Bertso saioak zaharren egoitzetan, bizi kalitatea hobetzeko

  • Gipuzkoako 11 zaharren egoitzetan hasiak dira bertso saio bereziak egiten. Memoria lantzeko, euren arteko harremanak estutzeko, emozioak zabaltzeko... lagungarri da Adin-adin programa.

Estitxu Eizagirre @eeizagirre
2015eko urriaren 20a
Argazkia: diariovasco.com

Adinekoentzako espreski antolaturiko 11 bertso-emanaldi antolatu dituzte Gipuzkoako Foru Aldundiak eta Lanku bertso zerbitzuak, "Adin-adin programa" izenean. Urria eta azaroa bitartean egingo dira saio gehienak. Zaharren egoitzetara bi bertsolari joaten dira, gazteagoa bata eta helduagoa bestea. Dagokion egoitzako bailarakoak bertakoak izaten ahalegintzen dira, bertsotan ere eskualdeko kontuak ateratzeko, adinekoei ezagunak egiten zaizkienak.

Bertsoaren onurak

Maite Peña Gizarte Politikako diputatuak, bertsoak adineko pertsonengan duen eragin positiboa azpimarratu zuen aurkezpenean (urri hasieran): ”Bertsoa bitarteko bihurtzen da adineko pertsonek euren memoria landu dezaten. Euren bizipenak,oroitzapenak,gogoratzen dituzte eta zaila da motibazio hori beste modu batera lortzea. Emozioetara iristen den tresna da bertsoa”.

Ander Zapiain Mendekotasun arreta zerbitzuko zuzendariak, iazko esperientzia aberasgarria azaldu du bertsoa.eus-ek eginiko bideo elkarrizketan: "Zaharren egoitzetan egiten dugun lana, tamalez, oso asistentzialista da. Heriotzaren zain dauden pertsonen azken urteak dira. Bertsoa, berriz, jaiarekin lotzen dugu. Eta esan genuen, zer arraio! eta zergatik ez probatu?". Programak helburuak garbi zituela kontatu du: Parte-hartzea bultzatzea, euren arteko harremanak hobetzea... eta aitortu du zuten kezka: "Gure zalantza zen publikoak zukua aterako ote zien saio hauei. Iazko balorazio oso positiboa egin zuten zaharren egoitza guztiek eta jarraitzeko gogoz geratu ginen. Horregatik erabaki dugu aurten gehiagotara zabaltzea. Aurten, gainera, aurrez prestaketa lana egingo dugu: kantu zaharrak, istorio zaharrak landuko ditugu, saioan bete betean sartzeko". Ez da bertsoen terapeutikaz ari: "Horrelako ekintza batek zer inpaktu duen narridura kognitiboa duen pertsona batean? programa honek ez du inongo kutsu zientifikorik. Nahi dugun bakarra da pertsona horiek beren azken urteak ahalik hobekien pasatzea".

Lizasoren esperientzia

Xebastian Lizasok kontatu du nolakoa den zaharren egoitzako saio bat, bertsoa.eus-en elkarrizketa berean: "Zaharren egoitzara zoazenean, zain egoten dira. Bakoitzak gogoratzen dizkizu 'ni halakotan egonda nago, eta Basarri entzun nuen bertsotan, zure aitarekin beste batean...' ikusi hutsarekin garai bateko oroitzapen asko etortzen zaie burura. Bertsotan hasi aurretik, eurekin egiten dugu behar den denbora euren bizipenak jasotzen eta gero elkarren informazioa ongi ematen digute: 'honek tranpa egiten du musean, beste horrek txikiteoan irteten du..." Kantuan hasi orduko jabetzen zara noiz barre egiten duten, noiz begiak ixten zaizkien... eta oso esker onekoak dira. Gu ohituta ez gauden publiko klase bat da. Oso beteta ateratzen zara saiotik".

Saioen egutegia

Errenterian, Azkoitian eta Bergaran egin dituzte lehen saioak. Hurrengo bertso saioak, hauexek:

- Oiartzun. Urriak 22. Petra Lekuona egoitza. Goizez. 10:30. Exteban Martiarena eta Jon Martin.

- Lazkao. Urriak 23. Txindoki egoitza. 17:00. Gema Urteaga eta Iñaki Murua.

- Beasain.Urriak 30. Arangoiti egoitzan. 17:00 Iñaki Murua eta Gema Urteaga. 

- Arrasate.Azaroak 12. Iturbide egoitzan. Joxe Luis Gorrotxategi eta Maider Arregi.

- Azpeitia.Azaroak 9-14ko astea. San Martin egoitza. 17:00. Loidisaletxe eta Beñat Lizaso.

- Donostia. Azaroak 12. Zorroaga Egoitza, goizez 11:00.Ane Labaka eta Xebastian Lizaso.  

- Tolosa. Azaroak  24. Iurramendi egoitza. 16:30. Amaia Agirre eta Anjel Mari Peñagarikano.

- Tolosa. Ekainak 10. Uzturre egoitza. 17:00. Millan Telleria eta Xebastian Lizaso. Burututa

Kanal hauetan artxibatua: Osasuna  |  Bertsolaritza  |  Osasuna  |  Zaharren egoitzak

Osasuna kanaletik interesatuko zaizu...
2018-05-20 | Igor Agirre
Osakidetza
215.000 herritarrek eskatu diote euskaraz artatzeko

Osakidetzak kanpaina jarri zuen martxan herritarrei lehentasunezko hizkuntza aukeratzeko hautuari buruz ohartarazteko.
Ia 215.000 pertsonak aukeratu dute euskara lehentasun hizkuntza osasun zerbitzuarekin harremanetan aritzeko. Euskaraz komunikatu nahi dutela adierazi badute ere, Osakidetzak ez die bermatzen arreta euskaraz jasotzea.


2018-05-15 | ARGIA
Osasungoa Euskalduntzeko Erakundeak komunikazioa-inkomunikazioa landuko du 28. Biltzarrean

Komunikazioa-inkomunikazioa gaiaren barruan gaixo psikotikoez, heriotzaz, sexuaz eta hizkuntzez arituko dira mahai-inguru eta tailerretan.


2018-05-15 | Hiruka .eus
Urdulizko ospitalean langile gehiago kontratatzeko eskatu dute sindikatuek

Urdulizko ordezkaritza sindikalak elkarretaratzea egin du gaur goizean, Urdulizko Alfredo Espinosa ospitalean. Jon Darpón sailburuaren bisitagaz batera atera dira kalera, langile-falta salatu eta kontratazio gehiago eskatzeko.


Edward Chu
"Gizon zuriek indiar emakumeen aurka egindako sexu delituak zigorgabe geratzen dira"

Edward Chu (Kaliforniako Santa Rosa, AEB, 1974) mediku eta antropologoak navajo indiarrak artatzen ditu Tuba City (Arizona)  hiriko ospitalean, Regional Health Care Corporation-en bitartekaritzaz. Gizarte begirada eta ikuspegi klinikoa uztartuz ehuntzen du bere lana.


Gaixotasun zeliakoa
Zer jan eta zer ez, hori da kontua

Hesteetako arazoa da zeliakia. Glutena digeritzeko zailtasunak dituenak pairatzen du. Gaixotasun kronikoa da eta sendagai bakarra betierekoa izango den elikadura zaintzea da. 


Baztangaren matxinada Hernanin

Hernani (Gipuzkoa), 1918ko apirila. Lasarte eta Hernani inguruetan zenbait baztanga kasu agertu zirenez, Gipuzkoako gobernadoreak hainbat neurri hartzeko agindua eman zuen: Lasarteko herritarrei, hipodromoko jockey-ei eta ukuiluetako langileei txertoa jartzea (agerraldia hipodromo inguruetan sortu omen zen) eta gaixotutako zazpi pertsona Lasartetik Hernaniko Benefizentzia Etxera eramatea, bertan hobeto isolatuta egongo zirelakoan.

 


2018-04-26 | ARGIA
Amiantoaren biktimen alde lanuztea eta manifestazioa deitu ditu CAFeko enpresa batzordeak Beasainen

Amiantoaren ondorioz hildako langileen zerrenda gorantz doa Goierriko lantegian, azkenaldia beste lau lagun gehitu behar zaio eta jadanik 35 direla baieztatu dute enpresa batzordetik.


2018-04-25 | ARGIA
Asunciˇn Klinikaren egoera salatuko dute langileek, udaletan mozioak aurkeztuz

Ia 5 hilabete daramate greban Tolosaldeko Asunción Klinikako langileek. Kalitatezko osasun zerbitzua bermatzeko, lan-baldintzen hobetzea eta hitzarmen duina eskatzen dute. Tolosaldeko 31 udaletan eta Eusko Legebiltzarrean izan dira jada, Eusko Jaurlaritzarekin ere bildu dira, “baina zuzendaritzaren jarrerak penagarria izaten jarraitzen du”, diote. Mozioak aurkeztuko dituzte orain, hainbat udaletako plenoetan.


2018-04-23 | Aitor Montes
Aleak harri artean

Osasun arreta euskaldutzeko gaurko eredua oker dago, izugarrizko akats estrategikoa da, eta larrutik ordainduko dugu ez bada garaiz zuzentzen. Harri artean ari gara aleak ereiten.


2018-04-22 | I˝aki Murua
Ni neu

Niak maiz eskatzen dit “teknologia”-n eguneratuago egoteko: Iphone-aren azken bertsioa erosita beharko nuke eta auto berria, bigarren eskuko ia 350 mila kilometro dituen horren ordez!

Neuk erabakitzen dut, ordea, eta mugikorra 2.0 izanagatik eta modelo zaharrena, balio didala erabaki dut. Gauza bera autoarekin, eskua hartua diot eta ezagutzen ditut bere zirrikitu gehienak, akatsik ohikoenak, eta abar. Teknologia gure aurretik joatea aspalditxo onartu nuen, baina egunero erabili... [+]


Eguneraketa berriak daude