Ahal Duguren barne prozesua: eztabaida eta polemika txiki bat

  • Euskal Herriko Ahal Dugu barne eztabaidan murgilduta dago hiri eta herrietako batzordeak eta idazkaritza nagusiak aukeratzeko. Prozesua baliagarria izaten ari da eztabaidarako, baina baita polemikarako ere.


2014ko abenduaren 19an - 12:05
Azken eguneraketa: 2015-02-26 13:37:33
Pensando Bilbao hautagaitzako kideen aurkezpena (argazkia: Deia).

Alderdi berriaren Euskal Herriko zirkuluak Twitterren daukan kontuan islatu da ika-mika ostiral honetan. Zenbait mezutan salatu denez, Euskal Herriko kontu ofizialak hautagaitza batzuen aldeko joera erakutsi du, neutraltasun irizpideen kontra.

Bilbon hautagaitza baten alde lerratuta?

Bilbon bost hautagaitza aurkeztu dira, baina, @PodemosEH-ren profilean argitaratu diren zenbait mezuk adierazten dutenez, Euskal Herriko zirkuluaren kontu ofizialak bati faborezko tratua eman dio.

Pensando Bilbao du izena zerrenda horrek eta @PodemosEH-k argitaratutako mezuetan “lotsagarria” iritzi zaio hautagaitza hori baino ez babestu izana.

“Salatzen dugu PodemosEHren kontu ofizialetatik Pensando Bilbao hautagaitzari bakarrik ematen ari zaiola publizitatea”, irakur zitekeen ostiral goizean igorritako mezu batean.

“Sareak kontrolatzen dituzten Pensando Bilbao hautagaitzako pertsonen trikimailu zikinek ez daukate justifikaziorik”, zioen beste mezu batek.

Neutraltasun protokoloa

Beroz beroan idatzitako mezuak dirudite, baina sakonagoko arrazoiak ere aipatzen dira: salaketak zerikusia dauka Ahal Duguk bere kontu ofizialetarako ezarri duen neutraltasun protokoloarekin.

Testu horretan esaten denez, alderdiaren zirkulu lokalek posizio neutrala eduki behar dute abian den prozesuko hautagaitza guztiekin, baten aldeko jarrera argirik erakutsi gabe, eztabaida ahalik eta garbiena izan dadin, “benetan demokratikoena” hori delako.

Ahal Duguren azalpenak

Ostiral eguerdian @PodemosEH-k ondoko mezua igorri du, aipatutako txioak "onartezin" gisa deskribatuz.

Mezuak atxikita daukan testuan irakurtzen denez, kontu ofiziala erabilia izan da Euskal Herriko Ahal Dugu sortu zuen "espirituari" laguntzen ez dioten jendearen partetik.


Kanal honetatik interesatuko zaizu: Podemos
Ahal Dugu eta Sumar bananduta aurkeztuko dira Eusko Legebiltzarreko hauteskundeetara

Lander Martínez Sumarreko bozeramaileak egintzat eman du banaketa eta Alba García alderdi horretako lehendakarigaiak ere ez du gaur gaurkoz posible ikusten koaliziorik.


Bilboko eraso homofoboa Legebiltzarrera iritsi da

Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]


Sumar koalizioa Madrilen bai, baina Gasteizen ez

Euskadiko Podemosen koordinatzaile nagusi Pilar Garrido, Sumarren Gipuzkoako zerrendaburua izan zena Espainiako hauteskundeetan, koaliziotik kanpo aurkeztearen alde mintzatu da Eusko Legebiltzarreko datozen bozketei begira. “Euskadiko jendea mobilizatzeko balio du... [+]


Inbestidura prozesua ezusteko gabe igarota, Chivitek Nafarroako lehendakari kargua hartu du

11:30ean izan da kargua hartzeko ekitaldia Nafarroako Parlamentuan, eta gonbidatu gisa joan dira hainbat ordezkari politiko, tartean Iñigo Urkullu EAEko lehendakaria. Kontseilari berriak ere izendatu dituzte: lau Geroa Baik gidatuko ditu eta bat Zurekin Nafarroak;... [+]


2023-05-29 | ARGIA
EH Bilduk eta abstentzioak EAJren nagusitasuna apaldu dute

Abstentzio handiko hauteskundeak izan dira, eta lehia handiena EAJ eta EH Bilduren artean izan da: lehenengoak behera egin du eta bigarrenak gora. Nafarroako Legebiltzarrean UPNk mantendu du 2019ko garaipena, eta PSNk bigarren postua. Araba eta Bizkaiko Batzar Nagusietan, EAJk... [+]


Eguneraketa berriak daude