Egiaren gentrifikazioari stop!

  • Azkenaldian modan jarri den kontzeptu bat da “Gentrifikazioa”. Horrek ez du esan nahi ordea, Gentrifikazioaz izendatzen den prozesu eraldatzaile hori, orain bizitzen hasi garenik. Prozesu hori, oso ondo ikusi dezakegu Egian. Urte gutxitan, Tabakalera birmoldatu egin dute, auzoko sarreraren birmoldaketa eraginez eta zentro-periferia lerroa hautsiz.

Egiako Gazte Asanblada @egiakogazteak
2017ko uztailaren 21a

Azkenaldian modan jarri den kontzeptu bat da “Gentrifikazioa”. Horrek ez du esan nahi ordea, Gentrifikazioaz izendatzen den prozesu eraldatzaile hori, orain bizitzen hasi garenik. Espazioen birmoldaketa, auzo langileen “zentroratzea”, tankera postmoderno eta urbanoak diren denda, lokal eta beste espazioen irekiera, auzoko harreman sozialen haustura, eta interes ekonomiko jakin batzuekin lotzen da Gentrifikazioa. Izan ere, kapitalismoaren bilakaera historikoan zehar, kapitalak beti aprobetxatu izan du edozein hauspo, desjabetuen aurrean ahalik eta etekin handiena lortzeko, kapital akumulazioa bermatzeko, horretarako bere jarduera hainbat modutara moldatu duelarik uneoro. Espazio sozialak behin eta berriz birmoldatzen ditu fenomeno honek, beti ere interes konkretuen mesedetan.

Gentrifikazioak, hirigune espazio baten prozesu eraldatzailea suposatzen du, (askotan hirigune hauek, langile auzoak direlarik) elite ekonomikoek bultzatuta, aldaketa sakonak ematen dituelarik. Prozesu bortitza da, izan ere, klase antagonikoak existitzen diren abiapuntutik, ekoizpen baliabideak dituenak, hau da, burgesiak, bere egiten ditu prozesu honetan ateratako etekinak, hiri-eredua ere zeharo  moldatzen duelarik. Kaltetua nola ez, langileria da, berak jasaten baititu prozesu honen ondorio negatibo guztiak. Ez da soilik afera ekonomikora mugatzen, auzoko/hiriguneko harreman sozial, kultural eta politikoak eraldatzen baititu, askotan auzoaren izaera hautsiz eta beste termino guztiz aldakorrak txertatuz. Honek beste tribu urbanoen sarrera eragiten du, beste mota bateko komertzioak, dendak, eta saltokiak sortzen ditu, ondorio garbiak uzten dituelarik, arestian aipatutako harreman sozialen haustura, etxebizitzen espekulazioa eta horri lotutako turistifikazioa kasu. Laburbilduz, komunitatea moldatzen duela esan dezakegu,  betiko komertzioen itxiera bultzatuz, harreman sozialak espazio murriztuetara kondenatuz, eta auzoko desjabetuenak auzotik ateraraziz, auzoa elite ekonomiko konkretu baten eskura utziz.

Prozesu hori, oso ondo ikusi dezakegu Egian. Urte gutxitan, Tabakalera birmoldatu egin dute, auzoko sarreraren birmoldaketa eraginez eta zentro-periferia lerroa hautsiz. Horrela, Donostiako hiri eredu nazkagarriak eragin zuzena izango du orain Egian. Gainera, auzoan zehar, betiko komertzio askok itxi behar izan dute, eta etekin ekonomikoa ateratzera bideratuta dauden komertzio modernoak sartu zaizkigu, “La farandula” kasu, auzoarekiko inongo loturarik ez dutenak hain zuzen ere. Okindegi modernoak, arte galeriak, etxebizitza eraikin berriak eta ilegalki dauden pisu turistifikatuak prozesu honen lehen ondorioak besterik ez dira. Hauen atzean, enpresa handiak eta luxuzko inmobiliariak daude (Engel & Völkers kasu),eta jarduera bortitz honek, auzoaren izaera sozial eta langilearekin apurtu egiten du.

Honen aurrean, Egiako gazteok badugu zer egin. Prozesu honen jabe izaten ari gara, eta lanean hasi gara jada. Beharrezko ditugun analisirako tresnak eskuratu, eta udan zehar prozesu honen ondorioak aztertu eta eztabaidatuko ditugu, eta gonbitea egiten diogu Egia osoari berdina egin dezan. Kapitalismoak era postmodernismoak sustatutako kultura eta harreman sozialak borrokatu egin behar ditugulako, desjabetuon interesak defendatuko dituen auzoa behar dugulako, Egia bizirik nahi dugulako!

Kalea hartu, borrokan jarraitu, eta Egia astindu!

Kanal hauetan artxibatua: Iritzia  |  Etxegabetzeak  |  Donostia  |  Turismo masiboa

Iritzia kanaletik interesatuko zaizu...
2018-02-25 | Asier Blas
Inperialismoaren maskarak erori dira Sirian

Wesley Clark jeneralak kontatua du 1991n Paul Wolfowitzekin izan zuen elkarrizketa, politika militarrerako Defentsa idazkariordearekin. Clarkek esan zion: “Nahiko pozik egon behar duzu armadak Desert Storm operazioan izan duen portaerarekin”; (1991n AEBek Iraken aurka egin zuten erasoa izan zen). Wolfowitzen erantzuna epela izan zen: “Tira bai, baina ez, egia esan Saddam Husseinez libratu behar ginen eta ez dugu egin. Halere, gauza bat ikasi dugu, gure armada erabili dezakegu... [+]


2018-02-25 | Jon Alonso
Leterenak

Robert Lowell (1917-1967), poeta estatubatuar bat izan zen. Amerikako Estatu Batuetako Liburuaren Sari Nazionala (National Book Award, 1960, Life Studies obrarengatik) eta Pulitzer Saria, poesian (1947an eta 1974an), irabazi zituen. Bakezalea zelako zaigu ezaguna: kontzientzia arrazoiak alegatu zituen II. Munduko Gerrara ez joateko (eta kartzelara joan zen aldi batez), eta Vietnamgo gerraren aurka idatzi zuen.

1960an, hau da, sari inportante hura jaso berri, Imitations liburua argitaratu... [+]


Sekretua, anonimatua eta gardentasuna

Adierazpen askatasuna, informazio eskubidea. Halako hitzak ahoskatu genituen 1983ko apirilaren 18an UPV/EHUko Informazio Fakultatean egin genuen batzar jendetsuan. 19 urte nituen. Xabier Sánchez Erauskin kazetaria kartzelara zihoan bi artikulu idazteagatik: ETAko presoen bi arreba eta erregeak egindako bisitari buruzko El paseíllo y la espantá. Bestelako garaiak ziren.

Adierazpen askatasuna. Halako hitzak Barakaldoko pankarta batean 2015eko maiatzean Kaiet Prieto atxilotu... [+]


Gorputz ez-onartuak

Euskaldun askok Goya sarien gala adi-adi ikusi genuen Handia filmagatik. Gala hartan emakumeen eskubideen aldarria egingo zela iragarri ziguten, andreon ikusgarritasuna errebindikatu, feminismoa ahotan hartu.

Baina itxurakeria baino ez zen egon; izan ere, hainbat emakumeren gorputzak izan ziren ekitaldi guztian zehar mintzagai. Andra batzuen loditasuna, hain zuzen ere. Andrazko batek aitatu zuen filma errodatutakoan baino argalago zegoela. Beste batek hirugarren bati esan zion dietista bera,... [+]


2018-02-25 | Karmelo Landa
Bilbo bere saltsan egosten da

Berrikuntzaren eredutzat aurkeztua izan den Bilbok dar-dar egin du azkenaldi honetan. Zein izan da lurrikara horren arrazoia? Buztinezko oinak ote dauzka Bilbo berriaren mitoak? Kezka zabaldu da herritarren zein agintarien artean, eta oraindik erantzunik aurkitzen ez duten galderak  hasi dira plazaratzen. Jakina da erantzunetan asmatzeko, ezinbestekoa dela aurretik galdera egokiak plazaratzea.

Oharkabean bezala gertatu zen guztia: iragan abenduaren 23an, goizaldez,  Ibon... [+]


2018-02-23 | Patxi Azparren
Batzarren Errepublika, eraldaketari ekin

2014. urtean Batzarrak Jatorrizko Antolaketa liburuxka plazaratu nuen Mentxu Zoritak eta Ibon Ostolazak lagunduta. Argitaratu aurretik zalantzak izan nituen ez bainabil mundu akademikoan. Zenbait ekarpen, adituen monopolioa izan behar direla pentsatzen dugu eta uzkur jokatzen dugu sarritan.


2018-02-21 | Asier Azpilikueta
PAI programek hauspotu dute G ereduaren gorakada, A ereduaren kaltean

Nafarroako euskal mundu txikia pixka bat aztoratu zaigu egunotan, 2018-2019 ikasturterako aurrematrikula datuek erakutsi omen baitute D ereduak beheranzko joera hartua dela. Ez dago argi, ordea, aurrematrikula datuak erakunde ofizial batek emanagatik ere, dantza handia egon baita zenbaki horiekin. Atzo berean, Roberto Perez Hezkuntzako zuzendari nagusiak Euskalerria Irratian halako lasaitasun mezu bat helarazi nahi izan zuen, eta adierazi zuen D ereduak ez duela gora egin, baina ezta behera... [+]


Fauna publikoa
Txingorra ari du, kontuz gidatu

Esaldi bat izan daiteke aldi berean kategorikoa eta zehazgabea, Anne Hidalgo Parisko alkateak erakutsi digu.


Irakasle interinoak, abandonatuta

Iñigo Urkullu lehendakariak burutzen duen gobernuko Hezkuntza sailak hainbat urte daramatza lanean hezkuntzan paktu bat lortzeko. Horren bidez, Euskal Hezkuntzaren Lege berri bat onartu nahi du eta 1992az geroztik indarrean dagoena ordezkatu.


Soldadutzari ez!
Adi gazteok: laster debaldeko oporraldiak izan ditzakezue. Zaudete argi, postariak eskutitz bat ekar baitiezazueke Madriletik -horren estiloko gutunak beti Madriletik datoz- doaneko egonalditxo baterako gonbitea eginez.

Azkenak
EGILEA
Eguneraketa berriak daude