Ehunka lagunek lotu dute guardasol katez San Frantzisko eskola eta Iruñeko udaletxea aterpe eske
Eskolako patioarentzat aterpe bat eskatzeko, Iruñeko Alde Zaharreko San Frantzisko ikastetxeko eta Alde Zaharreko ehunka lagunek eskola eta Iruñeko udaletxea lotu zuten astearte arratsaldean Guardasol kate baten bidez.
Ume, guraso eta irakaslez osatua zegoen guardasol katea 17:00etan eratu da, umeak eskolatik atera ondoren. San Frantzisko plaza, Zapateria kalea eta Udal plaza hartu ditu. Giro alaian egin da katea, olatua behin eta berriro eginez eta leloak oihukatuz: “1-2-3-2 gure patioa estali” edo “bai, bai, bai, estalpea orain” izan dira horietakoak. Hogei minutu ondoren, Uxue Artxanko eskolako amak eta Nekane Lasa eskolako zuzendariak agiria irakurri zuten aterpe ezaren arazoa azalduz
Dagoeneko 2003an hasi ziren aterpe eske patioarentzat, harreman ugari izan dituzte Iruñeko Udal eta Nafarroako Gobernuko ordezkariekin, baina zehaztu zutenez, oraindik ez dute aterperik lortu. Iruñerrian, batez beste, ikasle bakoitzak 22,37 m2-ko patioa duela azpimarratu zuten eta San Frantziskon 2,88 m2. "Gorputz heziketan 36 saiotatik zortzi saiotan lekurik gabe geratzen gara, heziketa fisikoko saioak baldintza eskasetan burutuz, psikomotrizitate gelan –63 metro karratu– edota patioan, ahal denean".
Euria egiten duenean ere arazoak dituzte: "Jolasaldian gure ikasle eta seme-alabak galeriatan edota geletan egoten dira, jangela orduetan beheko solairuko galerian, patioko eskolaz kanpoko jarduerak ezin dira aurrera eraman, eta eskolako ospakizunak –Olentzero, inauteriak...– bertan behera geratzen dira".
Urte luzez aterpe eske
Eskolak ekimen ugari eraman ditu aurrera eskari honen inguruan. Esate batera, 2012-13 ikasturtean patio osoa estali zuten auzolanean egindako oihal aterpearekin. 2016ko urtarrilean ere erakusketa erakargarria egin zuten eskolako atarian: Nafarroako Unibertsitateko Arkitektura Eskolako ikasleek patioaren zati bat estaltzeko hamabi proiektu erakutsi zituzten.
Nafarroako Legebiltzarrak eta Iruñeko Udalak hainbat bisita egin dituzte eskolara. 2015eko urtarrilean Nafarroako Legebiltzarreko Hezkuntza Batzordeak eskolaren egoera bertatik bertara ikusteko aukera izan zuen. Batzordeak honako eskaera egin zion Nafarroako Gobernuari: hiru hilabeteko epean patioarentzat aterpe proiektu bat egin zezan. Aurtengo martxoan Iruñeko Udaleko Herritarren Partehartzerako Batzordea izan zen bertan, eta eskolako zuzendaritzako kideek arazoen nondik norakoak azaldu zizkieten.
Artxankok eta Lasak jakinarazi zutenez, bi instituzioak ulerkor agertu badira ere, inoiz ez diete irtenbiderik eman eskolaren aldarrikapenei. Egoera honen aurrean, eskola komunitateak lehenbiziz atera ditu kalera bere aldarrikapenak, eta beraien helburua lortu artean kalean ere izango direla gogorarazi diete Udalari eta Gobernuari.
Bordeleko Errektorearekin hitzartu du "behin-behineko" akordioa Seaskak. Horrez gain, Euskararen Erakunde Publikoarekin eta Frantziako Hezkuntza Ministerioarekin hitzarmena sinatzeko negoziaketak abiatuko dituzte hurrengo astean. Azterketak euskaraz egiteko aukera... [+]
Dantza, xake edo kirol topaketak egiten diren bezalaxe, literatura gustuko duten haur eta gazteek ere zaletasuna partekatu, elkar ezagutu eta egunpasa ludikoa egiteko aukera izango dute, datorren igandean. Ikasturtean zehar elkarri gutunak idazten aritu diren 130 gaztetxo... [+]
Maiatzaren 21ean bidali diote gutuna Elisabeth Borne Frantziako Hezkuntza ministroari Ipar Euskal Herriko sei parlamentariek. Dagoen ikasle kopurua ikusita, ikastoletarako aurreikusi dituzten lanpostuak "aise gutxiegi" direla deitoratzen dute gutunean. Kexua adierazteko... [+]
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
Animalia askok biziraupen estrategia gisa darabil taldearekin bat etortzea. Izaera hori mespretxatu da sarri, kolektibo asko artaldeekin parekatuz, gidatua izan behar duen izaera propiorik gabeko masa bailitzan. Baina kolektibitateak, mehatxua susmatzen duenean, badaki bere... [+]
Hezkuntzari buruzko eztabaidan, gutako batzuk erabiltzen ari garen neologismoa (uste dut horrela deitu ahal diogula) da pedagogismoa, agian azalpenik behar duena. Asmoa da pedagogiari aukera bat ematea, bi gauzak bereizita. Zientifizismoa eta zientziaren arteko bereizketan... [+]
Herri Urrats jaialdiko hasiera ekitaldian Seaskako zuzendaritzako kide Erik Etxartek salatu zuen Parisek oraindik ez ziela irakasle postu gehigarrien proposamenik egin hurrengo ikasturtera begira. Asteburuan heldu zaie Frantziako Hezkuntza Ministerioaren erantzuna, eta... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.
EHUren ikerketa batean, haur batzuk arkatza eta beste batzuk teklatua erabilita jarri dituzte idazten. Helburua zen jakitea ea irakurtzeko eta idazteko ikasketa-prozesuan alderik badagoen. Emaitza argia atera dute: haurrek eskuarekin egindako mugimenduen bidez ikasten dute... [+]
Atarrabiako Paz de Ziganda ikastola ari da antolatzen aurtengo Nafarroa Oinez festa. Gaur aurkeztu dute egun horri begirako abestia eta bideoklipa. Estitxu Arozena bertsolariaren letrarekin eta Igor Martinezek sortutako musikarekin osatu dute.
Ludotekan, gazte txokoan, udalekuetan... batzuk musukatzen ari direla, beste hark zakila erakutsi duela eta honakoak gorputzarekiko irainak jaso dituela, hori guztia kudeatzea ez dute erraza hezitzaileek. Adibide praktikoz lagunduta, 'Nola landu sexualitatea hezitzaileon... [+]
“Pantailak utzi erronka” hasi dute, maiatzaren 13tik 22ra, Ipar Euskal Herriko 25 eskolak eta 2.445 haurrek. “Hasi aitzin, beldurra dute gazteek, ez direlakoan desafioa betetzera helduko. Gero, indar kolektiboak hartzen du gain”.
Ikasle bati isuna ipini diote institutuan lan politikoa egiteagatik, eta hori salatzeko agerraldi bat egiten ari ziren bitartean, gazteen aurka jo du Ertzaintzak. Zazpi lagun identifikatu ditu.
Donibane Garazi inguruko herri ttipi batean sortua da Bea, eta 1970eko hamarkadan ondoko eskola publiko batean ikusi zituen bortizkeria, sexu eraso eta bortxaketak salatu dizkigu. Irakasleak eragiten zizkiela tratu horiek ama eskolako eta lehen mailako haurrei, mutikoak bortizki... [+]
Frantziako Hezkuntza Ministerioak oraindik ez dio Seaskari argitu hurrengo urtean zenbat ikasgela eta irakasle izango dituen. Hori dela eta Baionako kaleak betetzera deitu dituzte guraso eta euskaltzaleak. Igandean, Herri Urratsera milaka lagun hurbildu dira beste urte batez,... [+]