraz eskaintzeko eskatu diete ikasleek NUPi eta Nafarroako Gobernuko Hezkuntza Sailari

NUPeko erizaintza euskaraz sustatzeko taldeak —Iruñeko Euskalgintza, Ikasle Abertzaleak, LAB, ELA, STEILAS eta Behatokia— neurriak hartzeko eskatuko die Nafarroako Unibertsitate Publikoari eta hezkuntza Sailari, unibertsitate horretan gradua euskaraz egin ahal izateko.


2018-04-25 | Miren Osa Galdona
Okupatutako etxeak azkarrago husteko lege-erreforma onartu du Espainiako Kongresuak, eskuin unionistek eta subiranistek bat eginda

Prozedura Zibileko Legea aldatzea onartu du Espainiako Kongresuak. Horrela, etxe bat okupatu duten pertsonak bi urteren buruan kaleratu ordez, bi hilabeteko epean kanporatu ditzakete. Neurriak ez du arrisku egoeran dauden familientzat edo norbanakoentzat alternatibarik jasotzen; administrazioak ez die zertan beste bizitoki bat eskaini. PPren, Ciudadanosen eta EAJren botoekin atera da aurrera PDeCATek proposatutako legea. Indarrean jartzeko Senatuaren onespena behar du.


Azkenak
Eguneraketa berriak daude