Errezilgo Etumeta baserriko sutearen kalteak arintzeko elkartasun kanpaina jarri dute martxan
Joan zen ekainaren 21ean sutea izan zen Erdoizta auzoan (Errezil, Gipuzkoa) kokatuta dagoen Etumeta baserriko artegian, eta kalte handiak eragin zituen. Ezbeharrak eragindako kalteak arintzeko elkartasun kanpaina jarri dute martxan: diru ekarpena egiteko zein laguntza bonoak erosteko aukera izango da.
Ekainaren 21ean sutea izan zen Erdoizta auzoan kokatuta dagoen Etumeta baserriko artegian, eta ehundik gora bildots, txakur bat, lanerako tresneria zein bi traktore erabat kiskali ziren. Suteak eragindako kalteak arintzeko elkartasun kanpaina jarri dute martxan. Herritarrek ekarpen ekonomikoa egiteko aukera izango dute, eta horretarako, hainbat bide jarri dituzte. Transferentzia ES24 3008 0152 6042 3541 1925 kontu korronte zenbakian egin ahal izango da, eta Bizum bidez 675 70 58 48 telefonora ere egin ahal izango da diru ekarpena. Gainera, laguntza bonoak ere kaleratu dituzte, bost euroren trukea.
"Proiektua martxan jarri nahi dugu berriro"
Etumeta baserriko Josu Soraluze artzainak honako gutun hau idatzi du martxan jarri duten kanpaina dela eta:
2017. urtean betidanik ilusioa izan dudan artzaintza proiektuan sartu nintzen. Nuen lanpostua utzi eta bizi proiektu berri bat aurrera ateratzeko apustua egin nuen. Proiektu hori gauzatu ahal izateko Gaztenek programan izena eman nuen, eta ondoren, Arantzazuko Gomiztegi eskola-etxean ikastaro batzuk egin ostean, Beizamako Arreta baserrian egin nituen praktikak sei hilabetez.
Hiru urte igaro ondoren, eta lan askoren ondorioz, nire ametsa egin bihurtzea lortu nuen, Eusko Jaurlaritzaren, Gipuzkoako Foru Aldundiaren (OKA), Lurgintzaren eta familiaren laguntzarekin. Baina 2020ko ekainaren 21ean, gure familiaren bizitza hankaz gora jarri zen, zorigaitzeko sutearen ondorioz. Ukuilua, 129 bildots, ardi txakur bat, lanerako tresneri guztiak eta bi traktore zeharo kiskali ziren; ezer gabe geratu gara.
Lehen egunetan zeharo lur jota egon ginen, baina ingurukoen babes handia jaso dugu, eta pixkanaka gertatutakoa onartu eta aurrera egin beharra dugula ikusi dugu. Berriro gure proiektua martxan jartzea nahi dugu, eta horregatik, laguntza eskaini nahi duzuenontzat zozketa bonoak atera ditu Azpeitiko Elikaguneak. Horiek eskuratuta, Euskal Herriko produktuen sorta baten zozketan parte hartzeko aukera izango duzue. Horrez gain, kontu korronte bat ireki dugu bestelako ekarpen ekonomikoren bat egin nahi duenarentzat.
Hona hemen ekarpenak egiteko bideak:
1. Kontu korronte zenbakia: ES24 3008 0152 6042 3541 1925.
2. Bizum: 675 70 58 48.
3. Zozketa bonoa (bost euro): Azpeitian, Kimu Bat, Ekain albaitaritza, Elikagunea, Orkatz, Korrale, Pastorkua taberna eta Mendizabal erretegia; Urrestillan, Ibai Eder kooperatiba eta janari dendan (estankoa); Azkoitian, Errexil taberna, Isidro erretegia, Aizpurutxoko taberna eta Urbitetxo pentsutegia; eta Errezilen, Errezilgo Azokako denda, Borondegi eta Letea jatetxea.
Apirilaren 13an egitarau indartsua prestatu dute Berangoko Otxantegi Herri Lurra proiektuaren II. urteurrena ospatzeko. Apirilaren 18an, aldiz, bigarren desalojo saiakeraren mehatxua izango dute gainean eta herritarrei dei egin diete proiektua defendatzera joateko. Kideetako... [+]
Hamar urte baino gehiago daramatza martxan Arabako Nekazariak Eskolan proiektuak, Hazi fundazioak zenbait ekoizlerekin elkarlanean bultzatzen duena. Haur eta gaztetxoak nekazal mundutik geroz eta deskonektatuago bizi diren garaiotan, inoiz baino beharrezkoagoa da elkar... [+]
Nafarroako sektore ekologikoa egonkor mantendu da azken urtean eta nekazaritza ekoizpena %5 handitu da. Nafarroako Nekazal Produkzio Ekologikoaren Kontseiluak erronka du 2030. urterako: lurren %25 ekologikoa izatea. "Bide horretan ari gara lanean, ahalik eta nekazari eta... [+]
Aste honetan sortu da elkartea eta datorren astelehenean, hilaren 18an, laborarien sindikatuek Jose Mari Aierdi kontseilariarekin izango duten bileran egongo da.
Gorantz egiten ari da nekazaritza ekologikoko eredua Araba, Bizkaia eta Gipuzkoan, Ekolurra Kontseiluak baieztatu duenez, baina Europako Itun Berdeak 2030erako helburutzat duen %25etik urrun dago oraindik.