Haserre eta amorruz kaleak bete dira bortxaketa izan zela argi uzteko

  • Nafarroako Justizia Auzitegi Nagusiaren sententzia publikoki irakurri du 102 aretoko presidente Jose Francisco Cobok, interes mediatiko handi baten erdian: 9na urteko kartzela zigorra, 50.000 euroko kalte-ordaina eta urruntze agindua ezarri diete. Epaiari helegitea jar dakiokete, Nafarroako Auzitegi Nagusian lehenik, eta Auzitegi Gorenean gero.

ARGIA @argia
2018ko apirilaren 27a
Manifestazio egingo dute larunbatean Iruñeko Lurralde Auzitegiko Epaitegien aurrean

Iruñeko Mugimendu Feministak dei eginda, apirilaren 28an eguerdiko 12:30ean epaitegiaren aurrera gerturatzea eskatu dute.

Irudia: ahotsa.info

Eibar

 


 Bideoa: @jmc1964

Argazkia: Nalua Eibarko Talde Feminista

Lazkao

Irudia: Goierriko Hitza

Beasain

Irudia: Goierriko Hitza

Tolosa

Irudia: Tolosaldeko Ataria

Gaur, 12:00etan, elkarretaratzea Donostian

 

Bergara

 

Irun

 

Argazkiak: Su Txikian

Aiaraldea

Ehunka herritar batu dira Aiaraldean mugimendu feministak antolatutako mobilizazioetan.

 

 

Albiste hau Airaldeak argitaratu du eta CC-by-sa lizentziari esker ekarri dugu ARGIAra.

Gasteiz

 

Donostia

 

Iruñea

Argazkia: @IdeiaZabaldu

Jendetza Bilbon

Milaka lagun batu dira Bilbon 2016ko San Ferminetako erasoa bortxaketa izan zela eta ez abusua salatzeko. Argazkia: Ecuador Etxea

 

 

Euskal Herri osoan barrena elkarretaratzeak eta asanblada irekiak arratsaldean

La Manada deituriko gizon taldea Nafarroako Justizia Auzitegiko epaimahaiak soilik "sexu-abusuengatik" –eta ez bortxaketa edo sexu erasoagatik– zigortu izanak harridura eta haserre handia sortu du herritar askorengan eta euren desadostasuna azaltzeko bilduko dira gaur arratsaldean Euskal Herriko hainbat txokotan talde feministek deituta.

Epaitegi eta udaletxe aurrean izango dira elkarretaratze eta asanblada asko. Donostian eta Bilbon 19.00etan izango dira lurralde auzitegien aurrean, Iruñean ere 19:00etan Udaletxeko plazan eta Gasteizen 19:30ean Andra Mari Zuriaren plazan.

Instituzio eta ordezkari politikoek kritikatu egin dute epaia, Nafarroako Gobernuak, Iruñeko Udalak eta Eusko Jaurlaritzak kasu, eta zenbaitetan antolatuta zeuden ekitaldiak bertan behera geratu dira elkarretaratzeetara joateko. Esaterako, Arnaldo Otegik Hernanin eman behar zuen hitzaldia atzeratu eta kalera irteteko deia egin die herritarrei EH Bilduk.

 

Argazkiak: Epaiak sumina eragin du epaitegi aurrean bildutakoen artean

Hainbat talde feministak deituta, dozenaka lagun bildu dira gaur Nafarroako epaitegi aurrean. Epaia jakin ostean sumina zabaldu da han bildutakoen artean eta tentsio uneak sortu dira poliziekin. Ekinklik kolektiboa han izan da eta zenbait argazki sareratu du:

 

Epaia osorik

La Manada bortxatzaile taldea zigortzen duen epaiak 371 orrialde ditu, hemen irakur daiteke osorik:

 

Espainiako Estatuko hainbat hiriburutan elkarretaratzeak deitu dituzte

Iruñean emakume bat bortxatu zuten bost gizonen inguruko epaia salatzeko elkarretaratzeak antolatu dituzte arratsaldean Madril, Malaga, Sevilla eta beste hainbat tokitan Espainiako Estatuan "Guk [emakumeok] bai sinesten zaitugu, nahikoa da justizia matxistaz" lelopean.

 

"Ez da abusua, bortxaketa da!"

Herritarrak gero eta haserreago daude Nafarroako Justizia Auzitegiaren kanpoaldean. Foru poliziak osatutako hesia gainditu eta jauregiaren ateetaraino iritsi dira "ez da abusua, bortxaketa da!" oihukatuz eta gorriz tintatutako eskuak jasoz.

 

Ricardo Gonzalez epaimahaiko kideak "absoluzioa" eskatu du bortxatzaileentzat
Argazkia: Periodista Digital

Auzitegiak azaldu duenez epaimahaiko hiru epaileetako batek, Ricardo Gonzalezek boto partikularra eman du, bost bortxatzaileentzat absoluzioa eta horietako batentzat zigor txikia eskatu du "biktimaren mugikorra larputzeagatik" (bi hilabetez egunero 15 euroko isuna).

Epaiketan biktimari egindako galderetan, bortxaketa ea onartua izan ote zen azpimarratu zuen epaile bakarra izan zen Ricardo González. Emakumeari egin zion galderetako bat hauxe izan zen: "Edozelan ere, pasarte horretan, zuk minik ez zenuela sentitu argi geratu da".

Epaiak haserrea eragin du
Protesta iluntzean Madrilen
Sexu eraso deliturik ez
25 urte arteko zigor eskaeratik 9 urtera

Sevillakoak (Espainia) dira bost gizonezkoak. Sexu eraso delituez gain, indarkeriaz egindako lapurreta delituak ere egotzi dizkiete. Fiskaltzak 22 urte eta 10 hilabeteko kartzela zigorra eskatu zuen akusatuetako bakoitzarentzat, akusazio partikularrak 24 urtekoa eta herri akusazioek 25 urtekoa. Defentsak, berriz, absoluzioa eskatu zuen.

Epaiak ordea ez du sexu eraso deliturik ikusi, bai ordea "sexu abusuak" egon direla. Horrez gain, intimitatearen kontrako delituagatik ere absolbitu egin ditu bost erasotzaileak eta horietako bakarra zigortu du lapurretagatik.

Bost auzipetuetako hiru Iruñeko kartzelan daude, eta beste biak –guardia zibil bat eta militar bat–, Madrilgo espetxe militar batean. 21 hilabete daramate preso.

60 urteko espetxe eskaera batzuentzat, 9 urtekoa besteentzat
Kanal honetan artxibatua: Indarkeria matxista

Indarkeria matxista kanaletik interesatuko zaizu...
2018-05-22 | ARGIA
Emakume bat hilda aurkitu dute Miarritzen senarraren autoan

Haren senarrak, kalean noraezean zihoala, “suizidio bikoitza” aipatu zuen. Larunbat arratsaldean jazo zen gertakaria.Adierazpenok Poliziaren alerta piztu zuten, eta autoa zuen lekura joatean, maletegian emakumearen gorpua topatu zuten.


2018-05-18 | ARGIA
Gizonezko bat atxilotu dute Bilbon indarkeria matxistagatik

Erasoa jasan duen emakumea ospitaleratu egin behar izan dute.


Eraso sexisten aurkako salaketen %80 emakume gazteek jarri dute Nafarroan

Indarkeria matxistak eragindako 5 salaketetatik 4, 30 urtetik beherako emakumeek jarri dituzte. Nafarroan 138 salaketa jarri ziren iaz; 113 emakume gazteek jarri zituzten.


2018-05-17 | ARGIA
Bikotekidea eta honen ama erasotzeagatik atxilotu dute gizonezko bat Durangon

Salaketa bikoitza jarri dute erasotzailearen kontra, bata bikotekideari egindako erasoagatik eta honen amari egindakoagatik bestea.


2018-05-16 | Hala Bedi
Hiru urteko kartzela-zigorra eta 12.960 euroko isuna zortzi emakume erasotzeagatik

Honako honetan Gasteizen gertatu da: sistema judizialaren jite matxista agerian geratu da. Arabako Auzitegiak hiru urteko kartzelaratzearekin eta 12.960 euroko isunarekin zigortu du gutxienez zortzi emakume eraso dituen gizona, horietatik lau adin txikikoak.


2018-05-14 | ARGIA
Sexu erasoa egiteagatik atxilotu dute gizonezko bat Bilbon

Etxe berean lotan zegoen emakume bati egin dio eraso 38 urteko gizonezkoak.


2018-05-14 | Amaia Lekunberri
Huelvako marrubi soroetako langileek jasaten duten indarkeria matxista azalera

Marrubien ustiapenean lan egiten duten emakumeak egunerokotasunean jazarriak, irainduak eta bortxatuak direla jakinarazi du Collectiv aldizkari alemaniarrak.


2018-05-14 | Uriola.eus
Errekalden gertatutako eraso matxista salatuko dute gaur

Joan den astean Errekalden izandako "eraso matxista" errefusatzeko deia egin diete gaur arratsaldean bizilagunei auzoko elkarteek. Asteburuan, Ertzaintzako agenteek bi gizonezko atxilotu dituzte Bilbon, genero-indarkeriaren delitu bana leporatuta.


2018-05-13 | Adur Larrea
Ez hanka ez buru
Ez da biolentzia

Azkenak
EGILEA
Eguneraketa berriak daude