EAEko Auzitegi Gorenak atzera bota du GuraSOSen helegitea
EAEko Auzitegi Gorenak atzera bota du Zubietako erraustegiaren adjudikazioaren aurka Gurasosek jarri zuen helegitea. Gipuzkoako Foru Aldundiko agintariak pozik agertu dira eta hilabete eta erdiko epean lanak hasiko dituztela iragarri dute.
Adjudikazio lanak geldiarazi zituzten honek eta beste hainbat helegitek, baina Markel Olano diputatu nagusiak jakinarazi duenez, lanak abian izango dira hilabete eta erdiko epean. Olano pozik agertu da eta bere esanetan, epaiak sostengua eman dio erraustegia egiteko erabili den bideari. GuraSOS elkartearen helegitean eskatzen zen adjudikazio lanak bertan behera uzteko, erraustegiaren proiektuak ez zuelako izan herritarren partehartze prozesurik.
Orain EAEko Auzitegi Nagusiak dio baietz, gizarte mailako eztabaida luzearen ondoren, 2009an erabaki zuela Diputazioak proiektua hastea eta 2011ra arte honek behar bezala jarraitu zuela. 2011tik 2015era prozesua geldi egon zela, baina EAJk eta PSE-EEk zuzendutako Diputazio berriak proiektuari berriz heldu diola; Gurasos berandu datorrela bere eskaerarekin, besteak beste iaz sortutako elkarte batek ezin dezakeelako aurretik finkatutako prozedurak geldiarazi.
Funtsean, Auzitegi Nagusiak dio errausketa proiektua amaierako fasean dagoela, interes orokorrekoa dela eta hau aurrera ateratzeko arrazoiak indartsuagoak direla GuraSOSek gerldiarazteko aurkeztutako arrazoiak baino. Gainera, auzitegiaren esanetan, Gipuzkoan premiazkoa da hondakinen kudeaketari ekiteko prozedurak abiaraztea.
GuraSOSsek jakinarazi duenez, ez dagokie auzitegiei erraustegiaz erabakitzea, herritarrei baizik. Hala ere, bide juridikoarekin aurrera jarraituko dutela iragarri dute eta asteartean beste helegite bat jarriko dute: 2017ko aurrekontuetan PIGRUGa luzatzea onartu dute Gipuzkoako Batzar Nagusiek, eta beren ustez ezin da halakorik egin. Otsailaren 19rako manifestazioa ere deitu dute Donostian, 12:00etan Artzain Onaren Katedraletik abiatuko da.
Horrez gain, EAEko Auzitegi Nagusiak ebatzi behar du oraindik Gurasosek ingurumen baimen integratuari buruzko beste helegite bat.
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Errausketaren Aurkako Mugimenduak Errausketaren aurkako giza katea egingo du datorren hilaren 8an Donostian. 11:00etan abiatuko da Alderdi Ederretik.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]