30 pertsona inguru bildu dira asteartean Tuterako epaitegiaren aurrean AHTren aurkako oposizioaren “kriminalizazioa” salatzeko. Herriko bizilagun bati Castejonen egindako protesta batean kalteak eragin izana leporatu dio Foruzaingoak, baina honek dio ez zela bertan egon.
Ainhoa Fernandezek Tuterako epaitegian deklaratu du asteartean. Mugitu Mugimenduak azaldu duenez, Fernandezek esan du “ez zuela protestan parte hartu” eta “ez duela zerikusirik leporatzen dizkioten ekintzekin”. Are gehiago, egun horretan Orion asteburua pasatzen zegoela adierazi du.
Martxoan Mugituk Castejongo Trenbide Museoan 30 minutuko okupazio sinbolikoa antolatu zuen, AHTak tren-linea eta zerbitzuak bertan behera utzi eta eskualde-geltokiak itxiaraziko dituela salatzeko xedearekin.
Mugituk adierazi du, protestak iraun zuen bitartean polizia ez zela hurbildu eta ez zela arazorik egon bertako langileekin edo bizilaguneekin. Ez zutela inolako kalte materialik eragin diote, “beraz ez da ulergarria Ainhoa Fernandezi egindako akusazioa”, salatu dute.
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]