Atzerapena Zubietan: FCC eta Urbaserren artean Cespak ere muturra sartu nahi du
Zubietako erraustegiaren obrek erritmo onean jarraitzen duten arren, 300 metro urrunago biometanizazio eta eskorien tratamendurako eraiki beharreko azpiegiturak hasi barik egongo dira ondoko hiru hilabeetetan gutxienez: FCC eta bere taldeari GHK-k 20 urterako egindako esleipenari helegitea jarri dio orain arte Zubietako opilaren banaketan esku hartzen ez duen taldeak, barnean Cespa eta Campezo dituenak.
"Urbaser eta FCC Zubietako pastela banatzen: inork ez ditu ikertuko -%25eko beherapen susmagarriak?" idatzi zuen ARGIAk apirilaren 26an, jakin berri zelarik GHK partzuergoak erraustegiaren bigarren faseko azpiegiturak –hondakin organikoarentzako biometanizazio planta eta erraustegiak sortuko dituen eskorien tratamendua egingo duena– eraiki eta 20 urtez kudeatzea esleitua ziola FCCri eta bere taldeari (Urbycolan, Garrai, Biergrim, Ecofert Sansoain eta Valorización y Tratamiento de Residuos S.A.).
Ikerketa kazetaritzan erreferenteetako bat den Igor Meltxorrek iradokiak zituen esleipen hartako irregulartasun larri zenbait:
Egunotan zabaldu denagatik, ezin esan oraindik inor hain sakon ikertzera ausartu denik, baina lehiaketan bitan galtzaile geratutako taldeak erabakia eraman du Gipuzkoako Foru Aldundiak kontratu aferak argitzeko daukan barne auzitegira. Ikusi beharko da aurrerago joateko lehen urratsa den ala bere horretan agortuko den, beste askotan gertatu bezala.
Diario Vascok aurreratu duenez, Cesparen –Ferrovial taldearen konpainietako bat– taldeak uste du lehiaketa erabakitzeko azken puntuazioetan oso tarte txikia zegoela bere eskaintzen eta FCCrenaren artean. Barne auzitegi honetan erreklamatzeak automatikoki dakar esleipena paralizatuta geratzea; gauza bera gertatu zen oraingo fasean irabazlea den FCCk lehen fasean –erraustegiaren eraikuntza eta kudeaketa– galtzaile izanik kexua aurkeztu zuenean obra Urbaserren taldeari eman ziotelako. Aldiz, behin Foru Aldundiak erbakia berretsitakoan, auzitegietara joz gero obrak ez lirateke geldituko.
Kontua da bi faseen esleipenetan paralelismo bitxia gertatu dela. Lehen fasean, erraustegia nori eman epaimahaiak oso puntuazio tekniko paretsuarekin erabaki zuen, baina proposamen ekonomikoan zegoen mamia: Urbaserrek eskaini zuen operazioa %25 merkeago egitea FCCk baino. Askok galdetu zuen, orduan, ea ez ote den susmagarria halako merkealdizko prezioa, ea gertatuko den –administrazio publikoetan epidemia ustela den moduan– denborarekin diferentzia hori berdintzea ezusteko gastu eta inbertsio berriekin.
Gero, bigarren fasean, gauza bera egin du lehengo galtzaile eta demandatzaileak, FCC: %23 merkeagoko eskaintza luzatu. Eta GHK-ko politikariek onartu, gainera. Saltsa hori inork ikertuko ote du? Cespa edo Campezo horretaraino iritsi daitekeenik ezin da pentsatu. Espainian hondakinen merkatua konpainia handienen artean adostuta elkarbanatzen dutela aspaldiko kontua da, auzitegiek isun handiz zigortua dute lehen ere Urbaser, ACS, FCC eta abarrez osatutako cartela, eta negozioa horrela antolatuta dagoenean, inor ez da ausartuko mahai azpiko trapuak ateratzera. Izatekotan ere, enbidoren bat jo mahai gaineko opilaren banaketan zati handixeagoa eskatzeko.
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Errausketaren Aurkako Mugimenduak Errausketaren aurkako giza katea egingo du datorren hilaren 8an Donostian. 11:00etan abiatuko da Alderdi Ederretik.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]