Bake akordioa sinatu dute Kolonbiako Gobernuak eta FARC-EPk

  • 52 urteko gatazka armatuaren ondoren Juan Manuel Santos Kolonbiako presidenteak eta Rodrigo Londoña Echevarri Timochenko gerrillako buruak bake hitzarmena sinatu dute Habanan, atzerriko ordezkarien bermearekin. 2012an hasi ziren negoziazioak eta orain su-etena, armak uztea eta adostutakoa betetzen dela egiaztatzeko bide orria adostu dituzte.

Sara Arruabarrena Azkarate @s8ara
2016ko ekainaren 24a
Juan Manuel Santos Kolonbiako presidenteak eta Rodrigo Londo˝a Echevarri Timochenko gerrillako buruak bake hitzarmena sinatu dute Habanan. (Argazkia: Uniˇn Guanajuato)

Bake prozesuaren bermatzaileek ere sinatu dute akordioa, Raul Castro Kubako presidenteak eta Borge Brende Norvegiako atzerri ministroak. Ban Ki-Moon NBEko idazkari nagusia eta, Nicolas Maduro eta Michelle Bachelet Venezuelako eta Txileko presidenteak bertan izan dira.

Bukaerako akordioa sinatzeak esan nahi du FARC-EPk armak alde batera utziko dituela, segurtasuna bermatzeko neurriak hartuko direla eta bakea mehatxupean jartzen duen edonoren kontra egiteko konpromisoa izango dela. Hala ere, bake prozesua ez da amaitu eta akordioa zigilatzeaz gain erreferenduma egin behar da orain, herritarrek adostutakoa babesten dutela ziurtatzeko.

FARC-EPk iragarri du akordioa sinatu eta 180 egunen buruan utziko dituela armak. Gobernuak, gerrillak berak eta nazioarteko ordezkariek egiaztatuko dute neurriak betetzen direla.

FARC-EPko kideak lekualdatuko diren aldi baterako kokalekuak 22 izango dira eta zortzi kanpamentu egongo dira. Gerrillariak ez dira orain arte bezala arituko, hemendik aurrera identifikatu egingo dituzte eta haien armak erregistratu.

Alfredo Molano idazle eta analista kolonbiarrak bakerako funtsezkoak diren gakoak azaldu ditu Contagio irratian, Telesur-ek argitaratu duenez. Haren ustez, bakea egiaztagarri izan dadin atzerriko ordezkariak beharrezkoak dira. Gainera, gerrillarien kanpamentuek gatazka eremuetatik urrun egon behar dute eta segurtasuna hiru mailetan finkatuko da: lehenengo mailan FARC-EPko kideak egongo dira, bigarrengoan atzerriko erakundeak eta azkenik, segurtasun indarrak. Argitu du akordioa sinatzeak ez duela esan nahi dagoeneko bakea gailendu dela, baizik eta neurriak gutxika ezartzen joango direla.

Kanal honetan artxibatua: FARC

FARC kanaletik interesatuko zaizu...
2017-09-01 | Jon Torner Zabala
FARC eta bere futbol talde profesionala: gerrillariek ere "gol!" egin nahi dute oihu

Alderdi politiko bilakatu den FARCek futbolari gazteak hezi eta profesional bihurtzea du helburu, erakundeko Kirol Zuzendaritzako kide Edgar Cortések adierazi duenez. Blu Radio irratian egin dioten elkarrizketan, azaldu du vereda-guneetan futbola eta oro har kirola oinarri duten ekimenak burutuko dituztela, gizarteratzea xede.


2017-09-01 | Xalba Ramirez
FARCetik FARCera

Gerrilla mugimendua izatetik alderdi politikoa izatera jauzia egin du FARCek, siglak mantenduta. Izena eta logoa adostu dituzte: Guztion Indar Alternatibo Iraultzailea.


2017-06-11 | Xuban Zubiria
"Multinazionalek ahal duten guztia egingo dute bake akordioa bete ez dadin"

SAT sindikatuak gonbidatuta bi hilabete igaro ditu Luis Plaza Velez sindikalista eta irakasle kolonbiarrak Espainiako Estatuko sindikalismoa aztertzen. Euskal Herrira egindako bisita baliatu dugu Kolonbiaren gaurkotasunaz galdetzeko.


Erresistentzia martxa koloretsua

Kolonbiako herri indigenetako milaka lagunek “lurraldea, bizitza eta herrien duintasuna” aldarrikatu dute Jamunditik Calirainoko martxan. Gobernuaren eta FARC-en arteko akordioaz geroztik 180 herritar indigena hil dituztela eta herri indigenen aurkako giza eskubideen urraketa etengabea dela salatu dute ondorengo komunitateetako kideek: Guainia, Meta, Guajira, Amazonas, Misak eta Chami. Amalurra defendatu eta babesteagatik beldurtzen, hiltzen edo herrietatik botatzen dituztela salatu... [+]


Hogei egunez luzatu dute FARC-EPren armagabetzea, bake prozesuaren atzerapenagatik

Hiru astez luzatu dute FARC-EPren armagabetze prozesua; maiatzaren 30ean zen amaitzekoa, hasierako akordioaren arabera, baina ekainaren 20ra arte luzatu dute epea. Gobernuak ez ditu bake prozesurako azpiegiturak burutzeko epeak bete, eta atzerapenak eragin ditu.


2017-05-03 | Unai Aranzadi
Kolonbia ikusezina
MULTIMEDIA - dokumentala

Edozein gatazka konpontzeko horren arrazoiak ezagutu behar dira, zergatik ez ote dira Kolonbiarenak ezagutzera ematen? Santos presidenteak nazioarteko proiektu erraldoi baten inaugurazioan xanpaina edaten duen bitartean, handik gertu, proiektu horren erruz lekualdatutako haurrak hiltzen dira. Gerrillaren buruetako bat hil dutela esaten du Reyes jeneralak, baina ordu gutxira, indigenen buru zela onartzen du. Hiru haurren bortxaketagatik eta hilketagatik auziperatutako militarren kasua ikertzen... [+]


Kolonbiako Gobernua ez da Habanako bake akordioa betetzen ari

FARC-EP gerrillako buruek, Bogotan egindako prentsaurrekoan, salatu dute Kolonbiako Gobernua ez dela betetzen ari Habanako bake akordioetan adostutakoa. Ez ditu eraiki desmobilizaziorako eta armagabetzeko beharrezko azpiegiturak, eta horrek prozesua atzeratzea eragin du. Gainera, FARC-EPren erretiratzearekin paramilitarren ofentsiba gogortzen ari da, eta gobernuak ezikusiarena egiten du horren aurrean.


Bake akordio berria sinatuko dute gaur Kolonbian, oposizioaren ezetzaren aurrean

Bake akordio berriaren sinatze ekitaldia egingo dute gaur Kolonbiako Gobernuak eta FARC gerrillak. Bigarren akordio hau Kongresuan onartuko da, lehenengoan erreferendum bidez ezezkoa gailendu ondoren. Bogotako Colon antzokian egingo dute ekitaldia, Euskal Herrian arratsaldeko bostak direnean.


Lehen ezetzaren ostean, bake akordio berria sinatu dute FARCek eta Kolonbiako Gobernuak

Bake akordio berria sinatu zuten Kolonbiako Gobernuak eta FARC-EP gerrillak azaroaren 12an La Habanan. Erreferendumean ezezkoaren alde egin zuten herritarren proposamenak entzun eta hainbat aldaketa egin dituzte, komunikatu bateratuan azaldu dutenez.


Bakearen Aldeko Kanpamentuak bi aste egin ditu Bogotako Bolivar plazan

Bolívar plaza erdian, Bogotako plaza nagusian, Bakearen Aldeko Kanpamentua mantentzen dute hainbat pertsonak urriaren 5etik, plebiszituan ezezkoak irabazi ostean. Ez dituzte hala nolako bizilagunak aukeratu: Kolonbiako Kongresua, Bogotako alkatetza, Justizia Jauregia eta Kolonbiako artzapezpikutzaren egoitzek inguratuta daude. 300 lagun inguru daude egun bertan bilduta.


Azkenak
EGILEA
Eguneraketa berriak daude