Eragileen adierazpenak Bilboko manifestazioaren aurretik
Bilboko mobilizazioan parte hartu duten eragileetako batzuek hedabideentzako adierazpenak eskaini dituzte manifestazioa abiatu aurretik. Hona hemen laburpen bat:
Ainhoa Etxaide (LAB): “Berriro ere gehiengoa kalean batuko da baina berriro ere euskal instituzio nagusiak faltako dira. Salatzen dugu EAJ, Jaurlaritzaren arduradun nagusia, hemen ez egotea. Gaur bi aukera zeuden: giza eskubideen alde egotea, euskal herritarren gehiengoa ordezkatzen dugun eragileen ondoan egotea; edo Espainiako eta Frantziako estatuek inposatutako neurri bidegabeekin lerratzea”.
Urtzi Errazkin (Etxerat): “Euskal gizarteak bake justu eta iraunkorra nahi du eta horretarako ezinbestekoa iruditzen zaigu giza eskubide guzti-guztiak errespetatzea. Nola ez, senide eta lagunon eskubideak ere errespetatuak izatea nahi dugu, guk ere merezi dugu espetxe politika hau iraganeko kontua izatea”.
Maddalen Iriarte (EH Bildu): “Protagonismoa gaur hona Sarek deituta etorri diren herritarrena da. Ariketa bat eskatu nahi nuke: begiratu diezaietela etorri diren senitartekoei begietara, eta esan diezaietela zergatik egin behar dituzten astero-astero milaka kilometro eta zergatik jaso behar duten beraiek ere zigor hori”.
Pello Urizar (Eusko Alkartasuna): “Manifestazio hau egiten den bakoitzean adierazpen maltzurrak egiten dira haren helburuaz, eta garbi esan nahi nuke helburua ez dela ETAko presoen defentsa, EAn argi daukagu hori; helburua espetxean dauden gizon eta emakumeen eskubideen defentsa da. Espainiako legediak onartu egiten dituen baina erabaki politiko baten ondorioz bermatzen ez diren eskubide horiek”.
Rosa Rodero (ETAren biktima, pankarta eraman duenetako bat): “Hedabideetan entzun eta irakurri izan dudanaren ostean adierazi nahi dut ni hemen egotearen arrazoia giza eskubideen defentsa dela. Eta batez ere presoek etxetik hurbil egoteko duten eskubidearena. Bete behar den legedi bat dago, eta une oro defendatuko dut hori”.
Txiki Muñoz (ELA): “Estatuaren espetxe politika mendeku politika da. Estatuaren gerra zikinaren ekintzaileetatik bat ere ez dago kartzelan, borondate kontua delako. Eta PPk ez dauka inongo borondaterik geure herrian normalizazio politikoa aurrera eramateko. Estatuarekiko harreman eta negoziazioetan baldintza moduan jarri behar dira normalizazioa eta presoen eskubideak, bestela oso zaila izango da eskubide horiek betetzea”.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]
Asteazken eguerdian berreskuratu du askatasuna astigartarrak, zigorra osorik beteta. Espainiako Auzitegi Nazionalak otsailean inputatu zuen ETAren zuzendaritzako ustezko beste lau kiderekin batera, Gregorio Ordoñezen hilketa leporatuta.
Martxoaren 13an lau urte bete dira Fran Balda arbizuarra istripuz hil zela. Preso, iheslari eta deportatuen etxeratzearen alde egin zuen lan, eta haren bost kidek idatzi diote gutun hau.
Frantziako Poliziak 2002an atxilotu zuen zumarragarra, eta 30 urteko zigorra betetzen ari da. Sare Herritarrak mobilizazioa deitu du datorren ostiralerako, Urretxuko Potros Plazan.
Iratxeren Bidasoaldeko Lagunak ekimenak deituta, dozenaka lagun kalera atera ziren atzo Iratxe Sorzabal preso politiko irundarraren absoluzioa eskatzeko eta behingoz etxera ekartzeko, torturak salatzeaz gain.