Bi gizon atxilotu dituzte Bilbon hiru emakumeren kontrako sexu erasoa egitea egotzita
Udaltzaingoak hiru gizon atxilotu ditu gaur goizean sexu erasoa, autoritatearen kontrako atentatua eta desobedientzia egotzita.
Atxiloketa goizeko 06:00ak aldera gertatu da, Plaza Biribilaren inguruetan. 20 urteko hiru emakume Hurtado de Amezagan zeuden udaltzainetara hurbildu dira, bi gizon beraiengana lizunki hurbildu eta sexu erako keinu eta komentarioak egin dizkietela esanez, Areatzako pasealekuaren inguruetan. Jarraian, hirurak Plaza Biribileko txosna batean dantzan ari zirela, berriz ere hurbildu zaizkie eta euren protesten aurrean, erasoka erantzunez.
Gauzak honela, kaleko jantziez jantzitako udaltzainez lagunduta, erasoa gertatutako tokira itzuli dira eta bertan atxilotu dituzte bi gizonak.
Udala, eraso honen aurka deitutako protesta guztiekin bat egingo duela azaldu du eta bihar asteazkena, abuztuak 24, Udaletxeko eskailera nagusietan, eguerdiko 13:00etarako deitutako elkarretaratzera biltzeko deia egiten du, eraso sexista eta jarrera gizalegearen kontrako eta errespetu gutxiko jarrerak Aste Nagusian lekurik ez dutela gaitzesteko.
Albiste hau Bilboko Uriolak argitaratu du eta CC-by-sa lizentziari esker ekarri dugu ARGIAra
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]