Bi polizia turkiarren aurkako atentatua bere gain hartu du PKK-k

  • Asteazkenean bi polizia hilik azaldu dira Ceylanpinar-en (Turkiako hegoekialdean). Kurdistaneko Langileen Alderdiak (PKK) bere gain hartu du ekintza.


2015eko uztailaren 23an - 10:36
Protestak izan dira Istanbulen asteleheneko atentatua gaitzesteko (Argazkia: BBC)

Atentatuak tentsioa areagotu du Turkiako Gobernuaren eta PKKren artean. PKK-k esan du agenteak Estatu Islamikoaren (ISIL) kolaboratzaileak zirela eta astelehenean Surucen (Turkiaren menpe dagoen Kurdistanen) jazo zen atentatuari erantzuna zela.

Nahiz eta PKKren iritziz, asteleheneko atentatuaren erantzunkizuna talde yihadistena den, kurduek Recep Tayyip Erdogani (Turkiako Presidentea) neurririk ez hartzea leporatzen diote. Erdoganek eta bere Alderdiak (AKP, Justizia eta Garapenaren Alderdia) Estatu Islamikoa laguntzen dutela ere kritikatu dute PKK-ko kideek.

Hasiera batean atentatuaren nondik norakoen inguruko zalantzak bazeuden ere, ADN frogen ondorioz, poliziak Suruceko hilketen egilea identifikatu duela esan du. Ustez hogei urteko gazteak bere ikasketak utzi zituen Estatu Islamikora batzeko.

Mobilizazioak Istanbulen

Astelehenean mobilizazio jendetsuak izan ziren Istanbulen (Turkiako hiriburuan) asteleheneko atentatua gaitzesteko. Protestetan Erdoganen aurkako oihuak entzun ziren, Estatu Islamikoari laguntza ematea leporatzen baitiote. Istilu larriak gertatu ziren polizia eta manifestarien aurka bideo honetan ikus daitekeenez.

Euskal Herrian ere protestak

Bilbon ere mobilizazioak iragarri dituzte uztailaren 24rako. “Kurdistanekin elkartasuna” lemapean protesta 19:30ean hasiko da Bilboko Arriaga Plazatik.


Kanal honetatik interesatuko zaizu: Kurdistan
2024-03-24 | Aitor Aspuru Saez
Ibrahim Bilmez
"Öcalanen aurkako sistema garatu du Turkiak Imraliko espetxean eta beste preso politikoen aurka baliatu du"

Ibrahim Bilmez abokatua da eta Abdullah Öcalan buruzagi kurdua da bere bezeroa. Bere isolamendua salatu du Euskal Herrian otsailean, Turkiako errepresio eta inpunitate mekanismoak azalduta.


2024-02-15 | El Salto-Hordago
Ocalan, 25 urte preso eta erabat isolaturik, Espainia eta Europar Batasunaren oniritziarekin

1999ko otsailaren 15ean Abdullah Öcalan atxilotu zuten, Kurdistango Langileen Alderdiko (PKK) eta mugimendu independentista kurduko burua. Turkiako zerbitzu sekretuek Kenyan atxilotu zutenetik, Marmara itsasoko uharte batean dagoen Iämralä-ko kartzelan isolatuta... [+]


2024-02-04 | Aitor Aspuru Saez
Lara Vilanova
"Estatu Islamikoko emakumeekin zubiak eraiki genituen elkarrizketarako, baina zintzoak izan behar ginen eta gezurretan ez erori"

Lara Vilanova (1983, Bartzelona) argazkigintza zuzendaria da eta The Return: Life after ISIS, Sinjar, Cuerdas edota Hondarrak filmetan hartu du parte. Abenduan Euskal Herria bisitatu zuen The Purple Meridians topaketetan parte hartzeko Durangon.


Urtzi Urrutikoetxea
"Ohorezko krimenen ondorioz eraildako emakumeen hilkutxak emakumeek eurek eramateak sekulako eragina izan du Kurdistanen"

Urtzi Urrutikoetxea nazioarteko kazetariarekin mintzatu gara Radio Kobanen, iaz idatzitako Kurdistan-Argi bat ekialde hurbilean liburuari buruz. Testuak azken urteetako gertakizunei erreparatzen die, eta atzerago ere begiratzen du herri kurduaren egoera politikoa eta... [+]


Eguneraketa berriak daude