Bi urte eta erdiko kartzela zigorra Deustuko grebalarientzat
Otsailean fiskaltzak eginiko eskaria berretsiz, Jon Telletxea eta Urtzi Martinez grebalariei bi urte eta erdiko espetxe zigorra ezarri die Bilboko zigor-arloko epaitegiak. Epaia oso epe laburrean betearazi dezaketela ohartarazi dute.
2012ko Greba Orokorrean desordena egiteagatik, iazko irailean epaitu zituzten Aitor Fernandez, Urtzi Martinez eta Jon Telletxea grebalariak Bilboko zigor-arloko 1.epaitegian. Epaileak Aitorrentzat absoluzioa eta Urtzi eta Jonentzat 15 hilabeteko espetxe zigorra agindu zuen.
Fiskaltzak ordea, Bizkaiko Probintzia Auzitegian helegitea jarri zuen, Jon eta Urtzirentzat bi urte eta erdiko espetxe zigorra eskatuz. Helegite hori aste honetan onartu du epaileak.
Uriola.info-n irakur daitekeenez, bi gazteen abokatu Eukene Jauregik adierazi du pintada batzuk egiteagatik "gehiegizkoa" epaia dela. Gainera, ohartarazi du grebalariek bi aste baino lehen jaso dezaketela Basauriko espetxera aurkezteko epaitegiaren jakinarazpena.
Manifestazioa gaur Deustun
Grebalariak Aske! plataformak deituta, manifestazioa egingo dute gaur, ekainak 13, Deustuko San Pedro plazatik abiatuta. “Urtzi eta Telle libre nahi ditugu! lelopean egingo den protestaldian parte hartzera deitu dute plataformatik.
Heldu den martxoaren 26an, Gorka Roca Torre epaituko dute Baionako auzitegian Unescoren izenean burutu bi ekintzetan esku hartu izanagatik. Seinaletika euskarriak ezabatzea, margotzea, kentzea... Euskal Konfederazioak bere jardueran lehenesten dituen ekintza motak ez badira ere,... [+]
Espainiako Auzitegi Gorenak bat egin du Tsunami Demokratikoa mugimendua ikertzen ari den Manuel García Castejón Auzitegi Nazionaleko epailearekin: ondo ikusten du Carles Puigdemont eta beste hamaika lagun ikertzea eta haien aurkako auzi penala irekitzea. Hemen... [+]
HerriBiltzako militantea den Gorka Torre konbokatu du martxoaren 26an Baionako auzitegiak UNESCOren izenean egindako margoketengatik.
Asteazken honetan deklaratu beharko du, eta elkarretaratzera deitu du GKSk: 11:30ean bilduko dira epaitegi aurrean. Iazko azaroaren 3an egindako protesta baten harira auzipetu dute gaztea; PSOEren egoitza aurrean mobilizatu ziren egun horretan, sionistak Palestinan egiten ari... [+]